မုဒိတာစမ်းရီအိုင်

အခန်း(၁)

အချိန်က ညည့်……။

ခေါင်းအုံးအောက်မှာ သိမ်းထားရေ ပလတ်စတိပ်ဗူးချေကို ထုတ်ယူလိုက်တေ။ ဗြီးကေ ဗူးချေကို ဖွင့်လိုက်တေ။ မီးရောင်အောက်မှာ အလင်းတန်းချေတစ်ခု “လက်ခနဲ” ဖြာတက်လားခရေ။ ဗူးချေထဲမှာ ရွှီတုံးချေတစ်တုံး။ ဒေရွှီတုံးချေကိုရဖို့ သူ အချိန်ယူပနာ ကြိုးစားခရရေ။ အလုပ်လာအပ်တေ သူတိဘားက “လျော့တွက်” အနိန်နန့် ရဟိခရေ ရွှီအပိုင်းအစချေတိကို စုယင်းစုယင်းနန့် ဒေဂုပိုင် ရွှီတုံးချေတစ်တုံး ဖြစ်လာရစော်။ သူမသုံးဝံ့ မစားဝံ့ သိမ်းထားရေ ရွှီ…။ အဂု မသုံးလို့ မဖြစ်ဗျာ။ သူ့ညီ အောင်ကျော်၏ မင်္ဂလာပွဲ ခမ်းနားစည်ကားဖိုိ့လိုရေ။ တာဝန်က သူ့ဂေါင်းထက်ကို ကျလာဗျာ။

“သူ”ဆိုစော်က ပန်းထိမ်ဆရာပေါက်စ ကျော်ဇောလှ ပါ။ သူ့မှာ အမိအိုရာဟိရေ။ သူ့အဘာသီလားခစော် ဒေနှစ်ဆိုကေ (၈)နှစ်တောင် ဟိဗျာ။ သူ့အဘာလည်း ပန်းထိမ်ဆရာကောင်းတစ်ယောက်။ ဒေပိုင်ညာနန့် မိသားစုကို ဟြာဖွီကျွေးမွီး ပီးခရေ။ သူ့အဘာသီလားဗြီးရေနောက်ပိုင်း သူလည်း ကိုးတန်းနန့် ကျောင်းထွက်လိုက်ရရေ။ သူ့အဘာ မသီခင် သင်ပီးခရေ ဒေပိုင်ညာနန့် အမိအိုနန့် ညီတစ်ယောက်ကို လုပ်ကိုင်ကျွေးမွီးနိန်ရရေ။. အဂု သူ အသက်(၂၅)နှစ်ဟိနိန်ယာ။ အိမ်ထောင်ပြုဖို့ဆိုကေ အရွယ်ကောင်း။ သူ့အမိကလည်း သူ့ကို အိမ်ထောင်ပြုဖို့ ပြောနိန်ဗျာ။ ယေဒါလေ့ သူတစ်ကိုယ်ကောင်းမဆန်။ မိသားစုကို ပြန်ကြည့်ရေ။ အမိအိုက ကောင်းကျမ်းမာစော်မဟုတ်။ ရက်ပြတ် ဆီးတိနန့် အုံနိန်ရရေ။ ညီသည် အောင်ကျော်တစ်ယောက်လည်း ဆယ်တန်းအောင်စော် (၃)နှစ်ရာ ဟိလားရေ။ အလုပ်မယ်မယ်ရရ မဟိသိ။ သူက သူ့ညီကိုပြောစော်ရာ။ သူတာဝန်ယူပနာ တက္ကသိုလ်ကို ထားပီးမေလို့။ ယေကေလည်း သူ့ညီက လက်မခံ။ သူ့အတွက်နန့် သူ့အစ်ကို ကို ဒုက္ခမခံစီချင်ထင်ရေ။ ဆယ်တန်းဖြေဗြီးရေလောက်ကပင် ထိုလူ့ဘားမှာ ပဲလိုက်စိုက်၊ ဒေလူ့ဘားမှာ လယ်အငှားလိုက်၊ စပါးရိတ်ချိန်တန် စပါးရိတ်လိုက်နန့်။ အချိန်တိရာ တရွိရွိ ကုန်လားရေ။ အောင်ကျော်ဘဝက တိုးတက်မလာ။ ယင်းပိုင်နန့်ပင် ကျော်ဇောလှမှာ ဟြိကိုမလားခင် နောက်ကို ပြန်ကြည့်နိန်ရရေ။ ဒေအခြေအနေမျိုးမှာ ကျော်ဇောလှရာ အိမ်ထောင်ပြုဖို့ဆိုကေ မလွယ်။

ထော…အဂု။ အောင်ကျော်တစ်ယောက် သူ့အစ်ကိုဘားမှာ ပူဆာနိန်ဗျာ။ မယားယူဖို့ဆိုဝါ…။ ထိုဘက်ကမ်း၊ ကြာညိုပြင်ရွာက လှနုစိန်ကို တောင်းပီးဖို့အကြောင်း၊ သူနန့် လှနုစိန်ရို့ရကေ လှနုစိန်မိဘက မင်္ဂလာလက်ဖွဲ့အဖြစ် နွား (၁)ချိုင်းနန့် လယ်ဝါး (၃ဝဝ)ကို လက်ဖွဲ့ဖို့အကြောင်းတိကို အစ်ကိုကြီး အဖအရာထားပနာ တိုင်ပင်နိန်ဗျာ။ အင်း….ညီ အောင်ကျော်တစ်ယောက် အသက်(၂ဝ)တောင် ကျော်လားဗျာ။ သီးချိန်တန်သီးလို့၊ ပွင့်ချိန်တန် ပွင့်ချင်နိန်ဗျာ။ လောက၏ နိယာမတရား မဟုတ်ပါလားယေ။ သူ စိုင်းစားရဗျာ။

လှနုစိန်ဆိုရေ ကလိန့်မေချေက အငယ့်ချေကပင် သူ့ညီနန့် ငယ်သူငယ်ချင်း။ “ငယ်ကအချစ် အနှစ်တစ်ရာ မမိန့်သာ” ဆိုရေပိုင် သူရို့နှစ်ယောက် သိတတ်တေအရွယ်ကပင်စလို့ ကြိုက်န်ိန်ကတ်စော်။ ယင်းအပြင် အောင်ကျော်စော် လှနုစိန်ရို့အိမ်မှာ ပဲလည်းအငှားစိုက်ဖူးရေ။ လယ်လည်း အငှားလိုက်ဖူးရေ။ အောင်ကျော်၏ လုပ်ရည်ကိုင်ရည်ကို လှနုစိန်မိဘရို့က သဘောကျရေဟိဖို့။ တစ်ယောက်တည်းရာဟိရေ သူရို့သမီးနန့် အောင်ကျော့်ကို သဘောတူရေ။

လှနုစိန်မိဘရို့ဆိုစော်ကလည်း ကြာညိုပြင်ရွာမှာ စားနိုင်၊ သောက်နိုင်တိဗျာယေ။ မိသားစုတစ်ခုလုံး ရိုးသားပနာ စိတ်ကောင်းဟိကတ်တေ။ ကျော်ဇောလှရို့ကိုဆိုလည်း လှလှိုက်လှလှဲ ဟိကတ်ယင့်။ ဒေမိသားစုနန့်ဆိုကေ သူ့ညီကို သဘောမတူစရာ မဟိ။ တစ်ခုဟိစော်က သူရို့မှာ တစ်ခုလည်း မပြည့်စုံ။ လက်ဖွဲ့စရာဆိုလို့ မယ်မယ်ရရ မဟိ။ ဒေချင့်ကို လှနုစိန်ရို့ဘက်က သိရေ။ နားလည်ရေ။ ပကာသနမဖက်ဘဲ အောင်ကျော်၏ လုပ်ရည်ကိုင်ရည်နန့် ရိုးသားကြိုးစားမှုကိုရာ သူရို့မက်မောရေဟိဖို့။ ယင်းတွက်နန့် ခြုပ်မသျှင်ဘက်က နွား (၁)ချိုင်းနန့် လယ်ဝါး (၃ဝဝ)ကို လက်ဖွဲ့စော်။ သမက်သျှင်ရို့ဘက်က တစ်ခုလည်း လက်ဖွဲ့စရာ မလိုလတ်။ ခြုပ်မသျှင်ဘက်ကဂျေး အစစ အရာရာအကုန်အကျခံနိန်ကေလည်း သဘာဝမကျချင်။ ယေဇူးနန့် မင်္ဂလာပွဲအခမ်းအနားကို သူ့ညီကိုယ်စား ကျော်ဇောလှက တာဝန်ယူလိုက်ရစော်။

မိုးလင်းစော်နန့် ဒေရွှီတုံးချေကို ကျောက်တော်သို့ ရောင်းဇောင်လားရဖို့။ မင်္ဂလာပွဲမှာ ညီသည် မျက်နှာမငယ်ဖို့လိုရေ။ တစ်သက်မှာ ဒေညီတစ်ယောက်တည်းရာ ဟိစော်။ ညီအတွက်ဆိုကေ ဇာပင်မဆို ပီးဆပ်ဖို့အဆင်သင့်။ ရွှီတုံးချေကို ဗူးချေထဲမှာ ထည့်ပနာ အသာချေ ပိတ်ထားလိုက်တေ။ ဗြီးကေ ဂေါင်းအုံးအောက်မှာ ထားလိုက်တေ။ ဖယောင်းတိုင် မီးကိုမှုတ်ပနာ အိပ်ဖို့ပျင်လီရေ။



အခန်း(၂)



နှစ်ပေါင်း (၂ဝ)ကြာရေအခါ……

အချိန်စော် တစ်ခါလည်း တန့်လို့မနိန်။ ရက်ပြတ်ရွိလျားနိန်ရေ။ အရာအားလုံးကို အချိန်က ဆုပ်ကိုင်ထားရေလို့ ပြောကေ လွန်ဖို့လားချင့်။ အချိန်ကာလအလျောက် အရာရာစော် အနည်းနန့်အများဆိုရေပိုင် ဖြစ်ပျက် ပြောင်းလဲလားကတ်ရရေ။

ထော…အဂုလည်းကြည့်။ နှစ်ပေါင်း (၂ဝ)ကျော်ကြာရေ နောက်ပိုင်းမှာ ကျော်ဇောလှတစ်ယောက် တစ်ရွာတည်းသမ ဝင်းမဖြူနန့် အိမ်ထောင်ကျလားရေ။ သားချေနှစ်ယောက်နန့် သမီးချေတစ်ယောက် ရနိန်ယာ။ သားချေနှစ်ယောက်မှာ တစ်ယောက်က (၁၄)နှစ်၊ နောက်တစ်ယောက်က (၁၂)နှစ်။ သမီးချေက အဂုမှ (၃)လရာ ဟိသိရေ။ ပေါက်စချေပါ့ယေ။

တစ်နိန့်……။ ကျော်ဇောလှ အလုပ်ကိစ္စနန့် ကျောက်တော်ကိုလားဖို့ ပျင်နိန်ရေ။ ဝင်းမဖြူက သမီးချေကို သာခြင်းဆိုပနာ ယိုင်းဟြွဲလို့ ချော့သိပ်နိန်ရေ။ အနားမှာဟိရေ ခွင်ထက်မှာ ရီပူဘဲတစ်ဘဲ တည်ထားရေ။ သားချေနှစ်ယောက်က အိမ်ဂြောက်မှာ ကဇာတ်နိန်ကတ်တေ။

“ ငါလားဖို့ဗျာဒေဟေး အမိသည် ”

“ အေး…အေး…လားလီ…”

“ နင် ကျကျမ်းမမာမလား…”

“ မာရေကာ…”

“ ငါ…ကောင်းကောင်း စိတ်မချဒေကား။ ယဗြီးကေ နင်က

သွီးနုသံနု…”

“ အဘာလေ...ငါတစ်ခုလည်း မဖြစ်။ စိတ်ချလို့ရာ လားလီ…”

“ အေး….အေး…ယပိုင်ဆိုကေလည်း စိတ်ချဗျာဒေကား။

အဝေး…သားကြီးနန့်သားချေ…ဘာဘာလားဗျာဝေး…”

“ ဟုတ်ပါယင့်ဘာဘာ…။ ပြန်လာခါ မုန့်ဝယ်ခဘာဘာ…”

“ အေး…အေး…”

ချစ်သည်းအူနန့် သားချေနှစ်ယောက်ကို နှုတ်ဆက်လိုက်တေ။ ယိုင်းထက်က သမီးချေကိုလည်း နမ်းဖြစ်အောင် နမ်းလိုက်သိရေ။ ယဗြီးကေ ကျော်ဇောလှတစ်ယောက် ကျောက်တော်လှိုင်းဘုတ်ဟိရေ ဘုတ်ဆိပ်သို့ လားခလီရေ။ အိမ်မှာက တနားချေကအတိုင်း ပြန်ဖြစ်လားရေ။

ဝင်းမဖြူယိုင်းဟြွဲပနာ အချေသိပ်နိန်ယင်းက ရီပူဘဲကို အကြည့်ရောက်လားရေ။ ဘဲထဲက ရီပူဆူနိန်ယာ။ ဓါတ်ဗူးမှာ ထည့်လိုက်ရဖို့။ အိမ်ထက်က ဓါတ်ဗူးကို ယူခီရေ။ မီးဖိုနားမှာ ထိုင်ရေ။ ခွင်ထက်က ရီပူဘဲကို လက်ခုနန့် ထုတ်တေ။ ဓါတ်ဗူးအဖုံးကို ဖွင့်ပနာ ထည့်ဖို့ပျင်စော်နန့် သူ ချားရဟတ် လည်လားရေပိုင် ဖြစ်လားရေ။ သူ ချက်ချင်း ဂေါင်းမူးလာရေ။ မူးရေဆို မူးရေ။ တဗွင်းဗွင်း ဆူနိန်ရေ ရီပူဘဲကိုလည်း ကိုင်လို့။ သူ ဂေါင်းမူးလာရေ။ မခံနိုင်ဗျာ။ သူ မိုက်ခနဲ တွိလားရေ။ သူ အမှောင်ကမ္ဘာထဲကို ရောက်လားရေပိုင် တွိလိုက်တေ။ ဒေနောက်ပိုင်း သူတစ်ခုကိုလည်း မသိလိုက်ဗျာ။

ကဇာတ်နိန်ကတ်တေ သားချေနှစ်ယောက် ဓါတ်ဗူးလဲသံ၊ ရီပူဘဲမှောက်ကျသံတိကို ကြားစော်နန့် အမိသည်အနားကို ဗြီးလားကတ်ပနာ…

“ အမိ…အမိ…အိုးဘာလေ့။ အမိ ဇာဖြစ်လဲမသိ။ အိုးဘာလေ့

လူရို့။ တစ်ခေါက်လာကတ်ပါချ။ အမိဇာဖြစ်လဲမသိ။

အီး…ဟီး…ဟီး....။ အိုး…အမိ…...ဟီး…ဟီး...” လို့

ကြကြောက်လလန့်နန့် အော်ငိုလီကတ်တေ။ အချေနှစ်ယောက် အော်ငိုနိန်ကတ်စော်ကို ကြားလို့ ပတ်ဝန်းကျင်က လူတိ အဗြီးတစ်ပိုင်း ရောက်လာကတ်တေ။ အကြောင်းစုံကို မြင်ရ၊ သိရရေအခါ အားလုံး အံ့သြလားခကတ်တေ။ ချက်ချင်း ကျော်ဇောလှကို အခေါ်လွှတ်တေ။ ကံကောင်းချင်စော်က ယင်းအချိန် ကျောက်တော်လှိုင်းဘုတ် မထွက်သိ။

ကျော်ဇောလှ အပူတဗြင်း လိုက်ပါလတ်တေ။ အိမ်ကိုရောက်တေအခါ မြင်လိုက်ရရေ မြင်ကွင်းက အနိဋ္ဌာရုံ။ မီးဖိုနားမှာ ဝင်းမဖြူတစ်ယောက် ပပျက်လန်ပနာ လဲလို့။ မီးဖိုဘက်မှာဟိရေ ခန္ဓာတစ်ခြမ်းလည်း စွတ်နိန်ရေ။ ရီပူလောင်ထားဗျာဆိုစော်ကို ချက်ချင်းသိလိုက်တေ။ ကြည့်ပလာချ။ ဘေးနားမှာလည်း ရီပူဘဲစော် အဖုံးတစ်ခြား၊ ဘဲတစ်ခြား။ ဓါတ်ဗူးလည်း မှောက်လို့။

ယိုင်းထက်က သမီးချေကတော့ တစ်ခုကိုလည်းမသိ။ ပုံ့လို့ချေ အိပ်မောကျနိန်ရေ။ သားချေနှစ်ယောက်ကတော့ခါ ကြကြောက်လလန့်နန့် သူ့ကိုဖက်လို့ ငိုနိန်ကတ်တေ။ သူ ဇာလုပ်လို့ ဇာကိုင်ရဖို့မသိဖြစ်လားရေ။ သူ့စိတ်တစ်ခုလုံး ဗြောင်းဆန်နိန်ရေ။ အထူးသဖြင့် ဝင်းမဖြူအတွက် အစိုးရိမ်လွန်နိန်ရေ။ လူကြီးတစ်ယောက်က “ ဝင်းမဖြူ နှလုံးခုန်နိန်သိရေ။ သတိမိန့်နိန်စော်။ မင်းစိတ်ကို အအီးထား ” ဆိုလို့ ကျော်ဇောလှ သက်သာရာ ရလားရေ။ ယင်းပိုင်နန့် ဝင်းမဖြူကို ဆီးရုံတင်လိုက်ရရေ။



အခန်း(၃)



ဝင်းမဖြူကတော့ သတိရနိန်ဗျာ။ ယေဒါလေ့ ရီပူလောင်ထားရေ ဒဏ်ရာတိကြောင့် စကားတောင် ကောင်းကောင်းမပြောနိုင်သိ။ ဒဏ်ရာက ပြင်းရေ။ ညာဘက်ခန္ဓာတစ်ခြမ်းလုံး။ ဝေဒနာကို ပဇိကိုက်လို့ ခံနိန်ရရေ။ ဒဏ်ရာက များရေအတွက်နန့် ဆီးရုံမှာ (၆)လလောက် အချိန်ယူပနာ ကုရဖို့လို့တော့ ဆရာဝန်က ပြောရေ။ ကျော်ဇောလှကတော့ ကုရပတ်စီ။ သွီးနုသံနုနန့် အသက်မသီခစော်ပင် ကံကောင်း။

ဝင်းမဖြူဆီးရုံတက်ဗြီးရေနောက်ပိုင်း ကျော်ဇောလှတစ်ယောက် အလုပ်ပျက်၊ အကိုင်ပျက်ဖြစ်လားရေ။ အချေ(၃)ယောက်နန့် အိမ်မှုကိစ္စတိကို တာဝန်ယူနိန်ရရေ။ သားချေနှစ်ယောက်က နားလည်ရေ အရွယ်ဖြစ်နိန်လို့ တော်သိယင့်။ ကောင်းကောင်းပြုစုပီးဖို့မလို။ ပြုစုရစော်က သမီးချေ။ အမိသည်ဆီးရုံဝင်ရေနောက်ပိုင်း အမိနို့ရည်ကို စို့ခွင့်မရခ။ နို့ဗူးကိုရာ အဖော်ပြုနိန်ရရေ။ အမိသည်နန့်လည်း နိန်ခွင့်မရ။ အမိသည်ကလည်း ဝေဒနာတစ်ပုံနန့်ဖြစ်လို့ သမီးချေကို အရေးမစိုက်နိုင်။ သမီးချေကလည်း အကျင့်ကောင်းရေလို့ ဆိုရဖို့လားမသိ။ အမိကို ကောင်းကောင်း မတောင့်တ။ နို့ဗူးဖျော်လို့တိုက်ပနာ သိပ်ထားလိုက်ကေ အီးလို့ချေ အိပ်နိန်လီယင့်။ ယင်းပိုင်နန့် အချေ (၃)ယောက်မှာ အမိဆိုကေလည်း ကျော်ဇောလှ၊ အဘာဆိုကေလည်း ကျော်ဇောလှဗျာ ဖြစ်ခရရေ။

ကျော်ဇောလှတစ်ယောက် ပင်ပန်းပါရေ။ မိုးထစစော ဆံပြုတ်ထကြို။ ယဗြီးကေ ဝင်းမဖြူအတွက် တစ်ခွက်ချန်ပနာ သားချေနှစ်ယောက်ကို တစ်ယောက်တစ်ခွက်ကျွေး။ ကျွေးဗြီးစော်နန့် သားချေတိကို ဆီးရုံမှာသို့ ဆံပြုတ်ပို့ဇောင်ခိုင်း။ အိမ်မှာ သမီးချေကို နို့ဗူးဖျော်တိုက်။ ဗြီးကေ ဈီးပြု။ ချက်ပြုတ်။ ကျက်စော်နန့် သားချေနှစ်ယောက်နန့် ထမင်းစား။ ယေဗြီးကေ သမီးချေကို သိပ်ပနာ ဝင်းမဖြူကို ထမင်းပို့ဇောင်လား။ အရာ ပြန်လာ။ အိမ်ကိုရောက်စော်နန့် နိခင်းဘက် ဝင်းမဖြူအဝတ်အစားတိအပါအဝင် အချေတိ အင်္ကျီ၊ ဘောင်းဘီတိနန့် သမီးချေ ချနှီးပိုင်းတိကို ဖွတ်၊ လှန်း။ ညဇာကျပြန်ကေ အရာ ထမင်းချက်။ ထမင်းချက်ယင်းနန့် သမီးချေကို ရီချိုး။ ကျက်ကေ ဆီးရုံသို့ ထမင်းလားပို့။ ညည့်ခါကျကေလေ့ သမီးချေတစ်ခေါက်လောက်ငိုစော်နန့် ထ,နို့တိုက်ပနာ ချော့သိပ်။ အားလုံးကျော်ဇောလှ ဂေါင်းမှာ ပုံကျနိန်ရေ။ ယေခါ ကျော်ဇောလှတစ်ယောက် ကိုယ့်အလုပ်လုပ်ဖို့အချိန်ကို ဝယ်ထည့်ရဖို့ပိုင် ဖြစ်လားရေ။

ဝင်းမဖြူကို ဆီးကုလိုက်ရစော်မှာ စုဟိ၊ ဆောင်းဟိထားရေ ဖဲသာချေ၊ ဒင်္ဂါးချေတိနန့် ရွှီတို၊ ရွှီစချေတိစော် အားလုံး ပြောင်သလင်းခါလားရေ။ ကျော်ဇောလှမှာလည်း အလုပ်လုပ်ဖို့မအား။ အလုပ်မလုပ်ရကေ ဝင်ငွီကားမဟိ။ ထွက်ငွီရာ ဟိရေ။

ထော…အဂု…သားချေရို့မှာ ကျောင်းဖွင့်နိန်ယာ။ ကျောင်းထားရဖို့ဗျာ။ ဒေနှစ်ဆိုကေ အကြီးအကောင်က ရှစ်တန်း။ အငယ်ကောင်က ခြောက်တန်း။ အတန်းတိကြီးလာဗျာ။ အတန်းကြီးလာလီ ကျောင်းထားစရိတ်တိက များလာလီ။ အဂု… လက်ထဲမှာ ဖဲသာတစ်ဗြားလည်း မဟိ။ ဝင်းမဖြူအတွက် ဆီးဖိုးဝါးခလည်း လိုသိယင့်။ ယကေလည်း ဆီးဖိုးဝါးခကိုတော့ မပီးလို့ ရသိရေ။ နောက် ကြံဖန် ပီးကေလည်း ရယင့်။ အဂု လောလောဆယ် အရေးကြီးနိန်စော်က သားချေရို့ကို ကျောင်းထားဖို့ကိစ္စ။ ကျော်ဇောလှစိုင်းစားရေ။ အကြံထုတ်တေ။ ဂေါင်းခဲရရေ အဖြစ်။ ဝင်းမဖြူရို့မိဘမှာလည်း ဒေနိန့်လုပ်။ ဒေနိန့်စား။ ကျော်ဇောလှရို့ကို ဖဲသာချေ၊ ဒင်္ဂါးချေကူဖို့ဆိုစော်က မဖြစ်နိုင်။ သတင်းမီး၊ သတင်းလာတော့ခါ ဟိကတ်ယင့်။ ဆွီမျိုးတိကိုလည်း အားကိုးမရ။ ကျော်ဇောလှရို့ ဆင်းရဲတွင်းနက်နိန်လို့ ဟိဖို့။ ဖဲသာဟိကေ ဆွီမျိုးလာရေ။ ဖဲသာမဟိကေ ဇာဆွီမျိုးလည်း အရေးမစိုက်။ ဒေချင့်စော် ဆွီမျိုးရို့သဘာဝလို့ ထင်ရေ။ ဆွီမျိုးတိကို ကျော်ဇောလှ အပြစ်တင်ချင်စော်တော့ခါ မဟုတ်။ ဇာဖြစ်လို့လဲဆိုကေ အကုသိုလ် ဟိသရွိ သူရို့ထိုက်နန့် သူရို့ကံ ခံနိန်ရလို့ဗျာယေ။

ဆွီမျိုးဆိုမှ ကျော်ဇောလှ သတိရလားရေ။ သူ့ကို ကူညီဖို့လူတစ်ယောက်တော့ခါ ဟိရေ။ ယင်းသူ့အနိန်နန့် ကျော်ဇောလှကို အကူအညီ ပီးနိုင်၊ မပီးနိုင်တော့ ကောင်းကောင်းမသေချာ။ ယေကေလည်း “ရကေအမြတ်၊ မရကေ အရင်း” ဆိုရေပိုင် သူစိုင်းစားမိရေအတိုင်းတော့ခါ ကြိုးစားလီရဖို့ဗျာ။



အခန်း(၄)



ခြံဝင်းက အကျယ်ကြီး။ ခြံအလယ်မှာ ပျိုင်စီပျိုင်ထောင် အိမ်ကြီးက ဟိန်းလို့။ သံဖြူကလည်းမိုးထားသိရေ။ အိမ်တောင်ဘက်က နွားရုံမှာ နွားတိကိုချိုင်းထားရေ။ အိမ်မြောက်ဘက်မှာကျကေ စပါးဂျီတစ်ဂျီ။ အနားမှာ ဟင်းခင်းလည်း တစ်ခင်း။

အဂုဆိုကေ ကြာညိုပြင်ရွာမှာ အောင်ကျော်ရို့မိသားစုစော် လရဒတ်ဗျာ။ လယ်ဝါး (၁ဝဝဝ)ကျော်နန့် နွားအကောင် (၁ဝ)ကျော်ဟိရေ။ ပဲခင်း (၂)ခင်းဟိရေ။ ယဗြီးကေ ဖုန်းလည်းတစ်လုံး တပ်ထားသိရေ။ စပါးဝမ်းစာ၊ ဆန်ဝမ်းစာအဗြည့်။ အရွယ်ရောက်နိန်ကတ်တေ သားနှစ်ယောက်ကိုလည်း ကျောက်တော်မြို့မှာဟိရေ နာမည်ကြီးဘော်ဒါဆောင်မှာ ထားပနာ ပိုင်ညာသင်ပီးနိုင်ရေ။ အတိုင်းအတာတစ်ခုထိလောက်တော့ သူရို့ မကြောင့်မကြ နိန်နိုင်ကတ်တေ။ ယင်းတွက်နန့် ကျော်ဇောလှကြုံတွိနိန်ရေ အခက်အခဲချေကို သူရို့အနိန်နန့် ကူညီ ဖြေရှင်းပီးနိုင်ဖို့ရာ။ ကျော်ဇောလှအတွေး။

တွေးယင်းနန့် သမီးချေကို ရွက်ပနာ ခြံဝင်းထဲကို အားတင်းလို့ ဝင်လိုက်တေ။ သူရို့ဝင်လာစော်ကို မြင်လိုက်လို့ဟိဖို့။ လှနုစိန်တစ်ယောက် စပါးလုံးရွီးနိန်စော်က ထလာလတ်ပနာ ကျော်ဇောလှကို နှုတ်ဆက်တေ။

“ ယာ....ယောက္ဖရို့မနှင်း။ ဇာက လာကတ်စော်လဲ....”

“ အေး....ရွာကလာစော်ဒေ။ နင့်အိမ်ရှင်ဝါ.....”

“ ဟိရေ....ဟိရေ....။ အကျွန်ခေါ်လိုက်မေ။ ထိုင်ထိုင်....”

သူရို့ကို နိန်ရာထိုင်ခင်းချပီးပနာ လှနုစိန် သူ့လင်အောင်ကျော်ကို အော်ခေါ်လိုက်တေ။

“ အဖသည်.....ဒေမှာ ယောက္ခရို့ရောက်နိန်ကတ်တေထော။

ဆင်းပါလတ်ချ.....”

“ အေး....အေး....” ဆိုပနာ အောင်ကျော်တစ်ယောက် စာအုပ်တစ်အုပ်ကိုင်လို့ ဆင်းပါလတ်တေ။ စာအုပ်ဖတ်နိန်စော်ဟိဖို့။

“ ယော်....အစ်ကိုကြီး။ ဇာကလာစော်လဲ။ သမီးချေရာပါရေ။

သားချေတိ မပါလား....”

“ အေးဝေး....ရွာကလာစော်ကား။ သားချေတိကို အိမ်မှာ

ထားပခရေ။ မင်းရို့၊ နင်ရို့တိ နိန်ကောင်းကတ်တေမလား...”

“ အေး....နိန်ကောင်းကတ်ယင့်ကား။ မရီးတစ်ယောက်

ရီပူလောင်စော်သတင်းကို ကြားယင့်။

သတင်းမီးဇောင်လာဖို့လည်း မအားသိအစ်ကိုကြီး။

အလုပ်တိက ရှုပ်နိန်ရေ။ အရာ တနားကေ ပဲကိစ္စနန့်

ထိုဘက်ရွာသို့ တစ်ခေါက်လားရဖို့သိ....”

“ ရရေဝေ....မင်းမရီးလည်း အဂုတော့ခါ

သက်သာနိန်ဗျာကာယေ....”

“ အေး....ကောင်းရေ။ ကောင်းရေ.....”

လိုရင်းကိုရောက်ဖို့ ကျော်ဇောလှ ဇာနားက စပြောရဖို့မသိဖြစ်နိန်ရေ။ သမီးချေကိုတစ်ခေါက် နမ်းပနာ သတ္တိမွီးလို့ ပြောချလိုက်တေ။

“ ငါ....မင်းရို့ဘားက အကူအညီတစ်ခုလောက်

တောင်းချင်ရေဝေး....”

“ ဇာအကူအညီလဲ အစ်ကိုကြီး.....”

“ ငါ....အဂု သားချေတိကို ကျောင်းထားဖို့နန့်

စာအုပ်စာတမ်းတိဝယ်ပီးဖို့ ဖဲသာစကေ

လိုနိန်ရေဝေး....။ ဟိစော်ဖဲသာတိကိုလည်း မင်းမရီးကို

ဆီးကုလိုက်ရစော်မှာ ကုန်လားရေ။ မင်းမရီးကို ပြုစုနိန်ရလို့

ငါ့မှာလည်း အလုပ်လုပ်ဖို့အချိန်မရ။ ယင်းတွက်နန့် မင်းရို့ ငါ့ကို

ဖဲသာ နှစ်သောင်းလောက် တစ်ခေါက် ချီးဝေး....။ ငါ့မှာလည်း

ကောင်းကောင်းအခက်အခဲ ဖြစ်နိန်လို့ရာဝေ....”

အောင်ကျော်ရို့လင်မယားနှစ်ယောက် တစ်ယောက်မျက်နှာကို တစ်ယောက် ကြည့်ပလိုက်ကတ်တေ။ မျက်နှာတိလည်း ချက်ချင်း ပျက်လားခကတ်တေ။ ကျော်ဇောလှသတိထားမိလိုက်ယင့်။

“ ကောင်းကောင်း ဂွကျရေမနားယေ အစ်ကိုကြီး။

ကျွန်တော်ရို့မှာလည်း အစ်ကိုကြီးကိုချီးဖို့ဖဲသာ မဟိသိကား...”

“ တစ်ခေါက်ချေလောက် ဟြာကြံပီးကတ်ဖိဝေ.....”

“ ဇာက ဟြာခီဖို့လဲချင့်။ ဒေရွာမှာလည်း ကျွန်တော် ဖဲသာချီးဖို့လူ

မမြင်။ ကျွန်တော်ရို့ဘားကဂျေး လာချီးကတ်စော်များရေ.....”

ပြောနိန်စိုင်မှာ အိမ်ထက်မှာဟိရေ ဖုန်းမြည်လာရေ။ လှနုစိန်အိမ်ထက်ကို ကဗျာကယာ ဗြီးတက်လားရေ။ လှနုစိန်ဖုန်းပြောနိန်စိုင်မှာ သူရို့ညီအစ်ကိုနှစ်ယောက် စကားမပြောဖြစ်။ ကိုယ့်အတွေးနန့် ကိုယ်....။ တစ်အောင့်ချေလောက်ကြာစော်နန့် လှနုစိန် အိမ်ထက်က ဆင်းလာရေ။ အောင်ကျော်အနားမှာ ဝင်ထိုင်ပနာ ပြောရေ။

“ သားကြီးရို့ညီအစ်ကိုနှစ်ယောက်ဘားက

ဖုန်းလာစော်အဖသည်။ သူရို့ သန်ဖက်ခါ သူငယ်ချင်းတိနန့်

ဇီးချောင်းဆည်” ကို Picnic လားကတ်ဖို့ဆိုဝါ...။ ယင်းတွက်နန့်

သုံးဖို့ သည်းဖို့ ဖဲသာ သုံးသောင်းလောက် အယင်စကေ

ထည့်ပီးလိုက်ဖို့ မှာစော်.....”

“ ဟုတ်လားဟေး....။ ယင်းပိုင်ဆိုကေ အယင်စကေ

ထည့်ပီးလိုက်ရဖို့ယေ။ အရာ....နောက်ကျကေ

သူရို့မာန်ပါလီဖို့.....”

ဒေစကားတိကို ကျော်ဇောလှ မကြားချင်။ နားဝကို ရီပူသွန်ချရေပိုင် တွိမိရေ။ သူ့ကို စေတနာမဟိဆိုစော်ကို သူသိဗျာ။ ယင်းနိန်ရာမှာ သူဆက်လို့ နိန်သိကေလည်း အပို။

“ အဝေး....ယပိုင်ဆိုကေ ငါပြန်လိုက်ဖို့ဗျာဒေဝေး....”

“ အေး....ကောင်းယင့်အစ်ကိုကြီး.....”

သမီးချေကို ရွက်ပနာ သူ ယင်းအိမ်က ထွက်လာလတ်တေ။ သမီးချေ မျက်နှာထက်ကို ကျလားခရေ သူ့မျက်ရည်ပူနှစ်စက်ကို သူ့လက်နန့် သုတ်ပလိုက်တေ။ ဒေမျက်ရည် ဇာအတွက်ကျလဲ။ သူမသိ။ သူ့ခြီလှမ်းတိက အသက်မပါရေပိုင်.....။

လွန်ခရေနှစ်ပေါင်း တစ်ဆယ်ကျော်လောက်ကဆိုကေ အောင်ကျော်တစ်ယောက် မယားယူဖို့ သူ့ကို ဖွင့်ပြောဖူးခရေ။ ယင်းအချိန်မှာ အောင်ကျော်တစ်ယောက် အလုပ်မဟိ၊ အကိုင်မဟိ။ ယေခါ ကျော်ဇောလှမှာ မသုံးဝံ့၊ မစားဝံ့ စုထားရေ ရွှီတုံးချေကို ရောင်းပနာ သူ့ညီကို မယားပီးဇပ်လိုက်တေ။ ပြန်လိုချင်ရေ ဆန္ဒမပါဘဲ အစ်ကိုတစ်ယောက်၏ ပကတိ ကြီးမားရေ မေတ္တာနန့် ညီမျက်နှာမငယ်စီဖို့အရေး သူ ဖြည့်ဆီးပီးခရေ။ အဂု....အောင်ကျော်တစ်ယောက် ကောင်းစားနိန်ရေလို့ ဆိုရဖို့။ မကြောင့်မကြနန့် ချချမ်းသသာ နိန်နိုင်ရေ။ ဇာပင်ဖြစ်ဖြစ် သူ့ညီကို သူချစ်တေ။ သူ့ညီကောင်းစားကေ သူ မုဒိတာ ပွားပီးနိန်လီဖို့။ သူ့ညီအတွက်ဆိုကေ သူ၏မုဒိတာစမ်းရီစော် ခမ်းလီဖို့မဟုတ်။ ဂစ္ဆပမြစ်ရီနန့် တတူ ထာဝစိုင် စီးဆင်းနိန်လီဖို့။

အဂု....အောင်ကျော်မှာ သားနှစ်ယောက် Picnic လားဖို့အတွက် ဖဲသာသုံးသောင်း လိုနိန်ရေလတ်။ သူရို့သားတိ လိုနိန်ရေ ဖဲသာကို အောင်ကျော်ရို့လင်မယားနှစ်ယောက် အယင်စကေ ပို့ပီးဖို့ ပျင်နလီရေ။ နောက်ကျကေ သားချေတိ မာန်ပါလီကတ်ဖို့ဆိုဝါ။ သူ့မှာလည်း သားချေနှစ်ယောက်ကို ကျောင်းထားပီးဖို့နန့် စာအုပ်၊ စာတမ်းတိဝယ်ပီးဖို့ ဖဲသာလိုနိန်ရေ။ သားချေတိအတွက် လိုအပ်နိန်ရေ ဖဲသာတိကို အယင်စကေ ရအောင် သူ ဘဇောင်ပိုင် ကြံရဖို့လဲ။ ဒေဖဲသာတိကို သားချေရို့အတွက် အချိန်မီ မဟြာပီးနိုင်ဆိုကေ သူ့ကို သားချေတိ မာန်ပါလီကတ်ဖို့လား။ အဘာတာဝန် မကျီ လို့ ထင်လီကတ်ဖို့လား။ ယင်းပိုင်မဟုတ်ဘဲ သူ့ကို နားလည်ပီးနိုင်ကတ်ဖို့လား။ အတွေးပေါင်း သောင်းခြောက်ထောင်နန့် သူ...။

သူ့ခြီလှမ်းတိ အဓိပ္ပာယ်မဟိ ဖြစ်နိန်ရေ။ တကယ်လို့ရာ ဒေဖဲသာတိကို အောင်ကျော်ထုတ်ပီးလိုက်ဖို့ဆိုကေ.............။ ။



(မှတ်ချက်။ ။ အဘာ၏ ကိုယ်တွိအဖြစ်အပျက်ကို ဇာတ်လမ်းဆင်ပနာ ရွီးထားခြင်းဖြစ်ပါရေ။)



မာန်ယုကျော် (ရွှေဝမြေ)

၁၉ ၊ ဝ၄ ၊ ဝ၉





ဝါသနာပါရေသူတိုဘားသို့ လက်ဆင့်ကမ်း ပီးပို့ကတ်စီချင်ပါရေ။e.

20.7.10 | Posted in , , | Read More »

ရခိုင့်တော်လှန်ရေး ခေါင်းဆောင်များသို့ အိတ်ဖွင့်ပေးစာ

၁၇၈၄ ဒီဇင်ဘာ (၃၁) တွင် ကျဆုံးခဲ့ရသော ရခိုင့်အချုပ်အခြာ အာဏာအား ပြန်လည် ရယူရေးအတွက် ရခိုင့်မျိုးချစ် ပုဂ္ဂိုလ်များ အသက်၊ ချွေး၊ ဇွဲများဖြင့် ကြိုးစားလာခဲ့၊ ကြိုးစားနေကြဆဲ ဖြစ်သည်ဆိုသည်ကို အားလုံး အသိပင် ဖြစ်ပါသည်။

ကျူးကျော်လာသော ဗမာဘုရင် မောင်ဝိုင်းတပ်များအား ပြန်လည် နှင်ထုတ်ရေး၊ နယ်ချဲ့ ကိုလိုနီစနစ်ကို ချေမှုန်းရေး၊ စစ်အာဏာရှင် စနစ်မှ လွတ်မြောက်ရေး စသည့် တော်လှန်ရေး နိုင်ငံရေး ခရီးများကို ဖြတ်သန်းခဲ့ကြသည့် အတွေ့အကြုံများလည်း တစ်ခြား တိုင်းရင်းသားများနှင့် ဗမာလူမျိုးချင်း အတိုက်အခံ လုပ်နေကြသော တော်လှန်ရေး နိုင်ငံရေး အဖွဲ့အစည်းများထက် မနည်းတော့ပေ။. ဤမျှ မိမိတို့ တိုင်းပြည် အချုပ်အခြာ အာဏာကို ပြန်လည် ရရှိနိုင်ရေး အတွက် ရာစု နှစ် (၂) ခုကျော်တိုင်အောင် ကြိုးစားတိုက်ပွဲ ၀င်ခဲ့ကြသော်လည်း မည့်သည့်အတွက်ကြောင့် အရာမထင်ခဲ့ကြသနည်း ဆိုသည့် မေးခွန်းကို မေးလျှင် စာရေးသူအား သင်မည်မျှ တိုက်ပွဲဝင်ပြီးပြီနည်း၊ သင်၏ အတွေ့အကြုံက အဘယ်နည်း ဟု တုန့်ပြန်မေးခွန်း ထုတ်မည်မှာ အသေအချာပင် ဖြစ်သည်။

ထိုမေးခွန်းကို ရခိုင်ပြည်သူလူထုတစ်ရပ်လုံးက စိတ်ဝင်တစ်စား သိချင်နေသည်ဟု ရခိုင့်တော်လှန်ရေး မျက်မှောက်ခေါင်းဆောင်များနှင့် ကွန်လွန်လေပြီဖြစ်သော ခေါင်းဆောင်များအား တိုက်ရိုက် မေးမြန်းခွင့် ရချင်ခဲ့သော်လည်း ပြည်ပနိုင်ငံများတွင် ရပ်တည်နေကြသည့်အတွက်ကြောင့် အခွင့်မသာခဲ့ပေ။

ရခိုင့်တော်လှန်ရေး ခေါင်းဆောင်များ အဆက်ဆက်တိုင်းသည် အလွန်ပင် တော်ကြသည်။ အလွန်ပင် အမြော်အမြင်များ ရှိခဲ့ ရှိနေကြသည်ပင် ဖြစ်သည်။ ထို့ကြောင့် ထင်သည်။ တိုင်းရင်းသား မဟာမိတ်များကြားတွင် အောက်ကျနောက်ကျ ဖြစ်လာရသည်။

ဆိုလိုရင်းက- မြန်မာ့ ဒီမိုကရေစီ ခေါင်းဆောင်ဟု ခေါ်ဆိုသမုတ်ကြသော ဒေါ်အောင်ဆန်းစုကြည် အပါအ၀င် ၈၈၈၈ ကျောင်းသားခေါင်းဆောင်များဖြစ်ြ
ကသော ကိုမင်းကိုနိုင်၊ ကိုကိုကြီးနှင့် အခြား ကျောင်းသားခေါင်းဆောင်များ၊ တိုင်းရင်းသား မဟာမိတ်များ၏ ခေါင်းဆောင်ကြီးများတို့၏ မွေးနေ့ပွဲ၊ ကွယ်လွန်ခြင်း အထိမ်းအမှတ်ပွဲ အပါအ၀င် အခြား အထွဋ်အမြတ်ထားရာ နေ့ထူးနေ့မြတ်များတွင် ရခိုင့်တော်လှန်ရေး နိုင်ငံရေး ခေါင်းဆောင်များက အခမ်းအနားများ ပြုလုပ်ပေးခြင်း၊ ကြေညာစာများ ထုတ်ပေးပြီး ဂုဏ်ပြုပေးခြင်းများ ပြုလုပ်ပေးနေကြသော်လည်း မိမိတို့ ရခိုင်လူမျိုးများ၏ ဆရာတော် ဦးဥတ္တမနေ့၊ ဆရာကြီး ဦးဦးသာထွန်းနေ့၊ ဆန်ပြဿနာနေ့၊ အချုပ်အခြာ အာဏာ ကျဆုံးသည့်နေ့ ၊ ဗိုလ်ခိုင်မိုးလင်းနေ့၊ ဗိုလ်ရာဇာနေ့နှင့် အခြား အခြားသော နေ့ထူးနေ့မြတ်များအတွက် မည်သူတစ်ဦးတစ်ယောက်ကမျှ (တိုင်းရင်းသား၊ မဟာမိတ်များ) ဂုဏ်ပြုပေးခြင်း မရှိခဲ့ကြပေ။ ဤသည်ကို နိုင်ငံရေး ဟု ခေါ်ဆိုပါသလော။ စာရေးသူ မသုံးသပ်တတ်ပေ။

အထက်ဖော်ပြပါ ခံစားချက်သည် စာရေးသူ တစ်ဦးတည်း ခံစားချက်ဟု တော်လှန်ရေး ဖခင်ကြီးများ မမှတ်ယူစေချင်ပါ။ ရခိုင်ပြည်ရှိ ရခိုင်လူမျိုးများနှင့် အခြားသော အဝေးရောက် ရခိုင်လူမျိုးများ၏ ခံစားချက် ဖြစ်ကြောင်း အမုန်းခံကာ အသိပေးနေရခြင်းသည်ကို အထူး သိစေလိုပါသည်။

ရခိုင့်တော်လှန်ရေး မအောင်မြင်ရသေးခြင်း၏ အဓိက အကြောင်းအရင်းများအား တော်လှန်ရေး ဖခင်ကြီးများ၊ တော်လှန်ရေး ရဲဘော်များနှင့် ခေတ်သစ် တော်လှန်ရေး မျိုးဆက်များက မည်ကဲ့သို့ ဝေဖန်သုံးသပ်ကြသနည်း ဆိုသည်ကို မပြောနိုင်သော်လည်း စာရေးသူ၏ မတောက်တခေါက် သုံးသပ်ချက်ကို တော်လှန်ရေး ခေါင်းဆောင်များနှင့် စာဖတ်သူ အားလုံးကို တင်ပြပါမည်။

၁) ခိုင်မာတောင့်တင်းသည့် တော်လှန်ရေး ဘဏ္ဍာ အင်အား
၂) တော်လှန်ရေးအတွက် သစ္စာရှိရှိ ရေကုန်ရေခမ်း ကြိုးစားပေးမည့် ရဲဘော်များ
၃) တော်လှန်ရေးကို ထောက်ခံနေမည် မဆုတ်လျော့သော ပြည်သူ့ အင်အား စသည့် အချက်များ ဟန်ချက် မညီခဲ့သောကြောင့် တော်လှန်ရေးကြီး မအောင်မြင်ရသေးခြင်း ဖြစ်သည်ဟု စာရေးသူ သုံးသပ်လိုသည်။

၁) ခိုင်မာ တောင့်တင်းသည့် တော်လှန်ရေး ဘဏ္ဍာ အင်အား
ဆိုလိုသည်မှာ- တော်လှန်ရေး အဖွဲ့အစည်း၏ လုပ်ငန်းစဉ်များအား ပုံမှန်နှင့် လျှင်မြန်စွာ လည်ပတ် ဆောင်ရွက်နိုင်ရေး၊ တော်လှန်ရေး ရဲဘော်များ၏ စားဝတ်နေရေး၊ လက်နက် အင်အား၊ လူအင်အား စသည့်တို့ တည်ဆောက်နိုင်ရေးတို့အတွက် ခိုင်မာတောင့်တင်းသည့် ဘဏ္ဍာရေးမှာ အမှန်ပင် လိုအပ်သည်။ ရှိနေသော ဘဏ္ဍာရေး ခိုင်မြဲနေရမည်။ ထို ဘဏ္ဍာငွေများကို ထိန်းသိမ်းထားသူများက စနစ်တကျ ကိုင်တွယ် သုံးစွဲသင့်သည်။ ဘဏ္ဍာ ရှာဖွေနေသူများအား မိမိတို့ အသုံးပြုသည့် နေရာများအား လိုအပ်လျှင် တင်ပြရမည်။ ဘဏ္ဍာငွေကို ရှာဖွေရာတွင် ပြည်သူ့ မျက်ရည်စာ မဖြစ်ရသလို အသုံးပြုရာတွင်လည်း ပြည်သူ့မျက်ရည်နှင့် ရဲဘော်များ မျက်ရည် မကျစေရ။

၂) တော်လှန်ရေးအတွက် သစ္စာရှိရှိ ရေကုန်ရေခမ်း ကြိုးစားပေးမည့် ရဲဘော်များ
ဆိုလိုသည်မှာ- တော်လှန်ရေး နယ်မြေရှိ ရဲဘော်များသည့် မိမိတို့ တော်လှန်ရေး အောင်မြင်ရေးအတွက် ကြိုးစားနေသည့် မိခင် အဖွဲ့အစည်းအပေါ် မည့်သည့် အခြေအနေပင် ရောက်သည်ဖြစ်စေ သစ္စာတရားလက်ကိုင်ထား၍ တော်လှန်ရေး အတွက် မဆုတ်မနစ်သော ဇွဲစိတ်ဓာတ်တို့ဖြင့် ရေကုန်ရေခမ်း ကြိုးစားပေးမည့် ရဲဘော်များကို ဆိုလိုသည်။ ထမင်း (၃) ထပ် ငါးမလျှင် ဗျစ်တောက်ဗျစ်တော် မြည်တွန်တတ်သော ရဲဘော်များ ဤခေါင်းစဉ်နှင့် မသက်ဆိုင်ပေ။ သစ္စာရှိသည်ဟု ဆိုခြင်းသည် ခေါင်းဆောင်များအား ကပ်ဖားလျက်ဖား ပြုလုပ်တတ်လျက် အထက်ကို မြှောက် အောက်ကို ဖိ၊ အောက်အချင်းအချင်း မအူမလည်သယောင် ကုန်းလျှောတတ်သည့် ရဲဘော်များလည်း ဤခေါင်းစဉ်တွင် မပါရှိပေ။ တော်လှန်ရေး ရဲဘော်များ သစ္စာရှိရှိနှင့် ရေကုန်ရေခမ်း ကြိုးစားလာစေရေးမှာ ထိုတော်လှန်ရေး အဖွဲ့အစည်း၏ ခေါင်းဆောင်များအပေါ်တွင် တာဝန်အရှိဆုံးဖြစ်သည်။

၃) တော်လှန်ရေးကို ထောက်ခံနေမည် မဆုတ်လျော့သော ပြည်သူ့ အင်အား
ဆိုလိုသည်မှာ- တော်လှန်ရေးသည် ပြည်သူမှ မွေးဖွားလာခြင်း ဖြစ်သည်။ ပြည်သူကို မပုန်ကန်ရ။ ပြည်သူချစ်သော တော်လှန်ရေး အဖွဲ့အစည်းဖြစ်အောင် တည်ဆောက်ရမည်။ မိမိတို့ တော်လှန်ရေး အဖွဲ့အစည်းနှင့် ရခိုင့်တော်လှန်ရေးအား စိတ်မပျက်ဘဲ မိမိတို့ အဖွဲ့အစည်း မည်သည့် နေရာသို့ပင် ရောက်ရောက် အားပေးနေမည်ဟုသော စိတ်ဓာတ်ခံယူချက်မျိုး ရှိသည့် ပြည်သူ အရေအတွက်အား တိုးနိုင်သမျှ တိုးအောင် ကြိုးစားရမည်။ ပြည်သူမပါသော တော်လှန်ရေး မအောင်မြင်နိုင်ပေ။

အထက် ဖော်ပြပါ အချက်သုံးချက် ပြည့်စုံစွာ ရှိခဲ့သည်ဟူ၍ ရခိုင့်တော်လှန်ရေး ခေတ်အဆက်ဆက်တွင် မတွေ့ရှိခဲ့ရပေ။ ယင်းအချက်များသည် ဖိုခနောက်ကဲ့သို့ သုံးပွင့်ဆိုင် ဟန်ချက်ညီစွာ ဖြစ်ပေါ် တည်မြဲနေမည်ဆိုပါက တော်လှန်ရေးကြီး မုချ အောင်မြင်မည် ဖြစ်သည်။

ယခု တော်လှန်ရေး အဖွဲ့အစည်းများ၌ ယင်းကဲ့သို့ မတွေ့ရဘဲ ဤကဲ့သို့ တွေ့ရှိနေရပေသည်။

နိုင်ငံရေး တော်လှန်ရေး ထက်သန်နိုးကြားမှု မရှိသေးသော ပြည်သူများအား စည်းရုံးမည်ဆိုခြင်းကို ထားအုံး၊ တော်လှန်ရေး နယ်မြေရှိ ရဲဘော်များအား သစ္စာရှိစွာ ရေကုန်ရေခမ်း ကြိုးစားလာစေရေး တော်လှန်ရေးကို ချစ်မြတ်နိုးပြီး အသက်ပင် ပေးလိုစိတ်ရှိလာအောင် ပြုစု ထိန်းသိမ်း သွန်သင်ပေးမည်ကို ထားအုံး၊ တော်လှန်ရေး အတွက် လိုအပ်သော ဘဏ္ဍာငွေများကို ရှာဖွေ ထိန်းသိမ်းပေးရမည့်ဆိုသည့် အချက်များကို တစ်ချက်ပင်မျှ ဟန်ချက် ညီအောင် မပြုလုပ်နိုင်ကြသေးပေ။

ရဲဘော်များ၏ အကျင့်စာရိတ္တ ကောင်းမွန်လာစေရေး သွန်သင်နေပြီး မိမိတို့ ကိုယ်၌က ကွယ်ရာတွင် အကျင့်စာရိတ္တပါ၊ အကျင့် ကြက်ရိတ္တပါ ဖောက်ပြန်နေကြသည်။ ရှေ့တစ်မျိုး နောက်တစ်မျိုး ဖောက်ပြန်နေကြသည်။ တော်လှန်ရေး ခေါင်းဆောင်များ၏ ဖောက်ပြန်မှုများကို ဤစာတွင် ထည့်ရေးပါက ရှက်ဖွယ်လီလီပင် ရှိပေတော့မည်ဖြစ်ရာ မရေးချင်တော့ ပေ။

ခေါင်းဆောင်နှင့် ရဲဘော်ကြား အာဏာ ယစ်မူးသူများက တစ်မှောင့်။ ထိုသူများကြောင့် ရဲဘော်များသည် တော်လှန်ရေးအတွက် ရေကုန်ရေခမ်း ကြိုးစားလိုစိတ် ရှိမလာဘဲ စိတ်ဓာတ်အားအင် ကုန်ခမ်းလာတော့သည်။ တော်လှန်ရေး ပညာများအား သင်ကြား တတ်မြောက်ခွင့် ရခဲ့ပါလျက်နှင့် တော်လှန်ခွင့် မရရှိခဲ့ကြသော ရဲဘော်များက ရေတွက် မရလောက်အောင် ရှိနေပေပြီ။ သြော်....ခေါင်းဆောင်ကောင်းများကြောင့်လော။ မည်သူ့ အတွက်ကြောင့်ပင် ဤကဲ့သို့ ရင်နာစရာ အဖြစ်အပျက်များ ရှိခဲ့လေသနည်း။

အဆိုပါ အဖြစ်အပျက်များကို ခေါင်းဆောင်ကြီးများ မတွေ့မမြင်ခဲ့ကြသလော၊ မကြားသိလေခြင်းလော၊ လျစ်လျူရှုထားခြင်းလော စာရေးသူ အပါအ၀င် ရခိုင်ပြည်သူများ မဝေခွဲတတ်တော့ပေ။ အမြော်အမြင်ရှိသော အတွက်ကြောင့်လည်း မဝေဖန်နိုင်တော့ပေ။

လိုချင်မှု ဆန္ဒနှင့် လိုအပ်မှုကို အမှန်တကယ် ဘက်မလိုက်ဘဲ၊ မိမိတို့ကိုယ်ကို မိမိတို့ မလိမ်ညာပဲ ဆုံးဖြတ်သင့်ပြီ။ ဝေဖန်သင့်ပြီ။ အာဏာရှင် စနစ်ကို မလိုလား ဆန့်ကျင်မည်ဟုဆိုကာ မိမိတို့ ကိုယ်၌က အာဏာရှင် အဖြစ် မကြာမီ အသွင်ပြောင်းလဲသွားမှုကို ပြည်သူတို့ တွေ့မြင်ရတော့မည် ဆိုသည်ကို သိသိရက်နှင့် ဂရုမစိုက် ပစ်ပယ်ခြင်းလော။

တော်လှန်ရေး ရဲဘော်များ တော်လှန်ရေးကို စွန့်ခွာသွားခြင်းမှာ သစ္စာမရှိ၍ စွန့်ပစ်သွားခြင်းမဟုတ်ပဲ ခေါင်းဆောင်ကြီးများအား သစ္စာရှိလွန်း၍ စွန့်ခွာ ခဲ့ရခြင်းဖြစ်သည်။ တန်ဖိုးရှိသော အရာတစ်ခု အကောင်းပကတိ ဖြစ်နေပါလျက်နှင့် စွန့်ပစ်ထားခြင်းတို့သည် တန်ဖိုးမထားတတ်ရာ ရောက်သည် ဆိုသည်ကို အမှန်ပင် မသိလေကြသလော။


ဤမျှဆိုပါက နားလည်ကြမည် ထင်ပါသည်။

စဉ်းစားသင့်ပြီ၊ ဆုံးဖြတ်သင့်ပြီ၊ နှစ်ပေါင်း နှစ်ရာ့နှစ်ဆယ့်ခြောက်နှစ် တိုင်တိုင် တော်လှန်ရေးအား တိုက်ပွဲဝင်ခဲ့ကြပြီ။ ယခုလည်း တိုက်နေဆဲ နောင်လည်း တိုက်နေကြရအုံးမည်လော။ ဤမျှထိ ကျွန်သစ္စာတရား စောင့်သိနေစရာ လိုမည်မထင်။ လက်ဆင့် အမွေဆက်ခံခဲ့ပြီး လက်ဆင့်အမွေကမ်းနိုင်သည့် အထိ တာဝန်ကျေပွန်စွာ တော်လှန် တိုက်ပွဲဝင်နေကြအုံးမည်လော။

ရွှေသမင် ဘယ်ကထွက်၊ မင်းကြီး တာက ထွက် ဆိုသကဲ့သို့ပင် ဖြစ်နေပြီ ထင်သည်။

တော်လှန်ရေး ရဲဘော်များနှင့် ပြည်သူတစ်ရပ်လုံးသည် သြဇာမရှိဘဲ အာဏာရှိသူ၊ အာဏာပြသူတို့ထက် အာဏာမရှိဘဲ သြဇာဖြင့် အုပ်ချူပ်မှုကို လိုလားကြသည်။ တောင့်တ ကြသည်။ မြတ်နိုးကြသည်။

အမှန်တရားကို ရှာဖွေနေသူများ ဖြစ်ပါလျက်နှင့် မည့်သည့်အတွက်ကြောင့် အမှန်တရားကို လက်မခံကြရသနည်း။ အမှန်တကယ်ပင် အံ့သြ သြချမိသည်။

ခေါင်းဆောင်ကြီးများအား တစ်ခု ပြောကြားလိုပါသည်။

ခေါင်းဆောင်ကြီးများ၏ အိပ်မက်(တော်လှန်ရေး ပန်းတိုင်) ကို ဖျက်ဆီးနေကြသူများသည် နအဖ တပ်မတော်တစ်ခုတည်းသာ ရှိသည် မဟုတ်ဘဲ သြဇာမရှိဘဲ အာဏာမှ အာဏာ ဖြစ်နေသော အာဏာရူး တော်လှန်ရေး အရေခြုံပြီး ခေါင်းဆောင်ကြီးများကို အနီးကပ် ဒုက္ခပေးနေကြသည့် ရဲဘော်များမုန်း၊ ပြည်သူမုန်းသည့် တော်လှန်ရေး အာဏာရှင်များ ဖြစ်သည်။ ယင်း ဒုက္ခပေးသူများအား ခေါင်းဆောင်ကြီးများ အထူး သတိပြုစေချင်သည်။

ခေါင်းဆောင်ကြီးများ အမှန်တကယ် လိုချင်ကြသော (အတိတ်က ချမှတ်ခဲ့ဖူးသော တော်လှန်ရေး ပန်းတိုင်အား ရွက်လွှင့်ရာ လမ်းတလျှောက် ကြုံရသမျှကို အိပ်မက်တစ်ခုကဲ့သို့ သဘောထားနေရုံနှင့် မပြီးဘဲ အိပ်မက်မဟုတ် အမှန်ပင် ဖြစ်နေပါလား ဆိုသည့် အတွေးနှင့်အတူ ဆုံးဖြတချက်သစ်များကို ပြည်သူများ မျှော်လင့်ကြသလို၊ ရဲဘော်ကြီး ရဲဘော်ဟောင်းများနှင့် တကွ စာရေးသူပါ မျှော်လင့်နေကြသည်။ ခေါင်းဆောင်ကြီးများ ဆုံးဖြတ်သင့်ပါပြီ။

ရခိုင်ပြည်သူတစ်ရပ်လုံး အားကိုးကြီးစွာ မျှော်လင့်နေသော အရာမှာ ခေါင်းဆောင်ကြီးများ၏ လက်ထဲရှိ ရေပင် ဖြစ်သည်။ ခေါင်းဆောင်ကြီးများ စိတ်ကြိုက်ပြုလုပ်နိုင်သည်။ စိတ်ကြိုက် ကစားနိုင်သည်။ ပြည်သူကို ငဲ့ညှာပါ။ ရဲဘော်များကို ငဲ့ညှာပေးပါ။


ခေါင်းဆောင်ကောင်းများအား လေးစား အားကိုးချင်သည့် ရခိုင်လူမျိုးအားလုံး ကိုယ်စား
ရခိုင့်တော်လှန်ရေး ခေါင်းဆောင်များ အားလုံး အား အကြံပြု ဝေဖန်သူ တစ်ဦး

.

19.7.10 | Posted in , , | Read More »

ထင်မြင်ချက်ပီးလာသူများ

ပို့စ်တင်စချေတိ