ကျိန်ဇာတိ သင်နိန်လိုလား
ထိုမှာကြည့် ငါရို့အမွီနစ် နန်းတော်
ကြီကွဲနာကြင် ပူလောင်နိန်ရေ
ရက္ခိုင်ပြည်သူအများ နားလည်လား
မြင်နိန်ရ စိတ်မချမ်းသာ
ဒေအချိန်ထိ ငရို့ဘုရင်နန်းမြို့တော်
ပြန်လိုချင် ပြည်သူအများ
ဆီမီးခမ်ဒခြောက် အလင်းပျောက်နိန်
မြင်ကွင်းငိုသံ မကြားမိန့်ဂတ်လား
ပုထိုးဇာတီ ရုပ်ကြွင်းများလဲ
ဖြစ်ပျက်ခြင်း တရားလား
ဖီစီးခြင်း သဘောလား
အမှားအမှန်ကိုခွဲဖို့ မျက်လုံးကိုအစုံဖွင်
အာရုံစိုက်လို့ အဖိုးသွီးတစပ်ကြောင်း
မွီးဖွားလာရေ သားမြီးတိတွက် အဆက်ဆက်နန့်
ခြောက်သွိ့မြေပြင် ရောင်ခြည်တောက်ဖို့
အသူရို့မှာ တာဝန်ရှိလဲ ။

ဟိုင်ဝီး

အသူရို့မှာ တာဝန်ရှိလဲ ။
ကျိန်ဇာတိ သင့်နိန်လို့လား
ထိုမှာကြည့် ငရို့အမွီနစ် နန်းတော်
ကြီကွဲနာကြင် ပူလောင်နိန်ရေ
ရက္ခိုင်ပြည်သူအများ နားလည်လား ။
မြင်နိန်ရ စိတ်မချမ်းသာ
ဒေအချိန်ထိ ငရို့ဘုရင်နန့်မြို့တော်
ပြန်လိုချင်ပြည်သူအများ
ဆီမီးခမ်းခြောက် အလင်းပျောက်နိန်
မြင်ကွင်းငိုသံ မကြားမိန့်လား ။
ပုထိုးဇာတီ ရုပ်ကြွင်းများလဲ
ဖြစ်ပျက်ခြင်း တရားလား
ဖီစီးခြင်း သဘောလား
အမှားအမှန် ခွဲဖို့ မျက်လုံးကိုအစုံဖွင့်
အာရုံစိုက်လို့ အဖိုးသွီးတစပ်ကြောင်း
မွီးဖွားလာရေ သားမြီးတိတွက် အဆက်ဆက်နန့်
ခြောက်သွိ့ မြေပြင် ရောင်ခြည်တောက်ဖို့

ဟိုင်းဝီ…

ကျန်ခရေလူ မျိုးဆက်သစ် တစုချေက
ကိုယ့်ပြည့်အတွက် အသက်ပီးလှူလားရေ
ဒေရပ်ချေကို ရောက်လီတိုင်းမှာ
မေတ္တာပို့ဗျာယ် အမျှဝီလို့
မဟာပညာရှင် ပညာကျော်များကိုလဲ
ဂတိပီးလို့ လက်မထောင်
အပေါက်မပါရေ ငါးရင်သားအလား
ကျစ်လစ်မှ ခိုင်မာ ခိုင်မာမှာညီညွတ်
စုစည်းခြင်းနန့် ခွန်အားတရပ်ကို
ပြသပကတ်မေ အတူညီညာလက်တွဲပြဖို့
အဝီးရောက်နိန် ညီအကိုများ စိတ်ဓာတ်ကအရင်းခံ
တမလွန်ရွာလား အာဇာနည်များအတွက်
ဆုတောင်းယင်း မှတ်ကျောက်တင်
သုံးဆယ်တစ်လေ သုံးဆယ်တစ် ။

ဟိုင်းဝီး

ရှာလိုက်ကေ တွိနိန်ပါယင့်
သင်ကြားပီးဖို့ မဖွယ်ရာ
ဆရာမဟိ တကာအသိနန့်ကြိုးစားရလိမ့်မေ
ကိုယ်းစာပီ မှေးမှိန်လာလို့ လူမျိုးကသေးသိမ်လာ
မျိုးမဟာ အရောင်ပြောင်းလို့
ထောင်သောင်းမက မရွီတွက်နှိင်
ပင်လယ်ကမ်းခြီ တောင်စိုင်သားရို့
အားလုံးရောဂျ အဆိမ်သင့်လို့
မောင်နှမ်းပိုင် ဘဝဖြစ်နိန်ကတ်တေအများကြိး
ယဉ်ကျေးမှု နန့်စာပီ စာပီနန့်လူမျိုး
အခိုးခံရ အငြိုးခံရ ကျွန်ဘဝနန့်
ဒေဒုက္ခက လွတ်မြောက်ဖို့အတွက်
အရက်သေစာ နွံနိတ်ထဲမှာ
အသိပညာ မရှုံးစီကေ့ ။


ဟိုင်ဝီး

အတိတ်အကြောင်း စိတ်မကောင်းစရာ
ထက်လို့စိတ်မချမ်းသာ ကြားရစကား
မင်းအဆက်ဆက် ထားခ လေးရပ်ဝတီပါ
အဂုအခါ တရပ်တိုးလာလို့
ရယ်ချင်စရာ ဖြစ်ရပ်များလား
စိုင်းစားကြည့်ပါဖိ သမိုင်းကိုဖျက်ဗျာလ်
ရာဇဝင်ကို မီးရှိုး အရာရာကိုဝါးမျို
ဘောင်မဝင်ရေ စည်းကမ်းများနန့်
ဇာလောက်အနိူင်စား ပေါင်တင်ထားလေ
ရုန်းမရ ရွမ့်မရနန့် အားတင်လာရေ
ကြမ်းကြုတ်ယုတ်မာ ဘီလူးလူစား
ထင်ရာစိုင်း မြင်ရာစိုင်းလို့ အသိခေါင်းပါး
ထိုသူများ တဖန်အလှည့် ရှိပါရေ

ဟိုင်းဝီး

ကြုံလာရရေ ဘဝတကွေ့ချေမှာ
ဆုံလာရရေ မြင်ကွင်းအသစ် ရှု့မဝ
ရင်ကစကား ပြောဖို့အတွက်
အဖျားခပ်ဖို့ စိုင်းစားမိန့်ရေ
ဤသည်ရခိုင် ဤသည်မှာကား
ကိုယ်လက်အင်္ဂါ ပြည့်စုံပါလဲ
သန္ဓေမခိုင်လို့ စည်းဖောက်ကတ်တေ
ပြောကေမကောင်း နှုတ်ကျွန်လားကေ
သူရို့အမြင် ကိုယ့်အမြင်နန့်
ဆီနန့်ရီပိုင် ဒွိဟဖြစ်လို့
ဖြူစင်ပုဝါမှာ အမဲမစွန်းခင်
အချိန်အခါ မနှောင်းနိုင်သိမ့်ဂေ
စိုင်းစားဆင်ခြင် ရုပ်သိမ်းပြင်
အကြံပီးသူ ရင်တွင်းစကား
ဟိုင်းဝီး

ဒေလမ်း ဒေခရီး ဒေမြေပြင်ကို
လျှောက်လှမ်းဖို့ဆို စိတ်ကိုပြင်ပါ
အသင်လိုအပ် လမ်းကြောင်းများလဲ
လပပြောင်ပြောင် အာဂါရောင်းဝင်းတိမ်တွယ်
ချိုမြိန်ရေ ထမ်းလျှက် ပုံစံခွက်မှာ
မိုးကြိုးစက်သွား အရာများလဲ
ပစ်မှတ်မျဉ်းကြောင်း ရွှေရည်လောင်းလို့
စိန်ခင်းထားလမ်းမှာ ပတ္တမြားဆိုစွာ
ရလာဒ်ကောင်းနန့် မဟ မဟာ
ဤသားငါသည် အမျိုးအတွက်
သစ္စာတရား လက်ကိုင်ထားလျှက်
ရင်ထဲကမြှား မကွီမကောက်လိုပါ
အမျိုးဘာသာ သာသနာအတွက်
စာထဲက ရက္ခိတမဟုတ်ရပါ။

ဟိူင်းဝီး

မြင်ပါယင့်ယေနန့် ယူလို့မရ
ကြားလာရေ စကားချေတိကလဲ
သံရည်ပူနန့် လောင်းစွာပိုင်
ခံစားရအထိနာ ရင်မှာပေါက်ကွဲ
တယောထိုးလို့ နားမှာမချို
ပျားရည်ဆမ်းထား မင်းရို့နုတ်ဖျား
ကျလာစကား တမာခါးပိုင်
ငရို့တကျိုင် နီထိုင် အသိုက်ကို
ဆွဲငင်ဆုတ်ဖြဲ ကြင်းပိတ်ခလို့
ဒေရင်ဝမှာ အံကြိတ်ခံရ ငါရို့ဘဝ
ဝဋ်ကြွီးဇာလောက်ကျန်သိမ့်လဲ။

ဟိုင်ဝီး

လွမ်းရက်တရာမက ထောင်သောင်းကုဋေကဋာ
ရွီတွက်မရ ရင်ခုံသံကို သမိုင်းတခု၏ မြေဇာပုံက
အရိပ်ပိုင်ဗျာယ် နောက်ကလိုက်လို့
အဓိပ္ပါယ်ကို ခိုင်းစားမိန့်လီတိုင်း
အရိပ်၏သဘော ကျွန်တော်ရို့ကို
တယောက်အသိ နှမ်းတစိနန့် ဖတ်ကြံဆောင်
မျက်နှာအစုံ ဝိုင်းဗျာယ်အုံလို့လက်တွဲမဖြုတ်
ပျားပိုင်စိတ်ဓာတ် ခက်သွယ်သွယ်နန့်
သုပိုင်နက်ကို လားမပျင်ခီကေ
စည်းလုံးညီညွတ် ပျားကိုကြည့်လေ
အို… ရခိုင်သားရို့ ။

ဟိုင်ဝီး

ပီးဆပ်လိုက်ရရေ သွီးချောင်းစီးခ
အဘာလဲ မကယ်နိုင် ငုတ်တုတ်ထိုင်လို့
မရှု့မလှ ရိုးကျမြေပုံ တောင်ပိုင်ပုံလို့
သက်သီအထင်ရှား ဒဏ္ဍာရီလို့ မမှတ်လီကေ့ ။
တရွက်ချင်းစာမျက်နှာ လှန်ကြည့်လိုက်တိုင်းမှာ
ဒဏ်ရာ ဒဏ်ချက်များနီလို့
တောင်းဆိုလာရေ ငါ၏စိတ်က
သွီးကြော သွီးမျှင်ပြတ်ကျပတ်စီ
ဆင်းရဲတခါ ချမ်းသာတလှဲ့
ကိုယ့်ပြည်သမိုင်းအတွက် ပီးဆပ်ဖို့ ဒေခန္ဓာ
သဲသိမ် မှေးမှိန်မနိန်ကေ စစ်ဆိုစွာနှစ်ခါမရှုံးရ
သန္ဓိဋ္ဌာန်ချမေဝေ။

ဟိုင်းဝီး

ပန်းမြတ်သဇင် ပန်းသဇင်ကား
နီမင်းပိုင် ၀င်းဝင်းတောက်ပ
ရခိုင်ကို အလင်းပီခဗျာလ်
ရခိုင်ပြည်တွက် စမ်းရီပိုင်အီမြလို့
ရခိုင်နှလုံးကို ကြည်နှန်းခဗျာလ်
လမင်းပိုင် ဘေးပတ်ကျင်အရံ
ရခိုင်သူချေကောင်းမှာ ပန်ဆင်းခဗျာလ်
ဒေပိုင်ဆန္ဒနန့် နောက်ထပ်ထူထပ်မျှ
အဖရခိုင်ပြည်ကို အလင်းတန်ပီပို့
ပန်းမြတ်သဇင်ပန်းသဇင်ကို
ကာလဘီလူတိ ဖဲ့စားနိန်စွာလား
အချိန်တန်လို့ အိမ်ပြန်ခစွာလား
ရခိုင်ပြည်ကို အေးချမ်းစီမြ
အနှိုင်းမဲ့ချစ်ခြင်းနန့် မေတ္တာဖြန့်စီဖို့
ဇာခါပွင့်နိူင်ဖို့လဲ သဇင်ချေ။

ပစပေါင်းများနန့် ဖွင်ဟပြောဆို
ပုစ္ဆာထဲက အဖြေမမသိရစွာက
အမှန်တရား
သဘာဝက နက်ဖြန်ကို
တရက်ပြီးတက်ရက် ဆွဲထုပ်လို့
ဘ၀ဆိုစွာ သရုပ်ပေါ်လာ
အများသူငါ ရှင်သန်းဖို့
မှုးယစ်ပျော်ပါး အရက်သ္မားက
ဗြုန်းခဏဲ ထပြီးကေ
ကိုယ့်အမျိုးဘာသာ သာသနာတွက်
အမှန်တရားတွက် ဖွင့်ပြောနိုင်ရေ
ငါရို့ရခိုင်လူမျိုး၏ တဒင်္ဂဘ၀မှာ
ရခိုင်မျိုးသား လွတ်မြောက်ရေးတွက်
ကြိုးစားရင်း မှောင်မိုက်ယင့်
စည်းရုံးယင့် ပျက်စီယင့်
ရခိုင်သားတွက် အမှန်တရားစွာ
ငါပိုင်ဆိုင်ရရေ ၀မ်းနည်းမှုပါလား

မျိုးချစ်လို့ ပြည်ကိုပစ်နိန်ရရေ
ကြမ်းတမ်းရေ နိန်ရာတိမှာ
သမုဒ္ဒရာ ၀မ်းတစ်ထွာတွက်
ငါရခိုင်ပြည်တွက် သမိုင်းကိုဖော်ထုပ်ဖို့
အာဏာရှိရူး စစ်ဘီလူးတိကို
ငါပြည်က ပယ်ထုပ်ပစ်ဖို့
မင်းခိုလှုံနိန်ရေ ယင်းနိန်ရာချေမှာ
မင်း၏အနာဂါတ် စူးတိကင်းပြီး
ပန်းခင်းလမ်းမှာ ကျရောက်ပါစီး။


ရခိုင်ဆိုရေ နာမည်ကိုစီးပြီးကေ
ငါပြည်ငါလူမျိုး လွတ်မြောက်ရေးတွက်
ရုန်းရင်းကြမ်းတမ်း နယ်စပ်လမ်းမှာ
အသက်ပီး တိုက်ပွဲဝင်နိန်ရေ
အမျိုးချစ်တေ ရခိုင်ပြည်သားရိုး
မင်း၏မျက်နှာမှာ ထာဝရရွှင်းလန်းပြီ
သောကတိ ကင်းဝီးနိူင်ပါစီ။


နိန်ရတိုင်မှာ စိတ်ဝမ်းကွဲရေ
ငါပြည်က ငါရခိုင်သားတိနန့်
မနာလို သ၀န်တိုမှုနန့်
တစ်ယူဝါဒ ကျင့်သုံးရေလူတိနန့်
တိုက်ပွဲဝင် စည်းရုံးဖို့ခက်ခဲ့နိန်ကေလေ့
ချစ်စိတ်တိ ၀ီပြီးကေ
မုန်းစိတ်တိ ကင်းဝီးနိူင်ပါစီ။


အာဏာဆိုရေ လှောင်အိမ်ထဲက
ငါရုံးထွက်ဖို့ ခက်ခဲ့နိန်ကေလေ့
ပြည်ကိုချစ်တေ ရခိုင်သားတွက်
ဂုဏ်ယူစွာနန့် ငါခွင်လွတ်တေ။

ငါရွီးရေစာ ငါ့ကဗျာကို၊
ကဗျာမဟုတ် စာမဟုတ်ပဲ၊
အလုပ်အပို ဆိုချင်ဆိုဖိ။
ရခိုင်ဆိုရေ အသိငါ့မှာဟိလို့၊
တစိသျှေလောက် နောက်ကြောင်းကောက်ဗျာယ်၊
ဖောက်သီချပနာ ရွီးလိုက်ပါယင့်။

သမိုင်းစာမျက်နှာ မှတ်တမ်းလွှာကို
လှမ်ပနာသုံးသပ် ကြည့်ရှုဂတ်ကေ၊
အမှတ်စရာ မြင်ဂတ်ပါဖို့။
မြန်ပြည်တစ်ခုလုံး ထီးနန်းသုန်းဗျာယ်၊
မှောက်ဖုန်းကျရောက် နယ်ချဲ့အောက်က၊
လွတ်မြောက်ဖို့ရန် စိတ်ဇွဲမာန်ဖြင့်၊
အမှန်ကိုထောက်ဆ အလင်းပြခရေ၊
အာဂဇာနီမျိုးသာကီမှာ၊ရွှီမြီဓည ပြည်ရက္ခက၊
နာမတင်ခ ဦးဥတ္တမလေ။

အင်္ဂလိပ် ဟိန္ဒီ များစာပီနှင့်
အလီလီဘာသန္တရ စွယ်စုံရ၍၊
ကမ္ဘာတခွင် ခရီးနှင်းဗျာယ်၊
တိုင်ပင်ဆွေးနွှေးမှုရအောင်ပြုပနာ၊
ပြည်သူ့အတွက်ခံယူချက်ဖြင့်၊
ဆောင်ရွက်ခစွာ ထိုသူ့မှာကား၊
ကမ္ဘာမှာထင်ရှား ရခိုင်သားလို့၊
အားလုံးကသိလီယင့်။

သတ္တိဗျတ္တိ၊သူ့မှာဟိ၍
အမိနိုင်ငံ၊လွတ်မြောက်ရန်အတွက်
အမှန်ကိုဖေါ်ထုတ်၊နောက်မဆုတ်ပဲ
အလုပ်ဖြင့်သက်သီ၊ ပြခလီယင့်။
အကျဉ်းထောင်ဆိုစွာ ၊ သူ့ဘဝမှာလျှင်
နီရာကျောင်းတော် ၊ ခေါ်ချင်ခေါ်ဖိ။
အဝတ်ဖြူဆိုစွာ ၊ သူ့ဘဝမှာလျှင်
ဝတ်စရာုသင်္ကန်း၊ စိတ်မှာမှန်းဗျာယ်
ဆင်မြန်းဝတ်ရုံခပါယင့်။
အကြိမ်ကြိမ်အခေါက်ခေါက် ၊ ထောင်သို့ရောက်လည်း
မကြောက်မရွံ့၊ ခရီးဆန့်ဗျယ်
တက်လှန့်ချီတက် ၊ ရှိသို့ဆက်လို့
အသက်ကိုပင်ပီးဝံ့သူ။

သြော်-------------
သူ၏ဂုဏ်ကို၊ စာဖွဲ့ဆိုကေ
ထုံဖွဲ့စရာ ၊ မကုန်ပါ၍
ညွှန်စရာကိုသာ ၊ပြချင်ပါရေ
သူ့မှာသမိုင်းဟိလီယင့်။
ဒေနိန့်အခါ ----------
ကျေးဇူးမသိ ၊ မိစ္ဆာတိက
သူ၏သမိုင်း ၊ ဘဝလှိုင်းကို
ရိုင်းစိုင်းနှိမ့်ချ ၊ အမှောင်ကျအောင်
နောက်ကလုပ်ဆောင်နီဗျာယ်ထော။
သူ့ပိုင်အာဇာနီ ၊ မျိုးသာကီမှာ
ရွှီမြီမဏ္ဍိုင် ၊ ပြည်ရက္ခိုင်မှာ
ဂုတိုင်မပေါ်ပေါက်ခပါသိမ့်။

သြော်--------------
မျော်လင့်ကြီးစွာ ၊ စောင့်နီပါယင့်
ဂုခါရက္ခိုင်၊ ပြည်မဏ္ဍိုင်မှာ
သူ့ပိုင်ပေါ်ပေါက်ပါစီလို့။


မင်းမြတ်ခိုင်(ဂန္ထဝင်ရွှီမြီ)

နှလုးံသွီးမှာ
သိမ်းဆည်းထားဆဲ
အဖ--ရခိုင်ပြည်ကို
နိုင်ငံထူထောင်မေ
ရခိုင်ဘ၀၏
အနာဂါတ်ခရီး
ဆက်လျှောက်နိန်ဖို့
ရခိုင့်လူငယ်တို့၏
ရင်ထဲကဆန္ဒကို
မြိုသိမ်းပြီးမထားဘဲ
ပြင်းပြင်းထန်ထန်
ရင်ထဲကပေါက်ကွဲ
တညီတညာတည်း
ရဲရဲရင့်ရင့်တိုက်ပွဲဝင်ဖို့
ပွက်ပွက်ညံညံ
နိုင်ငံထူထောင်ဖို့
နှလုးံသွီး၏အသိစိတ်ထဲမှာ
တဦးချင်းပေါက်ကွဲပြီး
ညီညွတ်ဖို့စိတ်ဓါတ်
ရင်ထဲမှာထားပြီးကေ
စည်းရုံးမှုနန့်
ရခိုင့်နိုင်ငံတော်ကို
ပြန်လည်ထူထောင်ရန်
ကြိုတင်ပြင်ဆင်ဖို့
ရခိုင်တစ်မျိုးသားလုံး
အနာဂတ်အတွက်
စုပေါင်းပြီးကေ
ခရီးဆက်ကတ်မေ။

by Htun Lin
ထိုင်းနိူင်ငံ

ရခိုင်ပြည်တစ်ခွင် ထွန်းလင်းနိုင်ဖို့
အာဏာအားကိုး မျိုးဖျက်လက်အောင်မှာ
ငါကွှန်ဘ၀ မဖြစ်စီချင်
ရခိုင်ပြည်တွက် အမှောင်ပီဖို့
အလင်းကိုဖောက် အမှောင်ရောက်အောင်
ဖြိုခွဲဖျက်စီ စစ်အာဏာလက်အောက်က
ငါလကွယ်ည မဖြစ်စီချင်
အခေါ်လဲလာ အနှင်ဘဲထွက်
ပရီယာရ်သုံး စပါးလံထူ
ငါသွီးကိုစုပ် ငါပြည်ဖျက်စီး
ငါသစ္စာဖောက် မဖြစ်စီချင်
မကြာလှရေ ဘ၀တစ်ကွေမှာ
ရခိုင်ပြည်တွက် အလင်းရဖို့
ငါလမင်းဘ၀ ပိုင်ဆိုင်ချင်ရေ.

ရခိုင်ပြည်စွာ
ရခိုင်သား၏ နှလုံးသား
ရခိုင်သား၏ အသက်သွီးကြော
ရခိုင်သား၏ ဒေနိန်
ရခိုင်သား နက်ဖြန်
ရခိုင်ပြည်၏ သယံဇာတစွာ
ရခိုင်သား၏ ၀ိဥာဏ်
ရခိုင်သား၏ ရတနာ
ရခိုင်သား၏ အလှ
ရခိုင်သား၏ ဘ၀
ရခိုင်သား၏ ထာဝရ
ရခိုင်သားတိုင်းတွက်
အရာရာစွာ ရခိုင်ပြည်ပါ ။

ရခိုင်ဆိုရေ အမည်နန့်
လောကကြီးကို စတင်ခြီလှမ်း
အားမာန်အပြည့်နန့် ရခိုင်ခြီလှမ်း
အတားအစီးကို ဖြစ်ကျော်လားဖို့
ဇာအရာကို သတိမမှု
မင်းပန်းတိုင်ကို မင်းရောက်ဖို့
ကြိုးစားယင့် ပျော်နိန်ကေလေ့
ဘ၀ခြီလှမ်းစ မင်းရခိုင်ပြည်က
မင်းကိုအမြဲတမ်း စောင့်နိန်ရေ။
ရခိုင်ပြည်၏ ပစ္စုပ္ပုန်မာ
အသွင်မတူရေ လူမျိုးခြားတိကြားက
ရုံးကန်ယင့် လှုပ်ချားယင့်
ငါရခိုင်ပြည် မလွတ်မြောက်နိန်သိကေလေ့
မင်းနိန်ရာကို ဇာသူ့ကိုမှ
လက်မြောက်အရုံး ငါမပီးနိူင်။
ရခိုင်ပြည်၏ အနာဂါတ်မှာ
အသွင်မတူ အိမ်သူမဖြစ်တေ
လက်ဝါးကြီးအုပ်စိုး ထိုအာဏာမျိုးတွက်
ရခိုင်ပြည်က ဇာသူ့ကိုမှာ
မင်းနိန်ရာမှာ ငါအစားမထိုးနိုင်
မင်းဘ၀၏ အနာဂါတ်မှာ
မင်း၏မောတ္တာ မင်း၏သစ္စာကို
ရခိုင်ပြည်တွင်း ထွန်းလင်းတောင်ပစေဖို့
မင်းကိုအမြဲ စောင့်နိန်မေ။

မေတ္တာကို အရင်းခံ
စေတနာကို ရှိမှာထား
သစ္စာက အဖြေရှာ
မြေမှခြစ်ကုတ် ဆွဲယူဖို့တွက်
ငါလိုချင်စွာ ရိတ်ခါထုတ်မဟုတ်
လောဘက ဆွဲခွါ
မောဟက ယူလားကေလေ့
ငါ့ပြည်ငါ့ရွာ ငါ့နေရာငါ့လူမျိုး
တိုးတက် မြင့်မားဖို့
မင်းဆွဲအားပီး ခေါ်နိန်ကေလေ့
ငါလိုချင်စွာ ဥစ္စာထုပ်မဟုတ်
ရခိုင်ပြည် ရခိုင်လူမျိုး
စိတ်သစ်အားသစ် မေတ္တာသစ်နန့်
သုံးဆယ်တစ်ဘုံ ဇာပိုင်ပင်ကျယ်ကေလေ့
ငါ့သွီးငါ့သား ငါ့လူမျိုးနန့်
ခရီးဆက်ရဖို့စွာက ငါ
ငါ့ဘ၀ ငါ့ခန္ဓာ
ငါ့မေတ္တာ ငါ့အကြင်တနာကို
ငါ့ရင်ထဲမှာ ခိုဝင်ခံစားဖို့
ငါလိုအပ်နိန်စွာက ရွှေရခိုင်မျိုးဆက်သစ်ပါ။

မင်းသားအမှန် ငါလျှင်ကြံက
နိူင်ငံရပ်စည် တိုင်းပြည်အတွက်
ကိုယ့်အသက်ကို ရက်ရက်စွန့်ခွာ
ကုလားရွှာ၌ ခန္ဒာရုပ်ဟောင်း
ဘ၀ပြောင်းခဲ့ ဖြစ်ကြောင်းသံသရာ
သတ္တ၀ါတို့ မှန်စွာမချွတ်
သူမသတ်လည်း မလွတ်တစ်ခါ
သေအံ့ရာတည်း
ကမ္ဘာမကြေ သူတိုတွေလည်း
အတည်မစိုး ငါမြေထိုးသော်
အရိုးတစ်ခါ တွန့်လိမ့်ရာ၏
နောင်လာနောင်လူ ရခိုင်သားတို့
အယူမပြောင်း ငါ့လမ်းကြောင်းကို
ကောင်းကောင်းလိုက်နာ တိုင်းဓညာကို
တစ်ခါမုချ ငါတို့ရအံ့
လုံးလရှေ့သန် လူလျှင်ကြံက
နိဗ္ဗာမချွတ် လက်ဝါးခတ်သည်
စွဲမှတ်ဤစာ သေတမ်းစာတည်း

နောင်သားနောင်လာ နောက်ထပ်ပါလည်း
ဆရာသုံးလက် ရှေ့ကတတ်၍
အသက်ခန္ဒာ သူတို့မှာကား
တစ်ခါတစ်ရံ အဖို့တန်၏
တစ်ခါတစ်ရံ ဆိုတုန်းပါလည်း
သူသာလာလျှက် ဖိနှိပ်စက်က
အသက်တိုခါ တိုးမရှာရှင့်
ဓမ္မလမ်းမှန် ကျင့်ကြောင်းကြံလျက်
တံစိုးကိုစား လိမ်လည်ထားသော်
နောက်သားတစ်ဖန် သည်းမခံနှင့်
နိူင်ငံတကာ ဟူရာ၌
ပညာနှင့်ဥာဏ် တာဝန်မပျက်
သစ္စာရွက်လျက် အသက်ကိုလှီး
သွေးချောင်းစီးမှ အပြီးကြံခိုင်
နိူင်ငံတိုင်းမြို့ အစိုးစိုးနှင့်
ကိုယ်မြို့ကိုယ်မြေ ကိုယ့်ဌာနကို
ရမည်မုချ ဤလောကလည်း အောက်ကျမခံချင်သောကြောင်း

ဥဒါန်းမကြေး ဖြစ်ရလီအောင်
တိုင်းပြည်ကိုကြံ အောင်ကျော်စံမှာ
ကြံကာဖွေနှောက် တစ်ကျိပ်ခြောက်တို့
ယွင်းဖောက်သစ္စာ သူတို့မှာကား
ဝမ်းစာစားကွက် တစ်ထက်တွက်ကို
တစ်သက်စာထင် ခွီးအမြင်ကြောင်း
တိုင်းခွင်သာစည် ငါတို့ပြည်လည်း
သူပြည့်ဖြစ်ရ ၀မ်းနည်းစွာတည်း
မိဘဆရာ ပေါရဏာတို့
ဝေါဟာထုံးဟောင်း လူဘူးဒေါင်းကို
မပေါင်းဖေါ်ရ ဆိုတုန်းပါလည်း
မေ့ကာသတိ ပေါင်းဖေါ်မိ၍
လက်ရှိဒုက္ခ ငါကြုံရ၏
ဘ၀တစ်ခောတ် လူဖြစ်ပြန်ကား
အသစ်ပင်ကြံစည်ချင်သည်
ဘယ်တွင်မမေ့ နိူင်သောကြောင်း။

အဝီးရောက်တေ
သဇင်ချေ
ပြန်လာလတ်ဖို့
မမိန့်ကေဝေ
ရို့မမြီးက
မင်းကိုစောင့်ယင့်
လာလတ်ပလင့်
အယုံမိလို့
အရှုံးထိမှန်ရေ
ကျွန်ဘဝမှသည်
လွတ်လပ်ပြီး
ကိုယ်ဘိုင်ဘဝသစ်ဆီသို့
လက်တွိ့လျှောက်လန်းကတ်ပါဖို့။

ကိုင် ငါရို့ရခိုင်သား
ရခိုင်ပြည်၏ ဗဟိုတည့်တည့်ကို
ဇွဲလုံးလနန့် ဦးတည်
ညီညွန့်ရေးနန့် တည်ဆောက်
စွမ်းနိူင်သူက စည်းရုံး
အမှောင်ထိုးဖောက် အလင်းရအောင်
နောင်အနာဂါတ် ငါရိုပြည်
ရွှေရခိုင် မျိုးဆက်သစ်လွတ်မြောက်ရေးတွက်
မင်းလည်းအရောက်ပစ်
ငါလည်းအရောက်ပစ်မယ်
ဆုတ်ယုတ်ပျက်စီးနိန်ရေ ရခိုင်ပြည်မှာ
အာဏာအားကိုး နအဖကို
တည့်တည့်ကြည့်ပြီး အရောက်ပစ်ကတ်မေ.

အိုးစကွဲလားရေပိုင်
ရခိုင်ပြိုကွဲနိန်ရေ
စစ်အာဏာတိကြားက
ရခိုင်တစ်မျိုးသားလုံးစွာ
ဖိစီးမှုနန့်
ရင်ဆိုင်နိန်ရရေ
ဂျောင်ချေတိမှာ
ပုန်းနိန်ရရေ
နိန်ရက်တိကလည်း
မရွီတွက်နိူင်ဗျာလ်
အားကိုးစရာမရှိ
စစ်အာဏာပီးရေ
ဒါဏ်ရာတိနန့်
မှောင်မိုက်နိန်ရေ
ရခိုင်ဘဝသစ်ကို
ဇာပိုင်တည်ဆောက်ကတ်ဖို့လဲ..

ရခိုင်ဗီဇ ရခိုင့်အကျင့်
ရင်ထဲဟိသမျှ မကွယ်ဝှက်ဘဲ
ပြည်မြန်မာကျိူး ဆောင်ရွက်သည်မှာ
ရိုးသားပွင့်လင်း ပြောတတ်သူဟု
နာမေကျော်လှ ဦးဥတ္တမ။

စစ်တွေနာဂရ ရူပရပ်မှာ
ခုနှစ် ၁၈၇၄ လဒီဇင်၁၄တွင်
အဖဦးမြ အမိအောင်ကျော်သူရို့က
မွီးဖွားသန့်ဇင် ခလေ၏။

သက်တော်၁၅ ကာလကတ္တားမှာ
ဆယ်တန်းပညာ သင့်ခွင့်ရ၍
သက်တော်၂၁ သက္ကရာဇ်မှာ
ပြန်လည်းတစ်ဖန် ပညာသန်ရန်
ကာလကတ္တာသို့ ပြန်ကြွသွား၏။

အိန္ဒိယအမျိုးသား ကောလိပ်ထဲမှာ
သက္က္လ္လဋ္ဋပါဠိ လင်္ဂါလီမာဂရီနန့်
ရှေ့ဟောင်းဟိန္ဒူ စာပီးများလည်း
စွမ်းစွမ်းတစ်မံ တတ်ကျွှမ်းခြင်းကြောင်း
တစ်ပြန်ကလကတ္တကား ယင်းတက္ကသိုလ်မှာ
ပါမောက်ခဖြစ် တာဝန်ယူလို့
ဒေသမြန်မာ ခွဲထွက်ရေးတွက်
ကွန်ဂရက်ပါတီ ထမ်းထောင်းခ၏။

၁၉၁၂ ခုနှစ် သက္ကရာဇ်မှာ
ဒုတိယတစ်ကြိမ် ဂျပန်ပြည်၌
တက္ကဋ္ဋဘာသာ ပါမောက္ခဖြစ်
တဖန်တာဝန် ထမ်းဆောင်လေ၏။

ဝံသာနုတရား စိတ်မှာထား၍
ပြည်မြန်မာတွက် အသက်စွန့်ရန်
သူရိယသတင်းစာ စာမျက်နှာထက်မှာ
သွီးမထွက်သော စစ်ပွဲကြီးတွက်
ကရက်ဒေါက်ခေါ် မင်းထွက်သွားဟု
ရဲရင်းပြတ်သား ရွီးသားခြင်းတွက်
မြန်မာတစ်ခွင် ပြည်သူရို့လည်း
ကျွန်မခံစိတ်ဓါတ် ပြန်နိူးထ၏။

၁၉၂၀ခုနှစ် မတ်သုံးအစ
ဟောကြားတရား လူ့ခွင့်ရေးကား
ငါ့ပြည်ငါ့ရွှာ ငါ့ရို့မြီကား
ငါ့သွီးငါ့သား ငါလူမျိုးများက
ကျွန်စိတ်တိရာ ပေါက်နိန်လို့်
မင်းရို့ကိုးကွယ် ငါ့သာသနာလည်း
ကျွန်သာသနာ ဖြစ်နိန်ဗျာလ်။

သြော် မြန်မာပြည်သားရို့
ဤကျွန်ဘာသာ ဤသာသနာမှာ
ကြံဆောင်လုံးလ ဆောင်ရွက်လားဖို့
ကျောင်းတွင်းငိုက်စိုက် အိပ်မနိန်ဘဲ
သံဃာ့သမ္မဂ္ဂီ စုံညီးစွာနန့်
ကျွန်မှာရုံးကန် တော်လှန်သင့်ဗျာလ်။

ငါ့တိုင်းပြည်သူ ငါ့ပြည်သားရို့
တိုင်းပြည်ကိုဖျက် လူမျိုးပြုန်းအောင်
စာပီကိုဖျက် လူမျိုးပျက်အောင်
အမှောင်ထုရောက် ပို့နိန်သူကို
ဤကားနယ်ချဲ့ မကောင်းဆိုပြီး
တဖန်ဒီမိုကရေစီ ပြန်လိုချင်ဟု
ပြောဆိုပိုင်ခွင့် ငါ့ရို့မှာရှိသည်
ဤကားလူ့အခွင့်ရေး ခေါ်ထိုက်ပေ၏။

တိုင်းရေးပြည်ရေး ငါ့ရို့ရေးတွက်
ဤကျွန်ဘဝမှ အမြန်လွတ်အောင်
ကိုယ့်ပြည်ကိုယ့်လူမျိုး အုပ်ချုပ်ရေးတွက်
အမှန်ဖေါ်ထုပ် အလင်းရောက်အောင်
ပြောဆိုပိုင်ခွင့် ငါ့ရို့မှာရှိသည်
ခေါင်းငုံမခံဂါတ်ပါကေ့ဟု
ကိုးမျိုးဘာသာ ရင်ဝယ်ပိုက်ကာ
မြန်ပြည်အနံ ကြွချီပနာ
စည်းရုံးရေးနန့် လူ့ခွင့်ရေးတွက်
ဟောကြားတရား လူ့ခွင့်ရေးကြောင်း
နယ်ချဲ့လက်အောင် ပြည်မြန်မာပျောက်အောင်
ကြိုးစားလုပ်ကြံ နယ်ချဲ့ရို့ကား
သုံးကြိမ်းတိုင်တိုင် ထောင်သို့ပို့လည်း
ထောင်ကိုမကြောက် ကြိုးမကြောက်ဘဲ
နယ်ချဲ့လာသူ ငါ့ရန်သူဟု
အာရှတစ်ခုလုံး လွတ်မြောက်ရေးတွက်
အသက်ပီစပ်ဝံ့ အိုအရှင်။

နာမေတွင်းလှ အရှင်ဦးဥတ္တမကား
အာရှိနီဝန်း ဘွဲ့ထူးကိုပင်
တင်ကာမြောက်စား ကိုင်ဆောင်သွား၏။

မြန်ပြည်တခွင် မြန်ပြည်သားလည်း
ကျွန်ဘဝမှ လွတ်မြောက်ရေးတွက်
ကိုယ်ပိုင်ခွင့်ရေး ရရှိစီရန်
မြန်ပြည်တစ်ခုလုံး ထိန်ထိန်ကြိုးကာ
ရုံးကန်လုပ်ချား တိုက်ပွဲဝင်၏။

ရ နှစ်ကြာ မြန်ပြည်မှာကား
နယ်ချဲ့အောက်ဏာ စစ်ဘီလူးအောက်က
ကိုယ်ပိုင်တည်ဆောက် လူ့အခွင့်ရေးနန့်
စင်စစ်အမှန် လွတ်မြောက်ပါ၏။

သြော်အရှင်
တဖန်နအဖ အစိုးရက
စပါးဆန်ရီ ပေါကွယ်ဝသည့်
စိမ်းလန်းစိုပြည် ရက္ခပြည်ကို
အာဏာလက်အောက် ကျဆုံးလီအောင်
စစ်အာဏာတစ်ဖန် သိမ်းလိုက်ပြန်၏
တောတောင်ဂန သဘာဝလည်း
ခုတ်ကာတူးကာ ပြုသည်တွက်ကြောင်း
ပြုန်းကာအငုတ် ကျန်နိန်ဗျာလ်။

အရှင်ပြည်တွင်းနီ အရှင့်ရခိုင်လည်း
မီတိုင်ကိုင်ပြီး ချီတက်သောကြောင်း
တုံးဂါအညွန့် ပြန်မထနိူင်
ကျွန်ဘဝတစ်ဖန် ရောက်နိန်ဗျာလ်။

သြော်အရှင်
ပြည်ရခိုင်ကိုးစား တပည့်တော်ကား
ပြည်ကြီးရခိုင် တိုင်းဓညကို
ပြန်လည်ပနာ ဟှင်သန်လာရေးတွက်
ပြည်ရခိုင်အလံ ထူထောင်နိူင်ရန်
အရှင့်ကိုတစ်ဖန် ပြည်လို့ချင်သည်
ဤကားပြည်ရခိုင်သား အလွမ်းတည်း။

ထာဝရသီရိ
ပေါက်တောရွှီမြီ

အိုရခိုင်သားရို့
ထမင်းတလုပ် စားရရေးတွက်
ပြည်ကိုခိုးဝင် ပြည်ပျက်လူကို
ဘင်္ဂလီစွာ ရိုဟန်ဂျာလို့
တစ်ဖြုတ်စားကွက် နိူင်ငံခြားငွေတွက်
အမှန်တရားကို ထမင်းတစ်လုပ်နန့်
ရခိုင်လူမျိုးကို လှည်းစားနိန်စွာ
ရင်နာမိရေ အိုကစ္ဆပ
ရခိုင်နိူင်ငံရေးတစ်ချိုးကလည်း
ဘဝရပ်တည်ရေးတည်ရေးတွက်
စားနိန်ကျ လမ်းကြောင်းကို
ပျက်လားဖို့ ကြောက်လို့
အသက်သွီးကို ရင်းပြီးကေ
ရခိုင်ပြည်တွက် ပီးဆပ်ပြီး
တက်ညီလက်ညီ လုပ်ကိုင်နိန်ရေ
ရခိုင်နိူင်ငံရေးသ္မားတိကို
ရခိုင်မျိုးဖျက်တိက
အာဏာရှင် စနစ်နန့်
ရိုင်းပြနှင်ထုပ်စွာ
ဒေဟှင်လား ရခိုင်နိူင်ငံရေးသ္မား
အမှန်တရားကို ဆုပ်ကိုင်ထားဖို့
တယောက်တည်း မှန်နိန်ကေလေ့
ရခိုင်ပြည် ရခိုင်သမိုင်းတိစွာ
ဗမာလက်အောက်ကို ပြန်ရောက်ဖို့နန့်ရာ
အိုရခိုင်သားရို့
ကမ္ဘာမြီးကြီးလည်း
ရခိုင်လူမျိုးက ရခိုင်ပြည်ကိုရအောင်
ရပ်ဆိုင်ဖို့တွက် မမျော်လင်းကေ့
သမိုင်စကို ဖေါ်ထုပ်ဖို့
မျိုးဆက်သစ်လူငယ်တိနန့်
ရခိုင်ပြည်ကို ပြည်လည်စီကုန်ဖို့
လာလတ်ကတ်ပိဝေ
ရခိုင်သားရို့