မျိုးဆက်သစ်တာဝန်
ဖိုးဖီးဇူဇာ ငါ့ရို့မိဘရို့
တမလွန်ကို ရောက်ဂါတ်ဗျာလ်။
ငါ့ရို့ချစ်တေ ဖိုးဖီးမြီးလည်း
မြီးပိုင်ချင်တိ မထွန်းကားခင်
ကိုလိုနီအောက် ရောက်နိန်ဗျာလ်။
ရက္ခမြီကို လှဆင့်နိူင်သည့်
မျိုးချစ်သစ်ငယ် လူငယ်ရို့လည်း
ကိုလိုနီအုပ်စိုး မှောင်မိုက်တိမှာ
သတ္တဗျတ္တိ ကင်းနိန်ဗျာလ်။
.
ပြည်ကိုချစ်တေ ပြည်ချစ်သူရို့
တချို့ဇရာ တချို့နာလို့
တချို့ကွယ်လွန် လားဂါတ်ဗျာလ်။
ငါရို့ဘဝမှာ တခဏမှာ
သဘာဝချမ်းသာ ရက္ခမြီလည်း
သူသူငှါငှါ ရခိုင်မြီမှာ
ပြိုင်ဆိုင်တိုက်ခိုက် လုနိန်ဗျာလ်။
ကိုယ့်ပြည်ကိုယ့်ရွှာ ကိုယ့်တိုင်းပြည်မှာ
ရက္ခပြည်သူ ချစ်ပျိုဖြူရို့
သမိုင်းတာဝန် ထမ်းဆောင်နိူင်မည်
ရခိုင်အာဇနီ မျိုးဆက်သစ်လည်း
အလဲထိုးသတ် ခံနိန်ရဗျာလ်။
သို့သော်
ဒေပိုင်အချိန် ကြုံနိန်ကေလေ့
ရခိုင်ပြည်ကို ပြည်လည်ရအောင်
အမှောင်ကိုထွင်း အလင်းထွက်အောင်
တိုက်ထုပ်နိူင်အောင် လုပ်ဂါတ်မေ။
............
မြတ်ခိုင်.
...။...။...တင်ပြသူ...။လခြမ်းမြီ
...စာတင်ချိန်။...။..18.10.10...။...လခြမ်းပြီး...။...
ကဗျာ,
ပင်မစာမျက်နှာ,
ရင်တွင်းဖြစ်
.
။...အားပီးလာဂါတ်ရေ စာဖတ်ပရိတ်မှားမှ ဒေဘလော့ဂ်နန့်ပတ်သတ်ပြီး အကြံများပီးလိုပါက arakankotawchay@gmail.com မှ အမြဲတမ်း ကြိုဆိုနီပါသည်။ စာဖတ်ပရိတ်သတ်များအားလုံးကို ကျေးဇူးတင်လျှက် ...။