ဒေနိဇာနိပါလည်း

၁၉၆၇ ခု၊ August (၁၃)ရက်နိန့်မာ အောက်ချီးတိက ရခိုင်ပြည်သူ၊ ပြည်သားပေါင်း (၃၀၀)ကျော်ကို ရရက်စစက် ပစ်သတ်ခစွာ လာဖို့ Auguest (၁၃)ရက်နိန့်ဆိုဂေ (၄၃)နှစ် ပြည့်ဘာဖို့ယာထော....။

အရာတခုက ၁၉၉၀ခုနှစ်၊ August (၁၄)ရက်နိန့်မာ ရခိုင့်ပညာဟိကြီး ဆရာကြီး ဦးဦးသာထွန်းကို အောက်ချီးတိ စစ်တွေထောင်ထဲမာ အဆိပ်ကျွေး သတ်ပစ်လိုက်စော် လာဖို့ August (၁၄)ရက်နိဆိုဂေ နှစ်ပေါင်း (၂၀)ပြည့်ပါယာ။

လူတိုင်းသိဂတ်တေအကြောင်းတိဖြစ်ကေလေ့ ပြန်လို့အတွက်ဖော်ပီးလိုက်စွာဘာရာ။ ကျေးဇူးဘာ။
. နီမင်းကြီးသို့လွမ်းခြင်း
-----------------------
ညာဏ်စမ်းပဟေဠိ အဟုတ်ပုစ္ဆာ
များစွာသောင်းသောင်း မိန်းခွန်းပေါင်းကို
လွယ်လင့်တကူ ဖြေနိုင်သူကား
ရက္ခိုင်ပဏ္ဍိ ပညာဟိ။

ရဟန်းသျှင်လူ များပြည်သူရို့
ဓိပ္ပါယ်မသိ ကျောက်စာတိကို
နှုတ်တက်အာဘော် ဓိပ္ပါယ်ဖော်ရေ
ကဝိအမော် ပညာကျော်ကား
ရက္ခိုင်ပဏ္ဍိ ပညာဟိ။

ရက္ခမဏ္ဍိုင် ပြည်ရက္ခိုင်အတွက်
ကယ်တင်သျှင်တဆူ ဖြစ်တော်မူရေ
ရှေးတွေးနောက်ခေါ်
မြော်မြင်သိတတ် ထိုလူမြတ်ကား
ရက္ခိုင်ပဏ္ဍိ ပညာဟိ။

လွန်စွာကျွမ်းကျင် ရာဇဝင်နန့်
များပြားလှဘိ ကျောက်စာတိကို
အများသိအောင် ဖော်ထုတ်နိုင်ဘိ
မြတ်ကဝိကား
ရက္ခိုင်ပဏ္ဍိ ပညာဟိ။

အဂုအချိန်ခါ....
ကဝိအမော် ပညာကျော်ကား
ခန္ဓာရုပ်ဟောင်း ဘဝပြောင်းလို့
လူ့ပြည်လူ့ရွာ ကိုယ့်ဌာနာက
ထွက်ခွါလားစွာ ကြာလခယာ။

ယကေလေ့သော့...
ကဝိသတင်း ကျော်ဇောခြင်းကား
ရက္ခပြည်ခွင် များလူရင်မှာ
“သဇင်ရနံ့ပိုင်” သင်းပျံ့ကြိုင်ဆဲ
မွှီးနိန်မြဲပါ။
-------------
၁၁-၁၁-၂၀၀၆

မှတ်ချက်။ ။သြဂတ်(စ်) (၁၄) နိန့်မှာကျရောက်ဖို့ ဆရာကြီး
ဦးဦးသာထွန်းကျဆုံးခြင်း(၂၀)နှစ်မြောက်ကို အေကဗျာချေနန့်ဆရာကြီးအား
ဂုဏ်ပြုပါရေ
မှတ်ချက် // Email.မှတစ်ဆင့်ရစွာကို တင်ပြခြင်းဖြစ်သည်။ စာရွီးသူ
ဥက္ကာပျံ.

...။...။...တင်ပြသူ...။လခြမ်းမြီ ...စာတင်ချိန်။...။..11.8.10...။...လခြမ်းပြီး...။... ကဗျာ, ပင်မစာမျက်နှာ, ရင်တွင်းဖြစ် . ။...အားပီးလာဂါတ်ရေ စာဖတ်ပရိတ်မှားမှ ဒေဘလော့ဂ်နန့်ပတ်သတ်ပြီး အကြံများပီးလိုပါက arakankotawchay@gmail.com မှ အမြဲတမ်း ကြိုဆိုနီပါသည်။ စာဖတ်ပရိတ်သတ်များအားလုံးကို ကျေးဇူးတင်လျှက် ...။