အလင်းရှင်သို့တမ်းတခြင်း
ငါရွီးရေစာ ငါ့ကဗျာကို၊
ကဗျာမဟုတ် စာမဟုတ်ပဲ၊
အလုပ်အပို ဆိုချင်ဆိုဖိ။
ရခိုင်ဆိုရေ အသိငါ့မှာဟိလို့၊
တစိသျှေလောက် နောက်ကြောင်းကောက်ဗျာယ်၊
ဖောက်သီချပနာ ရွီးလိုက်ပါယင့်။
သမိုင်းစာမျက်နှာ မှတ်တမ်းလွှာကို
လှမ်ပနာသုံးသပ် ကြည့်ရှုဂတ်ကေ၊
အမှတ်စရာ မြင်ဂတ်ပါဖို့။
မြန်ပြည်တစ်ခုလုံး ထီးနန်းသုန်းဗျာယ်၊
မှောက်ဖုန်းကျရောက် နယ်ချဲ့အောက်က၊
လွတ်မြောက်ဖို့ရန် စိတ်ဇွဲမာန်ဖြင့်၊
အမှန်ကိုထောက်ဆ အလင်းပြခရေ၊
အာဂဇာနီမျိုးသာကီမှာ၊ရွှီမြီဓည ပြည်ရက္ခက၊
နာမတင်ခ ဦးဥတ္တမလေ။
အင်္ဂလိပ် ဟိန္ဒီ များစာပီနှင့်
အလီလီဘာသန္တရ စွယ်စုံရ၍၊
ကမ္ဘာတခွင် ခရီးနှင်းဗျာယ်၊
တိုင်ပင်ဆွေးနွှေးမှုရအောင်ပြုပနာ၊
ပြည်သူ့အတွက်ခံယူချက်ဖြင့်၊
ဆောင်ရွက်ခစွာ ထိုသူ့မှာကား၊
ကမ္ဘာမှာထင်ရှား ရခိုင်သားလို့၊
အားလုံးကသိလီယင့်။
သတ္တိဗျတ္တိ၊သူ့မှာဟိ၍
အမိနိုင်ငံ၊လွတ်မြောက်ရန်အတွက်
အမှန်ကိုဖေါ်ထုတ်၊နောက်မဆုတ်ပဲ
အလုပ်ဖြင့်သက်သီ၊ ပြခလီယင့်။
အကျဉ်းထောင်ဆိုစွာ ၊ သူ့ဘဝမှာလျှင်
နီရာကျောင်းတော် ၊ ခေါ်ချင်ခေါ်ဖိ။
အဝတ်ဖြူဆိုစွာ ၊ သူ့ဘဝမှာလျှင်
ဝတ်စရာုသင်္ကန်း၊ စိတ်မှာမှန်းဗျာယ်
ဆင်မြန်းဝတ်ရုံခပါယင့်။
အကြိမ်ကြိမ်အခေါက်ခေါက် ၊ ထောင်သို့ရောက်လည်း
မကြောက်မရွံ့၊ ခရီးဆန့်ဗျယ်
တက်လှန့်ချီတက် ၊ ရှိသို့ဆက်လို့
အသက်ကိုပင်ပီးဝံ့သူ။
သြော်-------------
သူ၏ဂုဏ်ကို၊ စာဖွဲ့ဆိုကေ
ထုံဖွဲ့စရာ ၊ မကုန်ပါ၍
ညွှန်စရာကိုသာ ၊ပြချင်ပါရေ
သူ့မှာသမိုင်းဟိလီယင့်။
ဒေနိန့်အခါ ----------
ကျေးဇူးမသိ ၊ မိစ္ဆာတိက
သူ၏သမိုင်း ၊ ဘဝလှိုင်းကို
ရိုင်းစိုင်းနှိမ့်ချ ၊ အမှောင်ကျအောင်
နောက်ကလုပ်ဆောင်နီဗျာယ်ထော။
သူ့ပိုင်အာဇာနီ ၊ မျိုးသာကီမှာ
ရွှီမြီမဏ္ဍိုင် ၊ ပြည်ရက္ခိုင်မှာ
ဂုတိုင်မပေါ်ပေါက်ခပါသိမ့်။
သြော်--------------
မျော်လင့်ကြီးစွာ ၊ စောင့်နီပါယင့်
ဂုခါရက္ခိုင်၊ ပြည်မဏ္ဍိုင်မှာ
သူ့ပိုင်ပေါ်ပေါက်ပါစီလို့။
မင်းမြတ်ခိုင်(ဂန္ထဝင်ရွှီမြီ)
...။...။...တင်ပြသူ...။လခြမ်းမြီ
...စာတင်ချိန်။...။..23.12.09...။...လခြမ်းပြီး...။...
ကဗျာ,
ပင်မစာမျက်နှာ,
ရင်တွင်းဖြစ်
.
။...အားပီးလာဂါတ်ရေ စာဖတ်ပရိတ်မှားမှ ဒေဘလော့ဂ်နန့်ပတ်သတ်ပြီး အကြံများပီးလိုပါက arakankotawchay@gmail.com မှ အမြဲတမ်း ကြိုဆိုနီပါသည်။ စာဖတ်ပရိတ်သတ်များအားလုံးကို ကျေးဇူးတင်လျှက် ...။