အမျိုးသီလ ရက္ခိတ
ဓညရမ္မ မေဃဒွါရ
ဝတီလေးရပ် ရက္ခမြတ်ဟု
လောကမဏ္ဍိုင် သက်သီတိုင်ခ
အိုရက္ခ။. ၄၈ဆက် မင်းဆက်ရို့က
သိရှိတာဝန် ထိန်းသိမ်းရန်နန့်
ဘုရားပုထိုး ဇာတိမြတ်ရို့
ရခိုင်ပြည်မှာ ထည်ဝါဝင်းစွာ
သဇင်ပန်းခိုင် တမြိုင်မြိုင်လို့
ရက္ခမြီမှာ ဆိုးရိုးစကား
သက်ဟှိထင်ရှား ဟှိသိယင့်။
ရခိုင့်ဘာသာ စာပီများလည်း
ဘုံမိနီလ ထွန်းထောက်ပလျှက်
ဆန်ရီစပါး ပြည့်ဝငြားလို့
အီးချမ်းသာယာ ပျော်စရာနန့်
ကျော်ကြားထင်ရှား ရခိုင်သားလို့
ကမ္ဘာ့အလယ်မှာ သက်သီတိုင်ခ
အိုရက္ခ။
ဓညရမ္မ မေဃဒွါရ
ဝတီလေးရပ် ထိုမြီမြတ်ကို
ရက္ခနွီးဖွား ရခိုင်များက
ကြီးပွားသာကြောင်း သမိုင်းကြောင်းကို
ပေါင်းစပ်တိုင်းတာ စာဖွဲ့ပါလည်း
ကုန်လိမေလို့ ငါမထင်။
.
18.5.10 |
Posted in
ကဗျာ,
ပင်မစာမျက်နှာ,
ရင်တွင်းဖြစ်
|
Read More »
ရခိုင့်စာပီဆိုစွာ
အတိတ်က ဖြစ်ပျက်ခရေ အရာတိကို အကျဉ်းကျမခံပဲ အနာဂါတ်မှာ ဆက်လက်သန်းဖို့ ရခိုင်လူမျိုးတိတွက် အားသစ်ဆင်ထားရေ အကောင်ရာဖြစ်တေ။
ရခိုင့်စာပီဆိုစွာ
ပပျောက်ဆုံးနိန်ရေ စာပီ၏တန်ဖို့ကို ကိုယ့်ပကတိ စာပီ၏ရုပ်သွင်ဖြစ်ဖို့တွက် ဝတီလေးရပ် ရခိုင်မြတ်ရို့ စည်းရုံညီညွန့်မှုနန့် ဟိဆက်ဂါတ်ဖို့စွာကို မျှော်လင်းတောင်းတနိန်ရေ အကောင်ရာဖြစ်တေ။
. ရခိုင့်စာပီစွာ
ရခိုင်လူမျိုးတိ ဇာချိန် ဇာခါ ဇာနိန်ရမှာမဆို ရခိုင့်လူမျိုး၏ ယိုင်ကျေးမှုနန့် အမျိုးဂုဏ် ဇာတိဂုဏ် မြင့်မားလာမှုကို ဦးဆောင်နိန်ရေ အကောင်ရာဖြစ်တေ။
ရခိုင့်စာပီဆိုစွာ
ရခိုင်လူမျိုး၏ အတက်အကျ နိန့်ကျမှု မြင့်မားမှု လောကဓမ္မသဘာဝ တရားတိုင်း ကြမ်းတမ်းမှု၏ ရိုက်ချက်သံချေတိကို စိုင်လာဆက်ဆက် အပြုံမပျက် လက်ခံတတ်တေ အကောင်ရာဖြစ်တေ။
ရခိုင့်စာပီဆိုစွာ
လူတစ်ဦးတစ်ယောက်ကို တုန့်ပြန်မှု ပီစပ်မှုကို မမျှော်လင်းဘဲ ရက်ရောစွာ ပီးကမ်းတတ်သူအနိန်နန့် အချုပ်အရှည်ဟူသမျှကိုလည်း အမြဲတမ်း တော်လှန်တတ်တေ အကောင်ရာဖြစ်တေ။
ရခိုင့်စာပီဆိုစွာ
အဟောင်းအသစ်တိကြား သံသရာစက်ရဟတ်၏ ကြမ်းတမ်းမှုဒါဏ်ကိုလည်း ရခိုင်လူမျိုးတိနန့်အတူ မရပ်မနား စာပီ၏ဇွဲနန့် စိုးရိမ်ကင်းစွာ ခရီဆက်တတ်တေ အကောင်ရာဖြစ်တေ။
ရခိုင့်စာပီဆိုစွာ
လီဟုန်စီးပြီးကေ ကောင်ကင်အာကာထက်မှာ ငှက်ချေတိပိုင် ပျံသန်းနိူင်ရေ အကောင်မဟုတ်
ရခိုင်လူမျိုးရို့၏ အမြတ်ဆုံးရတာနာအဖြစ် မြတ်နိူးလေးမှုကို ခံနိန်ရေအကောင်ရာဖြစ်တေ။
ရခိုင့်စာပီဆိုစွာ
ရခိုင်လူမျိုး၏ ယိုင်ကျေးမှု ဓလေ့ထုံးတန်းအစိုင်အလာတိကို မြင့်တင်ဖို့ ဥာဏ်ပညာအမြင်တိ ရခိုင်တစ်မျိုးသားလုံး ရင်ခွင်မှာ ဟှင်သန်လာဖို့ စီးပွာားရေးနန့် လူ့အဆင့်တန်း မြင့်မားလာမှုတာဝန်ကို ထမ်းဆောင်နိန်ရေ အကောင်ရာဖြစ်တေ။
ရခိုင့်စာပီဆိုစွာ
မှောင်မှိုက်နိန်ရေ အရာတိမှာ အလင်းရောင်ရောက်အောင် အောင်မြင်နိူင်သူဖြစ် သူတစ်ယောက်တည်း အံတုန့်နိူင်ရေကောင်မျိုးမဟုတ် မှောင်မိုက်ကျနိန်ရေ နိန်ရာတိမှာ အလင်းချေတိ ဟှင်သန်ဖို့တွက် ရခိုင်လူမျိုးဘက်က ရပ်တည်ပီနိန်ရေ အကောင်ရာဖြစ်တေ။
သို့အတွက်ကြောင်း ရခိုင့်စာပီစွာ ရခိုင်လူမျိုးရို့၏ ခံစားချက်ကို ရာခိုင်နူန်းအပြည့် ပေါ်ပြပီးနိူင်ရေ အကောင်ဖြစ်လို့ ရခိုင့်ဘာသာစကားကို အသက်သွီးနန့် ရင်းပြီးကေ လေးစားမြတ်နိူးသင့်လို့ ရခိုင့်စာပီဆိုစွာရေ ရခိုင်လူမျိုး၏ ထာဝရပဲ့ကိုင် အရှင်သခင်ရာဖြစ်တေ။
.
18.5.10 |
Posted in
ပင်မစာမျက်နှာ,
ဆောင်းပါး
|
Read More »
ပျားရည်ချေတစ်စက်
ရခိုင်မြီမှာ ချိုသာဖို့
ပင်ပန်းကြီးစွာ ပြုစုခပါယင့်။
နှင်းချေတစ်စက်
ရခိုင်မြီကို အီမြစီဖို့
မျှော်လင်းကြီးစွာ ပျိုးထောင်ခပါယင့်.
.
ရခိုင်စစ်ပျောက် နအဖရောက်ခါ
ရခိုင်မြီမှာ ပျားရည်လည်းပျောက်
နှင်းစက်ခြောက်လို့
ကူပါကယ်ပါ တစ်အော်အော်နန့်
အော်နိန်ရစွာလည်း ကြာနိန်ယာ။
ရရာလက်နက် ဆွဲကိုင်တိုက်စွာ
အချိန်တိလည်း ဆွီးနိန်ယာ။
ရခိုင်ပြည်သူ ခံစားနိန်ရ
ဘဝမလှ ကျွန်ဘဝက
လွတ်မြောက်ရေးတွက် အသက်စွန့်လျှက်
တိုက်ထုပ်စွာလည်း ကြာနိန်ယာ။
အသိတရားမဟှိ နအဖစစ်သားတိ
မျိုးဆက်ရင်သွီး ရခိုင်ပျိုချေတိ
ရက်စက်ယုတ်မှာ စစ်ဖနပ်အောက်မှာ
ဗလက်ကာယ ပြုခံရလို့
အသက်ပီးရစွာည်း များလာယာ။
ရခိုင်အချင်းချင်း ပြောအခြင်းကြောင်း
စည်းလုံးကွယ်ပျောက် မှောင်မိုက်ရောက်လို့
နိဂုန်းချုပ်စွာလည်း မရွီတွက်နိူင်ယာ။
အော်
စစ်ဖနပ်အောက် အလင်းပျောက်လို့
ရခိုင်ပြည်သူ ဖြူစင်သူရို့
နယ်ချဲ့မိစ္ဆာ အာဏာအောက်က
အများပြည်သူ လွတ်မြောက်စီဖို့
မျိုးဆက်အားမာန် တော်လှန်အသိ
ရခိုင်ပြည်သူ ကိုယ်စီဟှိလို့
ညီညွန့် တည်ဆောက်
မျိုးမြီမပျောက်ဖို့
တိုက်ထုပ်နိူင်ဂါတ်ပါစီသား။
.
7.5.10 |
Posted in
ကဗျာ,
ပင်မစာမျက်နှာ,
ရင်တွင်းဖြစ်
|
Read More »
