သားမွီးနိန်မှာ အမင်ိတစ်ခုပြောချင်စွာက မြတ်စွာဘုရားဟောတော်မှုခရေ တရားတော်မှာ အသက်နှစ်ဆယ်ပြည့်ကေ ကိုယ်ပိုင်းဆုံးဖြတ်ပိုင်ခွင်ရှိလို့ သာသနာ့ တာဝန်ကို ထမ်းဆောင်ဖို့တွက်ရဟန်း
ခံခွင့်ပြုခရေ သား ။ (၁၉၆၆) နှစ်မှာ အမင်ရို့ ရခိုင်တစ်မျိုးသားလုံး မမိန့်နိူင်ရေ ပြဿနာ
တစ်ခုက မဆလပါတီ ဗဟိုတောင်းသူလယ်သမားကောင်စီကို ဖွဲစည်း ခရေ။ ယင်းအချိန်မှာ တောင်သူလယ်သမားတအိတွက် စတင်ရင်နာစ ရာဖြစ်ခရစွာက စိုက်ပျိုးရေးရာသီ ကုန်ခါနီးမှာ ရခိုင်ပြည်တွင်းစပါးဆန် ရီးတိအများကြီး ပျက်စိလားခရေ ။
သနပ်အားကို အုပ်ချုပ်နိန်ရေ နှခေါင်းပိုင်း နေ၀င်က အမင်ိရို့ရခိုင်တစ်မျိုးသားလုံးလက်ရှိကြုံတွီးရဖို့ အခက်အခဲ့တိကို အလေးမထားဘဲ သူရို့မိသားစု စားဝတ်နေရေးနိူင်ငံခြား ဖဲသာရရေးအတွက် ဆန်တန်ချိန် (၁.၁) ကို ရောင်းချပြီးကေ ရခိုင်ပြည်သူပြည်သားတိတွက် လွတ်လပ်စွာ ဆန်ရောင်းချခွင့်မပီးလို့ (၁၉၆၇) စပါးထွက်စ အချိန်မှာ စပါးဆန်ရီရှားပါးမှုကြောင်း၊ ဖဲသာတတ်နိူင်ရေ လူတိကလည်း ဆန်ဝေလို့မရ ဆန်မရှိလို့ သီဆုံးလားရေလူတိကလည်း အများ ဒေလောက်စပါးဆန်ရီးပေါများရေ ရွှေရခိုင်
ပြည်ကြီးမှာ ဆန်မရှိလို့ ထမင်းငတ်တေဆိုရေ အရှက်တိကိုကြောက်လို့ အဆိပ်သောက်လို့ သီလားရေ ရခိုင်လူမျိုးတိကလည်း အများကြီးပါ။.
မြို့နယ်အသီးသီး လမ်းကြားတိမှာ ထမင်းကျန်ဟင်းကျန် တောင်းစားနိန်ရရေ အကောင်ချေ အကောင်းမချေ ၊ လူပျိုချေ အပျိုမချေမကျန်၊နောက်ပြီကေ သားချေတိကို ခါးမှာတင်ပြီး တောင်းစားနိန်ရေအမင်တိ
ကလည်းအများကြီးပါ။ ယင်းလူမျိုးတိစွာ ဒေဂုသားရို့ပိုင်ဆိုင်ရေ ရခိုင်ပြည်က ရခိုင်လူမျိုးတိရာဖြစ်တေသား။ စစ်တွေမြို့ရပ်ကွက် ကျေးရွှာ တိုင်းမှာ ကဒ်ပြားထုပ်ပြီးကေ ဆပလိုင်းခေါ်ရေ( သမ၀ါယမ ) ဆိုင်က
လူတစ်ယောက်ကို ဆန်ဘူး (၆၀)ကနိန်ပြီးကေ ဘူး (၂၀) ရာရောင်း ချပီးရေသား။
ကျေးလက်တောရွှာတိမှာဆိုကေလေ့ ရရာသစ်မြစ်သစ်ဥတိကိုစားပနာ ကိုယ်ဖော့ကိုယ်ရောင် ရောဂါဖြစ်ပြီးကေ သီလခရေ ရခိုင်လူ မျိုးတိကလည်းအများကြီးပါသားချေ။
အမိရို့ နာခေါင်းပိုင်းနေ၀င်းလက်ထက်ကပင် ဒေဆန်ပြဿနာကို ကျော်ဖြတ်လာစွာ ဒေဂုဆိုကေ (၄၂) နှစ်တိတိရှိဗျာလ်သား။ ယင်းပိုင် ဆန်ရီးစပါးရှားနိန်ရေ အချိန်မှာ သြဂုတ်(စ်)လ(၁၃)ရက်နိန်က စစ်
တွေမြို့မှာ အယင်ကထက် ပိုမိုထူးခြားလာရေ ဇာပိုင်ဖြစ်လာဖို့လည်း ဆိုစွာကို ဇာသူတစ်ယောက်လည်း မခန့်မှန်းနိူ်င် ။ အမင်တိုရို့ရခိုင် တစ်မျိုးသားလုံး မကျေနပ်သံ တောက်ခေါက်သံ ငိုကြွေးသံတိနန့် ရခိုင်သား/မတိုင်းမှာ မျက်နှာပြင်မှာ မသာမယာဖြစ်နိန်ပြီးကေ စိုးရိမ် ကြောက်လန့်နိန်ဂါတ်ရရေ။
လမ်းမတော်ရပ်ကွက် ဆရာမအိမ်တစ်အိမ်က လူငယ်အယောက် (၃၀)လောက်စုပြီးကေ ဆန္ဒပြ ချီတက်လာဂါတ်တေ ။
ဆန်ပြဿနာ ဖြေရှင်းပီးပါ၊ ရခိုင်အရေးတော်ပုံ အောင်ရမည်၊ ဆန်ပြုတ်မစား ရခိုင်သား၊ ဆန်ခွဲမစား ရခိုင်သား၊ ဆန်အပြည့်အ၀ ရောင်းချပီး ၊နာခေါင်းပိုင်း နေ၀င်ကို အလိုအရှိ ၊ မဆလအစိုးရကို အလိုမရှိ လို့ တောင်းဆိုသံတိ ဖြစ်ပါလာကတ်တေ ။ ယင်းပိုင်ချီတက်လာရေအချိန်ခါ စက်ရုံစုလမ်း ကသဲရွာလမ်းထိပ် “မြ” ဆန်စက်ဟိကိုရောက်လာပြီး ဆန္ဒပြလာရေလူတိကလည်း လတ်တ လော ဟိမတိုးနိူင်ဘဲ ရပ်တန်းလားပြီးခကတ်ရရေ အကြောင်းမှာ ယင်းမြဆန္ဒဟိက သံဆူးကြိုးများနန့် တာဆီးထားပြီးကေ အဆင်အ သင့် (TE)ဟီနိုးကားကြီးနန့်တဖွဲ့က (G.3) သနပ်ကိုအဆင်သင့်ကိုင် ပြီးကေ ရပ်လို့စောင့်နိန်စွာကလည်းအများကြီင်္း။ ယေကေလေ့ ရခိုင် လူမျိုးတိကား အကြောက်တရားဆိုစွာမဟိ ဇာကြောင်းလည်းဆိုကေ ထိုင်ဆိုထိုင် ထဆိုထ ရုပ်သီတိပိုင် စစ်အာဏာရှင်အလိုကျ အမိန်းနာ
ခံနိန်ရလို့ ပြည်သူ့သားသ္မီး စစ်သားများနန် စအစာငတ်ပြီး သီရဖို့ အစား တိုက်ပွဲဝင်ပြီးအသီခံမေလို့ ဆုံးဖြတ်ထားသောကြောင်းစစ်အာ ရှင်များနန့် ပြည်သူများထိတွေ့မှုနောက်ဆုံးအဆင့်ကိုရောက်ရှိအချိန်
မှာ ဗိုလ်စောဖြူနောက်ထပ်ရောက်ဟိလာပြီး ဆန္ဒပြနိန်သူထဲက တစ်ဦးထွက်လို့ပြောပြီးကေ ထက်သူ၏လက်ထဲကို စာရွက်တစ်ရွက်ပီးလိုက်ပြီုး ထိုလူက စာရွက်ကိုပြန့်ပြီး ပုဒ် ပုဒ် ပုဒ်မ တစ် တစ်တစ်ရာ့လေး လေးဆယ့် လေးကိုထုပ်ပြန်လိုက်သည်။
ပုဒ်မ ၁၄၄ ဆိုသည်မှာ သမထွက်၊ ထွက်လို့ဟိကေလေ့ လူ ၅ယောက် ထက်မပိုရအမိန်းဖြစ်သည်။ ယင်းစာကို ဖတ်နိန်ချိန်မှာပင်ဆန္ဒပြသူ များကလည်း ဟိကိုတဆတ်ဆတ်တိုးပြီးကေ ရောက်ဟိလာရေခါ ဗိုလ်မှုစောဖြူက ရဲဘောက်ရို့အလို့ဟိရေ ဆန်ဗူးခြောက်ဆယ်ပို ပီးမေ ၊ ဒေလမ်းကိုမကျော်ပါကေလို့ ပြောနိန်ချိန် နောက်ကလူတိကလည်း တဆပ်ဆပ်တိုးလားပြီး စစ်သားများ တားစီးထားရေ သံဆူးကြိုးတိကို ဘယ်ညာဖယ်လို့မဆုံးသိ ပုဒ်မ (၁၄၄) ကိုရုတ်သိမ်းလိက်ဗျာလ်ဆိုရေ စကားကို မကြားလိုက်ရဘဲ စစ်တပ်က သတ်မှတ်ထားရေ စီး ၃ တန်ကို မရောက်ခင် သနပ်သံက အာကာပေါ်ကိုပျံတက်လားရေပိုင်
ကြားလိုက်ရသည်။
ယင်းချင့်နောက်ပိုင်မှာ အဆက်မပြတ်ကြားရရေ သနပ်သံ ဆန္ဒပြသူ များကလည်း သနပ်သီထိပြီးကေ လဲကျသူကလဲကျ ထွက်ပြီးသူက ထွက်ပြီး အအူအပွတ်လိုက်ထွက်နိန်စွာကို လက်နန့်ဖိပြီး ဝေဒနာခံ
စားရသူများကလည်း အများကြီး၊ မျက်စိမှတ်တုန်မှိတ်တုတ်နန့် ပက် လက်နိန်ရေလူတိကလည်း ပုံကြီး၊ ထွက်ပြီးလာရေလူတိကလည်း ဆန်စက်အနားက စီးဆင်းနိန်ရေ ဆတ်ရိုးကျချောင်းကို ဖြတ်ပြီးကေ ကမ်းတဘက်ကိုရောက်အောင် ကူးကတ်နိန်ချိန်မှာ၊ စစ်သားများက အလွတ်လုံးဝမပီးဘဲ တံထားအနီမှာဟိနိန်ရေ အုပ်ခုန်ကနိန်ပြီးကေ ချောင်းတဘက်ကမ်းရောက်အောင် သူးခတ်နိန်ရေလူတိကို စိတ်ဟိ လက်ဟိနန့် လူအသက်ကိုမထောက်ဘဲ တိရိစ္ဆာများကိုပိုင် ပိုက်ခတ် လိုက်လို့ ဆတ်ရိုးကျချောင်းရီးစွာ သွီးရီးဖြစ်လားကတ်ရရေ။
သြဂုတ်(စ်)လ (၁၃)နိန် အမင်ရို့ဘ၀မှာ မိကြီး ဘကြီးလက်ထက်က ပင် အမြတ်တနိူး ထိန်းသိန်းစောင့်ရှောင့်လာရေ ဗုဒ္ဓသာဘာတိုင်း၏ ရက်ကောင်းရက်မြတ်ဥပုဒ်နိန်တစ်ရက်ဖြစ်တေ။အဖိုးရှင် အဘောင်ရှင်ရို့ ရခိုင်တစ်မျိုးသားလုံး၏ ဆန်ရှားပါးမှု ရခိုင်ပြည်မှာ မရှိရလီအောင် သံသရာဝဋ္ဋ်ဆင်းရဲက လွတ်မြောက် အောင် တရားနာဖို့ အတုလမာရဇိန် ပြည်းလုံးချမ်းသာဘုရားကြီးမှာ
ရောက်နိန်ဂါတ်တေအချိန်၊ ပြည်သူပြည်သားတိ တရားနာမဆုံးခင် ကြားလိုက်ရရေအသံက သနပ်သံ ။ ယင်းအချိန်မှာ အန္တရာယ်ကျ ရောက်နိန်ဗျာလ်လို့ လာကြည့်ရေအချိန်မှာ ရခိုင်ပြည်သူပြည်သားတိ အစုလိုက် အပြုံလိုက် သီဆုံးနိန်ဂါတ်ဗျာလ်။ ဒေအဖြစ်ကို မြင်ရရေ လူတိက သတိမိလားရေ လူ၊ ငိုနိန်ရေလူက အများကြီးဖြစ်တေ။ လူသီပွဲကြီးမဆုံးခင် စစ်သားကားတိလာပြီး သီလာခလေူတိ မသီဘဲကျန်
ခရေလူတိကိုပါ ကားနန့်ယူလားပြီးကေ ဆတ်ရိုးကျ ချောင်းနန့်အာ ကျိန်တော်ကုန်းမှာ
မြေမြုတ်လိုက်စွာ ဒေဂုချိန်ထိ မြင်ယောက်မိရေ ငါသား ။ယေကေလေ့ ရခိုင်တပြည်လုံး အတိုင်းအတာမှာ တစ်မြို့နန့် တစ်မြို့ သတင်းမီဒီယာ လမ်းပြတ်ဆက်သွယ်ရေး မကောင်း ဇာပိုင် ဖြစ်နိန်ဂါတ်လေဆိုစွာကို မသိခရလို့ အမှန်တရားတိပျောက်ကွယ်လား ကတ်ရေငါ့သား ၊၊
သားမွီးနိမှာအမင်တခုပြောချင်စွာက လူကိုမကြည့်ကေ့ မူကိုကြည့်ပါ။ သားကိုဒေအကြောင်းနန့်ပတ်သတ်ပြီးကေ အမင်ပြောရစွာက သားစွာ ( 7/7 2009 )နိန် (၂၃)နှစ်မြောက် ပျော်ရွှင်စရာမွီးနိန်တစ်ခုဖြစ် သားကို အမင် လက်ဆောင်တစ်ခု ပီးလိုက်တေသား ။သားရို့ရခိုင်တစ်မျိုးသားလုံးကျရောက်နိန်ရေကျွှန်ဘ၀မှ လွတ်မြောက်စီချင်ရေ ဆန္ဒနန့် သားရို့မျိုးဆက်သစ်ချေတိ စည်းရုံးညီးညွန့်ပြီးကေ ကျွှန်သဘောက်ဘ၀က လွတ်မြောက်ဖို့ ဆက်လက်တိုက်ပွဲဝင်နိူင်အောင် လက်ဆင့်ကမ်းရေ အနေနန့် သားရို့ ဖိုးဖီးဘောင်ဘင် ပိုင်ဆိုင်ခရေ ရခိုင်ပြည်ကို ပြန်လည်ရရှိရေးအတွက် သားနန့်တကွ ရခိုင်ပြည်သူ ပြည်သားတိအားလုံးမှာ တာဝန်ရှိပါရေသား။
မှတ်ချက် / AASYC အဖွဲ့ကထုပ်ဝီရေ {၁၃}သြဂတ်(စ်) မမေ့အပ်စာအုပ်က ကိုးကားရွီးသားပေါ်ပြခြင်းဖြစ်သည်။.
16.1.10 |
Posted in
ပင်မစာမျက်နှာ,
ဆောင်းပါး
|
Read More »
ဆူဆူသည် ခမီးမချေတယောက်ဖြစ်သည်။ အသက် (၁၇) နှစ်အရွယ် တရွာလုံးတွင် အလှဆုံးကွမ်းတောင်ကိုင်ဖြစ်သည်။ အသက်ကလည်းငယ် အသားကလည်းဖွေး ချစ်ဖို့ကောင်းလွန်းလို့ သူမကို တရွာလုံးလူပျိုများက ၀ိုင်းပိုးကတ်သည်။ သူမရို့ရန်အောင်မြင်ရွာမှာ မောင်တောမြို့နယ်မြောက်ပိုင်း တိုက်နယ်ကျွန်းရွာဖြစ်သော ကြိမ်ချောင်းနှင့် မလှမ်းမကမ်းတွင်ဟိသည်။ ယင်းရွာတွင် ရခိုင်၊ ခမီး၊ ဒိုင်းနက်၊ သက်လူမျိုးအားလုံး ရောပြွမ်းနီထိုင်ပြီး အိမ်ခေါင်ပေါ် (၁၂၀) ကျော်ဟိသည်။ ရွာသားအားလုံး အဓိက လယ်လုပ်ကိုင်စားသောက်သည်။ ဆူဆူမိဖများလည်း တောင်ယာလုပ်သည်။ ဆူဆူတွင် သူ့အထက်က အေးမတယောက်၊ မောင်တယောက်ဟိသည်။ သူမ လေးတန်းအထိ စာသင်ခပြီး မူလတန်းပြီးသည်နှင့် စာဆက်မသင်နိုင်ဘဲ ကျောင်းထွက်လျှက် အိမ်မှုလုပ်ငန်းများကို ကူညီလုပ်ကိုင်နီသူဖြစ်သည်။.
ဆူဆူရို့ရန်အောင်မြင်ရွာသည် အင်တန်လောက်ချောင်ကျလို့ ဖက်ခွက်စစ်သားတိ တခါတရီရောက်လာစွာကလွဲလို့ ရက်ကြာကြာ တည်းခိုနီထိုင်လေ့မဟိပါ။ ယင်းပိုင် ဖက်ခွက်တိ အရောက်အပေါက်နည်းလို့ တရွာလုံးမှာ အလှဆုံးဆူဆူစွာ အပျိုဖော်ဝင်စမှာ မြန်မာစက်ကွင်းထဲက လွတ်ကင်းနီခပါသည်။ သို့သော် နောက်ပိုင်းမှာ ရမ္မက်သားဖက်ခွက်စက်ကွင်းကို ကောင်းကောင်းကြာကြာ မယှောင်နိုင်လိုက်ပါ။
---------------
တနိ
၂၀၀၉ ခုနှစ် မတ်လ နောက်ဆုံးပါတ်ထဲက တနိဖြစ်သည်။ ယင်းနိမှာ ဘီအီးလို့ခေါ်သော စစ်မြီပြင်အင်ဂျင်နီယာတပ်ရင်းက တပ်စုတစု ခြံစည်းရိုးစီမံကိန်းအတွက် ဆူဆူရို့ရန်အောင်မြင်ရွာသို့ ရောက်ပါလတ်သည်။ မြန်မာစစ်သားများ၏ "အိမ်ကြီးကြီး၊ ရီတွင်းနီးနီး၊ ဖင်ကြီးကြီး" ဆိုသောဆောင်ပုဒ်အတိုင်း အချက်သုံးချက်နှင့်ပြည့်စုံသော ဆူဆူရို့အိမ်ဘေးနားက အိမ်ကြီးတဆောင်ကို သိမ်း၍စခန်းချသည်။ စခန်းချလို့ ကောင်းကောင်းမကြာလိုက် မြန်မာနည်းမြန်မာ့ဟန်အတိုင်း "အမေတို့
အဖေတို့ နေကောင်းကြပါသလား" ဆိုပြီးသနာ စစ်သားအုပ်စုတစု ဆူဆူရို့အိမ်သို့ ပေါက်ချလာလတ်သည်။ ဆူဆူကိုမြင်သည်နှင့် စစ်သားတိစွာ အကြောင်းမဟိအကြောင်းရှာပြီး ဆူဆူအမိနှင့်အဖကို ရရေနည်းဖြင့် ၀င်ရောသည်။ ဆူဆူအမိအဖများကလည်း တောသူတောင်သားတိဖြစ်လို့ စေတနာကောင်းစွာကတဖက်၊ ဖက်ခွက်တိကိုကြောက်သည်ကတဖက် အိမ်မှာဟိရေ ပြောင်းဖူးအစ နပျိုးသီးအဆုံး ဟိဟိသမျှကို ဖက်ခွက်တိကို ဧည့်ခံခွမ့်ကျွေးရသည်။ ဖက်ခွက်တိကလည်း ပြန်ဖို့မိပျာ ဆူဆူအိမ်မှာ နှာမွှမ်ပြီးသနာ တပျင်းတီးကတ်ပါသည်။ ကျွေးသမျှကို မြန်မာ့ပရိယာယ်ဖြင့် "အားနာစရာကြီး မလုပ်ပါနဲ့၊ မလုပ်ပါနဲ့" ဆိုပျာ မျိုဆို့ကတ်သည်မှာ အငတ်တိုင်းပြည်ကလာသောလူများ အတိုင်းဖြစ်သည်။ ဆူဆူတယောက် ထမင်းချက်ခန်းနှင့် အိမ်ရှိဒန်ခံ ၀င်လိုက်ထွက်လိုက် အစာခွမ့်ကျွေးနီရခါ တဏှာစိတ်ဖြင့် သူ့မနောက်ဖက်ကို ရှုစားတော်မူနီသော မြန်မာစစ်သားတယောက်နှင့် မျက်လုံးချင်းဆုံမိပါသည်။ ယင်းမြန်မာစစ်သား၏တဏှာအကြည့်ကို အတွိအကြုံမဟိသော ဆူဆူအဖို့ ဇာခံနိုင်ဖို့လဲ။ စစ်သားတိပြန်လားသောခါ လက်ယားရေပိုင် ခံစားရသည်။
----------------------
နောက်နိမိုးလင်းသောအခါ ရွာထဲက မင်းကျွန်ပျိုနှစ်ယောက် ဆူဆူဘက်သို့ပေါက်ချလာပြီး စာတစောင်လာပီးသည်။ "နင်ရို့အိမ်ကို ညကလာလည်ခရေ "တပ်ကြပ်ကျော်သက်" ဘားကစာ။ ညကလာခရေ စစ်သားတိထဲက ဆရာချေကျော်သက်ကို နင်မှတ်မိရေမလား" ဆိုပြီးလျှင် စာပီးပြီး ထွက်လားခကတ်သည်။ စာကိုဖတ်ကြည့်လိုက်သောအခါ "သိပ်ချစ်မိသွားပြီ ညီမလေးရယ်" ဆိုသည့်စကားနှင့် ဆူဆူကို မြင်မြင်ချင်း ချစ်မိရင်ခုန်မိကြောင်း၊ ဆူဆူပိုင်လှရေ မမချေမျိုး ရခိုင်မှာတာဝန်ထမ်းဆောင်နီရေ (၅) နှစ်တာကာလအတွင်းမှာ မတွိဖူး၊ မမြင်ဖူးကြောင်း၊ စာမျက်နာ (၂) မျက်နာကျော် ငါးသလောက်ချွဲ ချွဲထားသည်။ စာကိုဖတ်ပြီးသည်နှင့် ဆူဆူစိတ်တိ ငါးသလောက်မြှုံးမိလားခရပါသည်။
------------------
နောက်တနိ ဆူဆူရို့အိမ်ကို ကျော်သက်က သေနတ်ချေလွယ်ပြီးသနာ ရောက်လာသည်။ ဆူဆူကို ညကပီးခရေစာကိုရရေလားဟုမီးပြီး အဖြေတောင်းသည်။ ဆူဆူကလည်း မြင်မြင်ချင်း ရင်ခုန်ရသူဖြစ်လို့ ခေါင်းညိတ်ပြလိုက်သည်။ ယင်းနိကပင် ကျော်သက်စွာ လုပ်ငန်းခွင်ကပြန်လာတိုင်း သူ့အချစ်ကိုသက်သီပြဖို့ ဆူဆူဘားသို့ တန်းရောက်ပါလတ်သည်။
------------------------------
ကောင်းကောင်းမကြာလိုက် နယ်စပ်ခြံစည်းရိုးစီမံကိန်းအတွက် ရောက်လာသောစစ်သားများ ရွာထဲကနီ ခြံစည်းရိုးကာရံနီသောယာယီစခန်းသို့ ပြောင်းရွှိလားခကတ်သည်။ ယင်းအထဲမှာ တပ်ကြပ်ကျော်သက်လည်းပါသည်။ သို့သော် တပ်ကြပ်ကျော်သက်သည် အားလပ်ရက်တိုင်း ဆူဆူရို့ရွာသို့လာရောက်ပြီး ဆူဆူနှင့်ချိန်းတွိသည်။ ယင်းပိုင် ချိန်းတွိနီသည်ကို ဆူဆူ၏မောင်က တနိမြင်လားရေခါ ဆူဆူကို ဆူဆဲသည်။ ယင်းပိုင် ဆူဆဲစွာကို တရွာလုံးသားသိလားရေခါ ဆူဆူလည်းရှက်ပြီး ကျော်သက်ဘားသို့ ခိုးရွာလိုက်ပြီးသည်။ ဆူဆူ၏အပျိုစင်ညသည် မြန်မာစစ်သားတယောက်နှင့် နယ်စပ်တနီရာက ယာယီတဲချေတလုံး ကြယ်ရောင်မတောက်တေ ညဥ့်အမှောင်အောက်မှာ ပျောက်ကုန်ဆုံးလားခရပါသည်။
-----------------
နောက်နိ မိုးလင်းသည်နှင့် သူမဘေးနားတွင် ချစ်သူကျော်သက်မဟိသည်ကို ဆူဆူ သတိထားမိသည်။ ထထိုင်လိုက်သည်နှင့် ဆူဆူအဖသယ်နှင့် အမိသယ်အသံကို တဲအပြင်ဖက်က ကြားရသည်။
"သမီးချေ ထွက်လာလတ်။ အိမ်ပြန်ကတ်မည်"
ဆူဆူလည်း အသံကြားသည်နှင့် တဲအပြင်သို့ထွက်လာလတ်သည်။
"ဘာဘာ အခု အကျွန် ကိုကျော်သက်မယားဖြစ်နီပါယာ။ အပျိုလည်းပြန်မဖြစ်ပါယာ။ သမီးရို့ကို မခွဲပါကဲ့"
ဆူဆူသည် သူ့အဖခြီရင်းကို ဦးတိုက်တောင်းပန်သည်။
ဆူဆူအဖက ဆူဆူကို ရင်ကွဲပြီး "ဘုချေရို့ကို ဘာဘာမခွဲပါဝေ။ ယေကေလည်း အဘုချေ သူ့ကို လက်ထပ်လို့မရ။ တပ်က ခွင့်မပြုလတ်။၊ “ကိုယ့်သမီးကို ကိုယ်ပြန်ခေါ်ပါ” ဆိုလို့ ဘာဘာရို့ ပြန်လာခေါ်စွာ။ ကျော်သက်မှာ မယားနှင့် အချေနှစ်ယောက်ဟိလို့ တပ်ကခွင့်မပြုနိုင်လတ်"
--------------
သူမအဖ စကားအဆုံးမှာ ဆူဆူနှလုံးသား တောင်ပြိုယှောင် ပြိူကျလားရပါသည်။ ဆူဆူက ကိုကျော်သက်နှင့် နောက်ဆုံးတအောင့်ချေတွိချင်ကြောင်းပြောသော်လည်း တပ်အရာဟိက ကျော်သက်ကိုဖမ်းလို့ ကြိမ်ချောင်းသို့ပို့လိုက်ပြီးဖြစ်ကြောင်း ဆိုသည်။ ဆူဆူရို့ သားမိသားဖသုံးယောက် အရှက်တကွဲအကျိုးနည်း ရွာသို့ပြန်လာကတ်ရသည်။ သို့သော် တခြားတဲတလုံးက ချောင်းကြည့်နီသော ကျော်သက်ကိုကား သူရို့မတွိမြင်နိုင်ခပါ။
ဘုန်းစည်သူ
(6/15/2009)
မှတ်ချက်။ ။ (ဖြစ်ရပ်မှန် ဇာတ်လမ်း ဖြစ်ပါသည်။ လွန်ခရေ မေလအတွင်းက ရန်အောင်မြင်ကျွန်းရွာတွင် အဂယင့်ဖြစ်ပျက်ခသောအဖြစ်အပျက်ကို " ဘုန်းစည်သူ" က နရဉ္စရာဝပ်ဆိုက်၌ ရွီးဖွဲ့ထားခြင်းဖြစ်သည်။ မြန်မာပိုင်ယှောင်ရွီးထားသည်ကို ရခိုင်ဘာသာသို့ ပြန်ဆိုထားသည်။).
16.1.10 |
Posted in
ပင်မစာမျက်နှာ,
ဝတ္ထု,
အဆိုးအမိန်းများ
|
Read More »
ရခိုင် ထီးရိုးနန်းနေမင်းအပေါင်းတို့၏ ရွှေနန်းဥက္ကသံနန်မဆောင်ဦး၌ အမြဲစိုက်ထူအပ်သောအောင်းလံတော်ကြိး၏အကြောင်းအခြင်းရာဟူသမျှတို့ကို အခါအခွင့်နှင့် ကြုံကြိုက်စွာ ပုရာဏ်ကျမ်း၊ရာဇသေနင်္ဂဗျူဟာကျမ်း၊ ဗျူဟာ စက္ကိကျမ်း၊ဗျူဟာစစ်ချီကျမ်းတို့မှ ဗဟုသုတဖြစ်စေခြင်းငှာ အနည်းငယ်ဖောာ်ပြပါအံ့။
၁။အောင်းလံတော်၏အတိုင်းအတာကား အလျား ၉ တောင် အနံ ၆ တောင်တိတိရှိသည်။
ထိုထက်ငယ်စေလိုလျှင် အတိုင်းအတာပြု၍ သုံးခဲ့သည်။.
၂။ အရောင်အဆင်မှာ အနီနှင့်အဖြူ စပ်၍ပြုကြပါသည်။အဖြူုရောင်ကိုအထက်ပိုင်းတွင်ထား၍ အနီရောင်ကို အောက်ပိုင်း၌ထားပါသည်။
၃။ အမှတ်အသားမှာ အထက်အောင်လံတော်၏ ထောင့်စွန်းအဖြူရောင်ပေါ်တွင်သိန္ဓ၀မြင်းပျံရုပ်တစ်ခု၊ ၄င်းအဖြူရောင် ကျန်တဖက်နားပေါ်တွင် နာ၈ဆဒ္ဒန်ရုပ်တစ်ခုပါရှိသည်။တစ်ဖက်စွန်တွင်မှု ပဉ္စရှုပံရုပ်တစ်ခုပါသေးသည်။ကျောဖက်တွင် မိမ်ိတို့ပိုင်ဆိုင်သော နယ်နမိတ်ကို တိုင်းပြည်နိုင်ငံကို ဖော်ပြသည်။နယ်နမိတ် တို့မှာလည်း မင်းတစ်ပါးနှင့် တစ်ပါးမတူဘဲ တန်းခိုးရှိလျှင်ရှိသည့်အလျှောက် အကျဉ်း အကျယ်ကိုလိုက်၍ပြုလုပ်ရသည်။နယ်နမိတ်၏ အတိုင်အတာ အကွာအဝေးကို တစ်ရာ့ရှစ်ပါဒရှိသော ရခိုင်အောင်လံတော် ရတုတွင်လည်းကောင်း၊ သာစွလေချီလင်္ကာတွင်လည်းကောင်း ရခိုင်ရာဇ၀င်တွက်လည်းကောင်းတွေ့နိုင်သည်။
၎။ အောင်လံတော်၏ အရိုးမှာ ၀ါး ( သို့မဟုတ် ပြ၀ါခေါ်သစ်တစ်မျိုးဖြစ်သည်။အမြင့်မှာ ၂၇ တောင်ဖြစ်၍သတ္တပီသကျယ်ပြုလုပ်ရသည်။ ၀ါးမှာ ကြသောင်းဝါးကိုသုံးသည်။
၅။ အောင်လံတော်စိုက်ထူရာဋ္ဌာနမှ ရွှေနန်းမဆောင်တော်ကြိး၏အရှေ့ဘက် န၀ရတ်ကိုးသွယ်စီခြယ်သောမှန်စဲမျှော်ဆောင်တော်ဦး၏ထိပ်ထက် ထီးမစိုက်ခုံတွင် တင်၍လွှင့်ထူရသည်။
၆။ အောင်လံတော်ကို အချိန်ကာလအကန့်မရှိ လွှင့်ထူစိုက်ဆောက်သည့်နေ့မှစ၍ စုတ်ပြဲဟောင်းနွမ်းသည့်တိုင်အောင် နုတ်မချွတ်စကောင်း မချစကောင်း အမြဲပင်ထားရသည်။
၇။ အောင်လံတော်၏အဓိပမှာ ရက္ခိုင်၊ရက္ခိတဟူသောပုဒ်ဖြင့်စောင့်ရှောက်ခြင်းအနက်ကြောင်းလည်းကောင်း၊ ဖြူစင်သောသီလ၊ မြင့်မြတ်သောမျိုးရိုးဖြစ်ခြင်းကြောင့်လည်းကောင်း၊ ဝေသီယမျုိုး၊ ဒုဒ္ဒိယမျိုးတို့ထွန်းကားပေါ်ပေါက်ရာဖြစ်သောမျိုးရိုးဖြစ်၍လည်းကောင်း၊ ရခိုင်တို့ ကျင့်သုံးတရားထုံးဆိုစသည့်စကားအရ မျိုးရိုးကိုသီလဖြူစင်စွာစောင့်ရှောက်ခဲ့ခြင်းကြောင့် အဖြူရောင်ကိုပေါ်ကတင်ရသည်။အနီရောင်မှာ အသမ္ဘိန္န၊ ခတ္တိယ၀ံသ၊ သကျသာဂီယ၊ ဗြဟ္မာနွယ်မျိုးရိုးတိုမှ ဆင်းသက်လာသောအနွယ်တော်ဖြစ်၍ ဖောက်ပြန်တတ်သောသွေးမရှိ၊ပကတိနီမြန်းသောသွေးအဆင်းသာရှိသောကြောင့် အနီရောင်ကို တပ်ဆင်ရသည်။ သိန္ဓောမြင်းတို့မည်သည်မှာ ကွေ့ကောက်၍သွားခြင်းမရှိ၊တည့်မတ်ဖြောင့်စင်း၍ လားတတ်သောသဘောကြောင့်လည်းကောင်း၊ ဆဒ္ဒန်မျိုးမည်သည် ဖြုသောအဆင်းမှတစ်ပါး ဆင်မဲကို မွေးဖွားရိုးမရှိ၊ ဖြူရာမှ မည်းလာသည်ဟူ၍လည်းမရှိ၊ မကတိသောအဆင်းကို အခါခပ်သိမ်း မစွန့်သောကြောင့်လည်းကောင်း ကေသရာဇာခြင်္သေ့တိုမည်သည်မှာ တောသုံးတောင်ကို ထီမထင်သကဲ့သို့လည်းကောင်း ဖြူနီရောင်နှစ်ခုတို့ဖြင့် ပေါင်းငါးခုသော ရူပရုပ်တို့ကိုဆောင်သော ပဉ္စရူပရိုပ်ကို တပ်ဆင်ရသည်။
မှတ်ချက်///
ရခိုင်တန်းဆောင်ဆောင်းပါး ဦးဦးသာထွန်းစာအုပ်က ကူးယူထားခြင်းဖြစ်ပါရေ….
16.1.10 |
Posted in
ကျွန်တော့်မှတ်စု,
ပင်မစာမျက်နှာ,
ရခိုင်အမွီအနှစ်များ
|
Read More »
ရခိုင်ပြည်နယ်အောင်လံကို ရှေးခေတ်ကဘင် အသုံးပြုခရေအောင်လံ၏ အခြီခံအမှတ်အသားကို မူတည်ခကတ်ပါသည်၊၊
အောင်လံအတိုင်းအတာမှာ ခေတ်အဆက်ဆက်က အသုံးပြုလာရေအောင်လံ၊ ကောင်းရှည်ရေအတွက်နန့် အဂုခေတ်ကိုက်ညီအောင် အသုံးပြုနိုင်ဖို့ အတွက် မူလအတိုင်းအတာကိုမှီပြီး အချိုးအစားအလိုက် ပြုပြင်လိုက်ခြင်းဖြစ်သည်။ မူလအတိုင်းအတာ အချိုးအစားမှာ အလျားကိုးတောင် အနံခြောက်တောင် ဖြစ်ပါသည်။
အောင်လံ၏ အရောင်အဆင်းကို မူလရောင်စုံအတိုင်း အတည်ပြုခကတ်ပါသည်။ မူလရောင်စဉ် အဆင်းမှာ ဖြူရောင်ထက်ဝက်နန့်အနီရောင်ထက်ဝက်ဖြစ်သည်။ အထက်ပိုင်းထက်ဝက်မှာ အဖြူရောင်ဖြစ်ပြီး အောက်ပိုင်းထက်ဝက်မှာ အနီရောင်ဖြစ်ပါသည်။.
အဓိပ္ပါယ်ဖွင့်ဆိုချက်မှာ အထက်ပိုင်းအဖြူရောင်သည် ရခိုင်အမျိုးသားရို့၏ ဖြူစင်ရေးစိတ်ဓါတ်ဟိခြင်း ၊ အမျိုးသီလနှစ်ဌာနကို စောင့်ထိန်းခြင်း ၊ ဖြူစင်ဖြောင့်မတ်ရေး စိတ်ရှိခြင်းနဲ့့ဖြူစင်တည်ကြည်စောင့်ထိန်းအပ်ရေး ကိုယ်ကျင့်တရားရှိခြင်းများ ဖြစ်သည်။ အနီရောင်၏ သဘောမှာ ရဲရင့်တည်ကြည်ရေး သတ္တိနှင့် ခိုင်ခံ့တည်ကြည်ရေး ဇာတိသွီး ၊ ဇာတိမာန် ရှိခြင်းများကို ဖော်ဆောင်ပါသည်။
ရခိုင်လူမျိုးများ သုံးစွဲခသော ဝေသာလီခေတ် ရခိုင်ဒင်္ဂါး၏ ပန်းဖက်ပုံကိုို အခြေခံဖော်ပြထားသည်။ ဝေသာလီခေတ် ရခိုင်းဒင်္ဂါးကို သတ်မှတ်ဖော်ပြရခြင်းမှာ ရခိုင်လူမျိုးများ၏ ပေါ်လွင်ထင်ရှားရေး၊ အနုပညာဓနဥစ္စာကြွယ်ဝခြင်း နန့် ရှေးပဝေသဏီကပင် ယဉ်ကျေးမှုထွန်းကားခခြင်းကို ရည်ညွှန်းဖော်ထုတ်လို၍ ဖြစ်သည်။ ထိုဝေသာလီခေတ် ဒင်္ဂါးက်ို သဇင်ပန်းခွီ နှစ်ခက်ဖြင့် ခြံရံထားပါသည်။
ရခိုင်ပြည်တွင် သဇင်ပန်းရေ လူမျိုး၏ အဓိက မြင့်မြတ်ဖြူစင်သော ပန်းမျိုးဖြစ် ပါသည်။ ထိုပန်းကို အမှီပြု၍ အမြင့်အမြတ်စကားလုံး တိုကိုသုံးစွဲရာမှာ သဇင်ပန်းကို ဥပမာပြုပြီး တင်စားသုံးစွဲထားပါသည်။ သဇင်ပန်းကို ရခိုင်ရို့က (သန့် စင်)ပန်းလို့ ခေါ်ကြပါသည်။ သန့်သျှင်းမှု၊ ဖြူစင်မှု။ သန့်သျှင်းဖြူစင် တင်မက ပွင့်ဖတ်အလယ်မှာ ဝါဝင်းပြီးကေ ရွှီရောင်ဟိသော ဝတ်ဆံနှစ်ဆံလည်း ပါဟိသည် ။ မွှီးကြိုင်ပြီး မြင့်မြတ်သော သစ်ပင်ကြီးများ၏ အထက်၌ရာ ပေါက်ရောက်တတ်သည်။ ဖြူစင်သော သီလရောင် ဝါဝင်းသော ဝတ်ဆံအရောင်များသည် ဗုဒ္ဒ၏ သင်္ကန်းရောင်ကို ဆောင်သည်။ ထို့ကြောင့် အမြတ်ဆုံးပန်းဟု တင်စားသမုတ်ဂတ်ပါသည်။ ယင်းကိုို အစွဲပြု၍ ဘုရားပေါင်းချုပ်၏ သင်္ကေတ အခေါ်အဝေါ် ကဗျာတွင် (သဇင်ပန်းခိုင် တမြိုင်မြိုင် ၊ ရခိုင်ဘုရားပေါင်း) ဟူ၍ ဖွဲ့ဆိုထားသည်။ သဇင်ပန်းတစ်ခက်၏ တစ်ဘက်စီတွင် ပါရှိသော (၈)ပွင်နဲ့ ထိပ်ပေါ်ကတစ်ပွင့် ပေါင်းလျှင် (၉)ပွင့်ဖြစ်သည်။ ကျန်တဘက်တွင်လည်း (၈)ပွင့်နှင့် ထိပ်ပေါ်က တစ်ပွင့်ပေါင်းလျှင် (၉)ပွင့်ဖြစ်သည်။ ထိပ်ပေါ်၌ ရှိသော အပွင့်သည် နှစ်ဘက်လုံးနှင့် ဆိုင်သည်။ ဘေးဥပါဒ်အန္တရာယ် ကင်းစီဖို့ ကိုးနဝင်းကြေသော လက္ခဏာကိုဖော်ပြထားပါသည်။ ဖော်ပြပါ သဇင်ပန်းခက် တစ်ခက်စီမှာ အပွင့်ငယ် လက်ဝဲမှ ( ၈ ) လင်္ကျာမှ ( ၈ ) ပွင့်ဆံရိုးတံကို မှီ၍ ဟိနီဂတ်ပါသည်။ ထိပ်မှ တစ်ပွင့်နှင့် ပေါင်းလိုက်လျှင် (၁၇)ပွင့်ဖြစ်၍ ရခိုင်ပြည်နယ် (၁၇) မြို့နယ်ကို ဖော်ဆောင်စွာဖြစ်ပါသည်။
ဗိန္ဒုပြောက်များ
ဝေသာလီဒင်္ဂါး၏ အပြင်ဘက်စက်ဝိုင်းတွင် ဖော်ပြထားသော ဗိန္ဒုပြောက်များမှာ ကနက္ကဒါန်ထီးဝိုင်း၏ ပုံသဏ္ဍာန်ဖြစ်သည်။ ဝေသာလီဒင်္ဂါးများတွင် ပါရှိသော ဗိန္ဒုများမှာ အရေအတွက်အားဖြင့် လုံးရေ(၂၀) ပါရှိသည့် ဒင်္ဂါးအမျိုးအစားဟိရေပိုင် လုံးရေ(၂၀) ပိုမိုပါဟိရေ ဒင်္ဂါးများလည်းဟိကြောင်းတွိ့ ဟိရသည်။ ယေကေလေ့ အဂုသတ်မှတ်ထားရေ ရခိုင်ပြည်တံဆိပ်ပါ ဗိန္ဒုပြောက်များ၏ အရေအတွက် လုံးရေ(၂၀)ဟု သတ်မှတ်ထားပါသည်။ ထိုသို့ သတ်မှတ်ရခြင်းမှာ တံဆိပ်အလှအပနှင့် ရှေးရခိုင်မင်းများ၏ အဓိက ကျင့်ဝတ်များဖြစ်သော မင်းကျင့်တရား ဆယ်ပါး ၊ နာယက ဂုဏ်ခြောက်ပါး ၊ သင်္ဂဟ တရား လေးပါး များကို ပေါ်လွင်စီဖို့ ရည်ညွှန်းထားခြင်းဖြစ်ပါသည်။
သီရိဝစ္ဆ
သီရိဝစ္ဆမှာ သဇင်ပန်းခွီအလယ်တွင် ရှိပါသည်။ ၎င်းသည် ဝေသာလီ စန္ဒြားမင်းရို့၏ ဒင်္ဂါးတွင် ခတ်နှိပ်သုံးစွဲခဲ့သော ပုံဖြစ်သည်။ ယင်းတံဆိပ်ကို ဒင်္ဂါးတွင်သာ မက ရာဇပလ္လင်၊ မုတ်တံကဲများ ၊ ဘုရားတန်ဆောင်း မုတ်တန်ကဲများ၊ တံခါး မုတ်စီများတွင် အမြဲသုံးစွဲထားဟိသည်။ သီရိဝစ္ဆမှာ ကျက်သရေမင်္ဂလာအဖြာဖြာနှင့် ပြည့်စုံသည်ဟု အဓိပ္ပါယ်ရသည်။ သင်္ကတ အများကြီးပါဟိသီးသည်လို့သိဟိရ၏။
နီနန့်လ ရို့မှာ ပထမဆုံး ရခိုင်ဆိုရေနာမည်ကိုို ခံယူခြင်းမှ စ၍အုပ်ချုပ် ခရေမင်းရို့စွာနီလနာမည်ဟိရေ ဘွဲ့ ထူး ဂုဏ်ထူး နာမည်တိကို ခံယူခဂတ်ပါရေ။ သူရိယမင်းဆက် ၊ စန္ဒြားမင်းဆက် ဟူ၍ အုပ်ချုပ် ခပါရေ။ နီင်္နန့်လရို့သည် ကမ္ဘာ၏တန်ဆာများ ဖြစ်ကြသည့်အလျောက် အအီး နန့်အပူ ၊ အလင်း နန့် အမှောင် ၊ အကျိုး နန့် အပြစ် တိကိုို ထင်ရှားစေနိုင်ရေ သတ္တိဟိဂတ်ပါရေ။ နီမင်း နန့်တူသောအကျင့် ၊ လမင်း နန့်တူသောအကျင့်တိဟိဂတ်ပါရေ။ ယင်းနည်းတူ မင်းနန့်တကွ ပြည်သူများလည်း သစ္စာတရား တည်ကြရမည် ။ ယဉ်ကျေးမှုအနုပညာ ၊စီးပွါးရေး အခြီအနီန့့် အမျိုးသားများ လက္ခဏာကို ဖော်ညွှန်းထားပါရေ။ နီသည် ကမ္ဘာမြီပြင်ထက်မှာဟိလူသတ္တဝါတိကိုအလင်းရောင် ပီးသည် ။ လ သည်အီးမြကြည်လင်ရေ သာယာမှုတိကိုဒေသဌာနမရွီး ၊ ပုဂ္ဂိုလ်မရွီး မျှတသော အလင်းရောင် တိကိုပီးတတ်ပါသည် ။ လူသား သတ္တဝါ တိအပေါ်မှာ အီးမြကြည်လင်သော သစ္စာတရား ဟိစွာကိုဖော်ညွှန်းထားခြင်း ဖြစ်သည်။
လက်ဝဲရစ်ခရုသင်းနှင့် လက်ယာရစ်ခရုသင်းတိုင်းပြည်ဂို အုပ်ချုပ်သော ဘုရင် တိဘိသတ်ခံရာ၌ လက်ဝဲ နန့် လက်ယာ ခရုသင်းရို့ဖြင့် သစ္စာရီစင် ဖြန်းရပါသည် ။ ရီစင်ဖြန်းရာတွင် တိုင်းသူပြည်သား အပေါင်းတို့ အား သစ္စာ ၊ သီလ ၊ သမာဓိ တရား နဲ့ တရားသဖြင့် အုပ်ချုပ်အုပ်ထိန်းနိုင်ပါစီ ။ တိုင်းသူပြည်သား တိကလည်း သစ္စာ ၊ သီလ ၊ ဟိဂတ်ပါစီဟူသော သရုပ်ကိုဖော်ဆောင်ပါသည်။
စိန်တောင်
စိန်တောင်သည် အလယ်ဗဟိုတည့်တည့်တွင် မဏ္ဍိုင်အဖြစ် မားမားမတ်မတ် ဖြောင့်တန်းစွာ ရပ်တည်ထားပါသည် ။ ဖော်ပြခသောသစ္စာ ၊ ဓမ္မတရား ရို့သည် မင်းနန့်တကွ ပြည် သူရို့အားတည့်တည့်မတ်မတ် အုပ်ချုပ်ခြင်း ၊ ခံယူလိုက်နာခြင်း လက္ခဏာကို ဖော်ပြထားပါသည်။
စိန်တောင်အောက်ခံ
စိန်တောင်အောက်ခံမှာ လခြမ်းသဏ္ဍာန် ဖြစ်ပြီး စိန်တောင်အား မတိမ်းမစောင်းဖြောင့်မတ်တည်ရှိ နိုင်ရန် မယိမ်းမယိုင်စီခြင်းငှာ အောက်ခံပြုလုပ်ထားခြင်း သဘောကို သရုပ်ဆောင်ပါသည်။
ရွေးလုံး (၇)လုံး (ဗန္ဒု)
ရခိုင်ရို့သည် ကြတ္တိကာ နက္ခတ်နန့်ယှဉ်သည့် လူမျိုးများ ဖြစ်ကြသည်။ ကြတ္တိကာ နက္ခတ်သည် စပါးပင် ၊ မြီများ၏ လက္ခဏာကိုဆောင်သည် ( တချို့ကျမ်း၌ ကြယ်ခုနစ်ကောင် ဟုဆိုသည်။) ကြတ္တိကာ နက္ခတကိုို မှီး၍ ထွန်ယက်ခြင်း ၊ စိုက်ပျိုးခြင်း ၊ ရိတ်သိမ်းခြင်း တိကိုပြုလုပ်ကြသည်။ ရခိုင်ပြည်နယ်သည် ကြတ္တိကာ နက္ခတ် နန့်လျော်ညီစွာ စပါး စိုက်ပျိုးရေးကို အဓိကပြု၍ သက်မွေးဝမ်းကျောင်းဆောင်ရွက်ရသော ပြည်နယ်တစ်ခုဖြစ်သည်။ ထို့ကြောင့် ရခိုင်ပြည်နယ်၏ အသက်သွီးကြော ဖြစ်သော စီးပွားရေးနန့် စိုက်ပျိုးရေးလက္ခဏာ သဘောဆောင်ထားခြင်း ဖြစ်သည်။
ခြူပန်း
ခြူပန်းသည် အမြင့်မြတ်ဆုံးသော ပန်းတစ်မျိုးတွင် ပါဝင်သည် ။ ခြူပန်းမှာ အပင်မှ ပွင့်သော ပန်းမဟုတ်ပါ ခြူကောင် ဟူသော သတ္တဝါတမျိုး၏ ခန္ဓာကိုယ်မှ ပေါက်ရောက်နိုင်သော အမွှီးအမျှင်ရို့၏ ပုံသဏ္ဍန်တွင် အခွီခွီ အလိပ်လိပ် ဖြစ်ဖော်နီခြင်းကို သရုပ်ဖော်၍ ပန်းချီ ပန်းပု ဆရာ ရို့သည် ဘုရား ၊ စေတီ ၊ အဆောက်အဦး ၊ ပလ္လင် ၊ မုတ်တံကဲများ ၊ ထီးဆောင် နန်းဆောင် စသော အဆောက်အဦးရို့တွင် ၊ ပန်းခက် ၊ ပန်းခွေ ၊ ပန်းလိပ် ၊ ပန်းနွယ်များ ထုလုပ်ရာတွင် သရုပ်ဖော်၍ ထုလုပ်ဂတ်ပါသည် ။ ပန်းခက်ရို့၏ အလယ်တွင်ခြူကောင်များ ထုလုပ်ထားခြင်းကြောင်း ခြူပန်းဟူ၍ ခေါ်ပါသည် ။ ခြူကောင်ရို့သည် လူအပေါင်းရို့၏ ပစ္စည်းဥစ္စာကို လည်းကောင်း ၊ အသီးအနှံ တိကို လည်းကောင်း လုံးဝဖျက်ဆီးခြင်း မဟိပါ ။ သူရို့၏ လားရာတွင် အမွှီးအမျှင်များ တစ်ခုနှင့်တစ်ခုထိခိုက်၍ ဆွဲလွဲမြည်သံပိုင် တခြွင်ခြွင်မြည်ပါရေ။ ယင်းကြောင်း ဆွဲလွဲငယ်များဂို ခြူးငယ်ဟု ခေါ်ပါရေ။ မင်္ဂလာ ဟိသော ၊ တီးသံသာသော အသံတိကိုသရုပ်ဆောင်ထားပါရေ။ ၎င်းရို့သည် ကာမ ဆန္ဒ တရား၌ တသက်လျှင် တကြိမ်သာ မှီဝဲခြင်း ဟိပါရေ ။ သူတပါး အမျိုးအနွယ်ကိုိုလည်း ဖျက်ဆီးခြင်း မရှိပါ ။ အဗြဟ္မ စရိယာ သိက္ခာ ပုဒ်ဂို စောင့်ထိန်းခြင်း ၊ တိုင်းသူပြည်သား ရို့သည်လည်း မုဒိန်း တန္တ မကျူးလွန်ကြ စေရန်သရုပ်ဆောင်ထားခြင်း ဖြစ်ပါတယ်။ ဤသီရိဝစ္ဆ တစ်ခုလုံး၏ သဘောတရားမှာ သစ္စာ ဓမ္မ ရှိခြင်း ၊ လယ်ယာစိုက်ပျိုးရေး၌ စပါးသီးနှံတိုး ပွါးများစေခြင်း၊ အလင်းနန့်အမှောင် ၊ အကျိုးနန့်အပြစ် တရားတိကိုဆင်ခြင်နိုင်စီခြင်း ၊ မိမိရို့၏ ရိုးရာ ဓလေ့ထုံးစံ တိကိုစောင့်ထိန်းနိုင်ခြင်း ၊ ခေတ်နန့်လျော်ညီအောင် တစည်းတလုံးတည်း တည်မြဲနိုင်စီခြင်း ၊ ထွန်းသစ် ပေါများတိုးတက် စီနိုင်ရေသင်္ကေတ သဘောတိကိုသရုပ်ဖော်ဆောင် ထားခြင်းဖြစ်သည်။
မှတ်ချက်...အောက်သားစာနန့်ရွီးထားရေ...ဝ(ဘ်)ဆိုက်တခုကိုအတည်ထားပနာ
ရခိုင်ဘာယာသို့ပြန်ပီးလိုက်ခြင်းဖြစ်သည်။
စာရွှီးသူ
လန်းဆန်း
.
16.1.10 |
Posted in
ကျွန်တော့်မှတ်စု,
ပင်မစာမျက်နှာ,
ရခိုင်အမွီအနှစ်များ
|
Read More »
လူမျိုးတစ်မျိုးတိုးတက်ဖို့ အရီးကြီးဆုံးအချက်နှစ်ချက်ရှိပါရေ။ Nature recourses နန့် Human recourses ဖြစ်ပါရေ။ ဒေဟှင်စွာ တိုင်းပြည်တစ်ပြည်၏ မရှိမဖြစ် လိုအပ်နိန်ရေ အရီးကြီးဆုံးအရာတစ်ခုဖြစ်ပါရေ။။။ လက်ရှိတိုက်ပြောင်းလွဲနိန်ကတ်တေ ထိုင်းနိူင်ငံ စင်္ကပူနိူင်ငံ နိူင်ငံချေကို မှန်းပနာကြည့်လိုက်ပါ ... ….ကိုတော်ချေတော ပြောပြဖို့မလိုလို့ထင်ပါရေ….
ဇာကြောင်းလည်းဆိုကေ ရခိုင်သား အများအပြားက အဖွဲ့စည်းတိထောင်ပြီး{ keyboard }
တိမှာ လက်တင်ပနာ နိူင်ငံတကာနန့် ရင်ဘောင်တန်းနိန်ကတ်တေအတွက်ဖြစ်ပါရေ….ကိုတော်ချေရို့ ရခိုင်ပြည်မှာ အာရှတဝိုင်းမှာ အကြီးမားဆုံး သဘာဝသယံဇာ ဓါတ်ငွေ့တွင်းကြီးကို ရှာတွီ့ထားလို့ ထိုင်းနိူင်ငံမှာ မီး {၂၄} နာရီလင်းနီးဗျာလ်.. ရခိုင်ပြည် ရခိုင်လူမျိုးတိုးတက်ရေးတွက် ရခိုင်ပြည်တစ်ခုလုံးမှာ နအဖအစိုးရ ပီးထားရေမီးစွာ ည {၇} နာရီးကပင် {၁၁} နာရီးအထိရာဖြစ်ပါရေ။ .
အာဏာရှင် စစ်အစိုးရက ရခိုင်ပြည်သူလူထု တိုးတက်ပါစီးလို့ မီးပီးထားစွာ တစ်ရက်မှာ {၄} နာရီရာရှိပါရေ။…. ရခိုင်လူမျိုးတိကလည်း တိုးတက်အားကြီးလို့ ဖယောင်းတိုင်ထွန်းပနာ အနာဂါတ်တွက် ချီတက်နိန်ဂါတ်ရပါရေ...
ကိုတော်ချေရို့ ဗုဒ္ဓဘာသာဝင် ဘုရားဆုတောင်းတိုင် ရန်သူမျိုးငါးပါးက လွတ်မြောက်ပါစီလို့ မမြဲတမ်းဆုတောင်းနိန်ဂါတ်ပါရေ။ ယင်းရန်သူမျိုးငါးပါးထဲမှာ မင်းဆိုးမင်းယုတ်တစ်ပါးပါဝင်ပါရေ။ ဒေနိ့အခါမှာ မင်းဆိုးမင်းယုတ်ဆိုရေ စစ်ဗိုလ်ချုပ်တိက ရခိုင်ပြည်တခွင်မှာ စစ်တပ်ရိပ်ခါတွက် ဗန်းပြပနာ စစ်ဗိုလ်ချုပ်ရို့၏ မိသားစုတွက် ရခိုင်ပြည်ရခိုင်လူမျိုးတိ မိရိုးဖလာ ပိုင်ဆိုင်လာရေ မြီတိကို စစ်အာဏာနန့် ရခိုင်ပြည်နိန်ရာ အနံအပြားမှာ ကိုယ်ချင်းစာနာမှုမရှိဘဲ သိမ်းယူနိန်ဂါတ်လို့ ရခိုင်လူမျိုးတိ အခက်ခဲ့ပေါင်းစုံးနန့် ရင်ဆိုင်ကြုံတွီနိန်ဂါတ်ပါရေ။
ရခိုင်ပြည်အတွင်း မြို့တိုင်းမြို့တိုင်းမှာ မြို့နယ်အေးချမ်းသာယာရေးနန့် ဖွံ့ဖြိုးရေကောင်စီ၊
ရပ်ရွာအေးချမ်းသာယာရေးနန့် ဖွံ့ဖြိုးရေးကောင်ရို့ကလည်း (အေးချမ်းသာယာရေး) ခေါင်းစီးကိုတပ်ပနာ မိရိုးဖလာ လုပ်ကိုင်စားသောက် ပိုင်ဆိုင်လာရေ ချောင်း၊ လယ်၊ မြီး၊ တိကို မင်းဆိုးမင်းယုတ်လို့ခေါ်ရေ စစ်အာဏာရှင်ရို့က မတရားအဓမ္မသိမ်းပိုက်စွာကို အေးချမ်းသာယာရေးရုံးကို လားတိုင်ရေခါ {SPDC} လို့ နာမေပီးထားပြီး သီဟသူရတင်အောင်မြင့်ဦး ခေါင်းဆောင်ပြီး {state peace and development council} ဆိုရေ မြို့နယ်အေးချမ်းသာယာရေးနန့် ဖွံ့ဖြိုးရေးကောင်စီရုံးက တစ်ဝက်စား သိမ်းပိုက်ထားရေ လယ်၊မြီ၊ချောင်းတိကိုလည်း ပြန်မရ။
ရခိုင်သားတိတွက် ရင်ကွဲနာကျနိန်စွာကို ထောက်ဆပြီးကေ {၂၁} ရာဇုကို ရခိုင်သားအချင်းချင်း စည်းရုံးညီးညွန့်မှုနန့် လက်ချင်းဆက်လားဂါတ်မေဖိစွာကို သဘောထားကြီးကြီးနန့် ပြင်ဆင်ရဖို့အချိန်ကို ရောက်နိန်ပါဗျာလ်။ {၂၀၀၃} အလွန်က အရှေ့တောင်အာရှမှာ အကြီးမှာဆုံးသဘာဝဓါတ်ငွေ့တွင်းကြီးကို ပိုင်ဆိုင်ထားရေ ဒေနိ့ရခိုင်ပြည် ရခိုင်လူမျိုးမှာကား လယ်ယာမြီ အဓမ္မအသိမ်းခံရခြင်း၊ မိရိုးဖလာလုပ်ကိုင်လာရေ ရီနံတွင်းတိ အသိမ်းခံရခြင်းကအစ အမျိုးမျိုးအဖုံအဖုံ လူ့အခွင့်ရေးချိုးဖေါက်ခံနိန်ရပနာ ယင်းလောက် အာရှတခွင်မှာ အကြီးမားဆုံး nature resources တွင်းကြီးကို ပိုင်ဆိုင်ထားရေ ရခိုင်ပြည်သူလူထုတိအနိန်နန့် {၂၄} နာရီတစ်ရက်မှာ (၄) နာရီလောက်ရာ စစ်ဏာရှင်အစိုးရက မီးပီးထားရေ…။
ဇာလောက်ရခိုင်ပြည် ရခိုင်လူမျိုးကို နအဖအစိုးရ သနားချစ်ခင်လီဖို့လည်းဆိုစွာကို ရခိုင်လူမျိုးတိအနိန်နန့် ခေါင်းမှာလက်တင်ပြီးကေ တစ်ခေါက်ချေလောက် စဉ်းစားကြည့်ပါဖိ..။ ယင်းအတွက်ကြောင်း ရခိုင်ပြည်မှာ ရခိုင်တစ်မျိုးသားလုံးဟြင်သန်လာရေးတွက် ရခိုင်ကြမ္မာကို ရခိုင်ကိုယ်တိုင် ဖန်တီနိူင်ခွင့် မရှိဆိုကေ နောက်နှစ်ပေါင်း (၂၀) နီပါးမှာ ဖြစ်ပေါ်လာဖို့ လူမျိုးဝါးမျိုရေးပြသနာစွာ အများကြီးဖြစ်လာနိူင်ပါရေ။ ဗမာလူမျိုးက အမျိုးမျိုးကြံစီ ကုလားကတစ်ပုံနန့် အနာဂါတ်သားကောင်းရတနာကောင်း မျိုးဆက်သစ်ချေတိအတွက် ရင်လီစရာတိပါ။။
လက်ရှိရခိုင်ပြည်အတိုင်းတာမှာ လူမျိုးပေါင်းစုံအားဖြင့် {၄} သန်းကျော်လောက်ရှိလာရေလို့ ပြောသံကြားပါရေ …အိမ်တာနက် စာမျက်နှာအရ (၂၀၀၀) ခုနှစ်လောက်မှာ ရခိုင်ပြည်တွင်းမှာရှိ လူဦးရေစွာ {2, 744000}. နှစ်သန်း ခုနှစ်သိန်း လေးသောင်း လေးထောင် လောက်ရာရှိရေလို့ သိရှိရပါရေ….
{၂၀၀၉} ခုနှစ်{ ASSYC } က သူငယ်ချင်းတစ်ယောက်ပြောပြချက်အရ ရခိုင်ပြည်မှာ လူဦးရေ (၄) သန်းကျော်တောင်ရှိပါဗျာလ်လို့ ပြောလာပါရေ ။ ရခိုင်လူမျိုးကွယ်ပျောက်ရေးတွက် လူမျိုးချင်းဇာလောက်ဝါးမျိုလားဗျာလ်လေးဆိုစွာကို ဆင်ခြင်သုံးသပ်ပြီးကေ ကိုယ့်အမျိုးဘာသာ သာသနာဟြင်သန်လာအောင် မစောင့်ရှောက်နိူင်သိဆိုကေ (၂၁) ရာဇုအလယ်ပိုင်းမှာ ပျော်ကွယ်လားဖို့ဆိုစွာ သေချာလာပါရေ။
မယုံလို့ရှိကေ ပါကစတန် အိန္ဒြိယ အင်ဒိုနီရှားတိနိူင်ငံတိကို တစ်ခေါက်ချေလောက် လေ့လာလိုက်ပါ …။ ဒေလောက်( ၄. ၅) ရာဇု အင်ဒိူးနီးရှားနီူင်ငံအတွင်းမှာ ကမ္ဘာမှာ ဟိုးဟိုးကျော်အောင် တိုးတက်လာရေ ထေရဝါဒ ဗုဒ္ဓဘာသနာစွာ (၁၅) ရာဇုမကုန်ခင် တစ်တက်ပြုန်းအောင် ဖျက်ဆီနိူင်ရေ မှုဆလင်လူမျိုးတိကို ကောင်းကောင်းအံဟြဖို့ကောင်းပါရေ။ နောက်နိူင်ငံတိကလည်း ယင်းနည်း၎င်း မှုဆလင်တိလက်အောင်မှာ ဖျက်ဆီးခံရစွာဗျာလ်။ ဇာကြောင်းလည်းလို့ပြောဖို့ကေ security မရှိလို့ပြောရပါဖို့ …ရခိုင်တိမှာလည်း ယင်းနည်းကောင်းဗျာလ် ရခိုင်လူမျိုးတိမှာလဲ အချင်းချင်းမညီညွန့်လို့ security ကလည်း ပျောက်ကွယ်လားရေအတွက် လက်ရှိကျွန်ဘဝမှာနိန်ရစွာကား။ ပြောလာဂါတ်ဖို့ security ဆိုစွာ ဇာဟင့်လေးလို့ .မသိရေလူတိက မိန်းပါဖို့ ….Security ဆိုစွာ အနာဂါတ်မှာ ဖြစ်ပေါ်လာဖို့ ဘေးအန္တရာယ်တိကို ကာကွယ်စောင့်ရှောင့်မှုလို့ပြောရေ။ ရခိုင်လူမျိုးတိ မရှိ ဒေပိုင်ရာဆက်လက် နိန်ထိုင်လားဂါတ်ဖို့ဆိုကေလေ့ ကိုတော်ချေရို့ ရခိုင်တစ်မျိုးသားလုံးတွက် နောင်နှစ်ပေါင်း(၅၀)ကျော်လားကေလေ့ security ရှိလာဖို့မဟုတ်..ဇာဖြစ်လို့လည်းဆိုကေ ကျွန်ဆိုရေအသိစိတ်က ရခိုင်လူမျိုးမှာ ပျောက်ကမပျောက်ပါသိ ၊ ဇာပိုင်ရခိုင်တမျိုးလုံးတွက် လုံခြုံမှုရအောင် လုပ်နိူင်ဖို့လဲ။
ယင်းပိုင် ရာဇုပေါင်းမြောက်များစွာကို ချီတက်ပနာ ဟှင်သန်လာရေ ရခိုင်နိူင်ငံတော်ကြီးလည်း (၁၇) ရာဇုလောက်မှာ ပေါ်တုဂီ၊ လန်ဒန်၊ အယုဒ္ဓယမြို့တော်တိနန့် ရင်ပေါင်းတန်းပြီး တိုးတက်ပြောင်းလွဲလာရေ ရခိုင်နိူင်ငံတော်ကြီးလည်း (၁၉) ရာဇုနှစ်လောက်မှာ သွီးပြောစွာကို မယုံဘဲ ဘေးပြောစွာကို ယုံခလို့ အယုံမိလို့ အချုံးထိမှန်လားသည့် ကျွန်ဘဝကို ရောက်ရှိနိန်စွာပါရာ။
စဉ်းစားကတ်ပါဖိ ကိုတော်ချေရို့ ရခိုင်ပြည်တစ်ခွင့်မှာ ရခိုင်ပြည်ကျဆုံးရေအချိန်ကပင် လက်ရှိအစိုးရ စစ်အာဏာနန့် ရခိုင်သူ ရခိုင်သားမျက်ရည်စာကို တစ်ဝတစ်ကန်စားပနာ အုပ်ချုပ်နိန်ရေအချိန်ထိ Technology နန့် ပတ်သတ်ပြီးကေ ရခိုင်သားတိ ဇာလောက်တိုးတက်လာဗျာလ်ဆိုစွာကိုလေ မျက်စိကိုဖွင့်ပြီးကေ ရခိုင်ပြည်တစ်ခွင့်ကို မြင်အောင်ကြည့်လိုက်ကတ်ပါ.. စစ်တွေမြိုမှာတောင် လက်ရှိအချိန်ထိ computer သင်တန်း ၂ ခုရာရှိရေ။ နအဖစစ်အစိုးရကလည်း Technology နန့် ရခိုင်သားတိ အလုပ်လုပ်ပြီးကေ တိုးတက်ပါစီလို့ ရွယ်ရွည်ချက်နန့် (၂၄) နာ၇ီးတစ်ရက်မှာ ည(၇) နာရီကပင်(၁၁) နာရီထိရာ တစ်ရက်မှာ (၅) နာရီးရာ မီးပီးရေ …။ ရခိုင်တစ်မျိုးသားလုံး တစ်ချေလောက် စဉ်းစားလီဖိ နောက်နှစ်ပေါင်း (၂၀) ကိုမကြာ ရခိုင်မျိုးဟြင်သန်လာရေးကို မပြောကေဖိ ဇာလောက်ဆုတ်ယုတ်ပျက်လာလီကတ်ဖို့လည်းဆိုစွာကို စဉ်းစားနိန်စရာမလို့ …. အဝေး..မင်းရခိုင်လူမျိုးလားလို့ မိန်းလိုက်ကေ … yes … I am arakanese ….ဆိုရေစကားကို ကြားရကေတောင် . စိတ်ထဲမှာ မဆိုးမလားဝေးဒေသူ အင်္ဂလိပ်ပိုင် တစ်လုံးသိကေ တစ်လုံးပြောတတ်တေလို့ စိတ်ထဲမှာ ဂုဏ်ပြုမိဖို့သိ….{ဟုတ်ကဲ့ …ကျွန်တော်ရခိုင်လူမျိုးပါခင်ဗျာလို့ } ဖြေစွာကို ကြားရဖို့ဆိုကေလားဗျာလ် ကိုတော်ချေရို့ ဖိုးဖီးဇူဇာတိ ရခိုင်ပြည် ရခိုင်တမျိုးသားလုံးတွက် သွီးချောင်းစီးအောင် အသက်ပီတိုက်ပွဲဝင်ခရေ မျက်နှာခွက်ကိုမထောက်ပဲ ပြောလိုက်တေစကားတစ်ခွန်းကြောင်း ကိုယ်တော်ချေရို့ ဖိုးဖီးဇူဇာတိ အသက်နန့်ရင်းပြီးကေ ထိမ်းသိမ်းလာရေ ရခိုင်စာပီ ရခိုင်ယဉ်ကျေးမှု ရခိုင်အစိုင်အလာတိစွာ မင်းရို့လက်ထက်ရောက်မှ
ပျောက်ကွက်လားရေလို့ သိလာရဖို့ဆိုကေ ရောက်ရှိနိန်ရေ ကောင်းရာသုဂတိဘုံတိက ပြန်ပနာရင်ကွဲနာကျပြီးသုံးဆုံးလားဖို့ဆိုစွာကို တစ်ချက်ချေလောက် စဉ်းစားကြည့်ပါ….။ အသက်နန့်ရင်းပြီးထိမ်းသိမ်းစောင့်ရှောက်လာရေ ကိုတော်ချေရို့ ဖိုးဖီးဇူဇာတိကိုလည်း
ဂုဏ်ယူရေအနိန်နန့် သူရို့၏ကျေးဇူးကို သိတတ်တေအနိန်နန့် ရခိုင်စာပီ ရခိုင်လူမျိုး ရခိုင်ယဉ်းကျေးမှုကို စောင့်ထိန်းပီးကတ်ပါလို့ တိုက်တွန်းချင်ပါရေ….
ရက်တစ်ခွက်သောက်ရကေပင် အမျိုးကိုချစ်တေ ကိုယ့်လူမျိုးကို စောင့်သိမ်းဂါတ်လို့ မရှက်တတ်တေ ပစက တစ်ထွတ်ထွတ်ပြောနိန်ရေ အလုပ်တစ်ခုလုပ်ကေ အလုပ်မဖြစ်သိ အငြင်းသန်ပနာ ရန်ဖြစ်နိန်ဂါတ်စွာကိုလည်း အသိတရားချေနန့် ထိန်းသိမ်းလားဂါတ်ဖို့ ပြောချင်ပါရေ။
ယင်းပိုင်နန့်ပတ်သတ်ပြီးကေ ရခိုင်လူမျိုးတိ ၂၁ ရာဇုကို လျှော်လှမ်းဖို့တွက် စည်းရုံးရေးနည်းပညာတိ ပိုမိုကောင်းမွန်လာအောင် ညီညီညာညာနန့် ဝိုင်းဝမ်းဆောင်ရွက်လားဖို့ တိုက်တွန်းချင်ပါရေ။
နောက်ဆုံးအနိန်နန့် မဖြစ်နိူင် မစည်းရုံးနိူင်အချိန်တိုတွင်းမှာ ဆင်းရဲသားရပ်ကွက် ဆင်ရဲသားရွှာ ဆင်းရဲသားမိသာားစုက မွီးမွားလာရေ နောက်အနာဂါတ်မှာ တိုင်းပြည်လူမျိုးအကျိုးကို ဆောင်ရွက်လာဂါတ်အောင် တပိုင်တစ်နိူင်တတ်နိူင်ရေ အဖွဲ့စည်းတိကလည်း ကူညီးမှုပီးပြီးကေရေ မိမိနိူင်ငံ ပြည်လည်ဟှင်သန်လာရေးတွက် အကောင်ထည်ပေါ်လာနိူင်အောင် ငါ့ရို့တိုးတက်မှာ ပတ်ဝန်းကျင်တိုးတက်ဖို့ ပတ်ဝန်းကျင်တိုးတက်မှ နည်းပညာအင်အားကောင်းလာဖို့ နည်းပညာအင်အားကောင်းလာကေ ရခိုင်ပြည်တွက် တိုးတက်ချင်ရေစိတ်ဓါတ်တိမြင်မားပနာ ကောင်းကောင်းမွန်မွန်နန့် တစ်ယောက်ကိုတစ်ယောက် လက်ချင်းဆက်ဗျာလ်လျှေက်လှမ်းမှုမရှိဘဲိ ငါ့နန့်မဆိုင် သူနန့်မဆိုင်ဆိုပြီးကေ ကိုယ့်လူမျိုးကောင်းစားရေးကို မကြည့်ဘဲ ကိုယ်လွတ်မြောက်ရာကို ကိုယ်လျှောက်လှမ်းနိန်ဖို့ဆိုကေ နောက်ဖြစ်လာဖို့ အနာဂါတ်သားကောင်းချေတိတွက် ၂၁ ရာဇုကို ဇာပိုင်လျှောက်လှမ်းရဖို့လဲဆိုစွာကို ထင်ရာမြင်ရာချေတိကို မစဉ်းစားဘဲ ဇာပိုင်လျှောက်လှမ်းရဖို့လည်းဆိုစွာကို စည်းရုံးမှုတိနန့် စဉ်းစားဂါတ်မေဖိ....
..
ထာဝရသီရိ
16.1.10 |
Posted in
ပင်မစာမျက်နှာ,
ဆောင်းပါး
|
Read More »
လူမျိုးတစ်မျိုးကို လူမျိုးတစ်မျိုးက မကောင်းမြင်မှု ဖျက်စီးမှု တိုက်ဖျက်မှုနန့် လူမျိုးတစ်မျိုးကို လူမျိုးတစ်မျိုးက စီးပွါးရေး လူမှုရေး ဘာသာရေး နိူင်ငံရေး လူမျိုးတစ်လူ၏ ကိုယ်ပိုင်အခွင့်ရေးကို ခွဲခြားဆက်ဆံမှုနန့် ဝါးမျိုနိန်ရေအချိန်တိမှာ ကိုယ့်လူမျိုးမြင့်မားရေးတွက် လက်ချင်းဆက်သင့်ဗျာလ်။ ရခိုင်ပြည်တခွင်မှာ ဖျက်ပျက်ပြောင်းလွဲနိန်ရေ အကြောင်းအရာတိက ရခိုင်ပြည်မှာ ရခိုင်လူမျိုးကွယ်ပျောက်အောင် တိုက်ဖျက်နိန်ဂါတ်စွာ ကောင်းကောင်းကြားလာဗျာလ်။ .
ရခိုင်ပြည်လူမျိုးကို ပျောက်ကွယ်ရေးတွက် ဘင်္ဂလီကလားတိကို စည်းမဟိ ကမ်းမဟိ လက္ခံပြီးကေ ရခိုင်နန့် ကုလားလူမျိုးကို ဝါးမျိုးရေးအတွက် လုပ်ဆောင်နိန်ဂါတ်ကေလေ့ ရခိုင်ဆိုရေအသိက ရခိုင်တစ်မျိုးတမျိုးသားလုံးမှာ ကိန်းဝတ်နိန်လို့ ကုလားလို့ကြားလိုက်တေအချိန်မှာ မွားစားပလိုက်ချင်လောက်အောင် စိတ်ဓါတ်တိဟိမှု ရခိုင်လူမျိုးကို ရခိုင်သားကချစ်မြတ်နိူးမှုနန့် ရခိုင်လူမျိုးကွယ်ပျောက်ရေးကို မလုပ်ဆောင် မအောင်မြင်နိူင်လို့ ဒေလောက်သယံဇာတ ပွားများရေရခိုင်ပြည်ကြီးမှာ ရခိုင်လူမျိုးကို လူတလုံးသူတလုံးမဖြစ်အောင် တထပ်ထမင်း တထပ်ရှာစားရအောင် လက်ဝါးကြီးအားနိန့်လုပ်ဆောင်နိန်ဂါတ်စွာကို လက်တွီကြုံတွိနိန်ဂါတ်စွာအမှန်ပါရာ။ ယင်းလောက် တထပ်ထမင်း တထပ်ရှာစားရအောင်လုပ်ဆောင်နိန်ကေလေ့ နအဖလက်ဝါးကြီးအောက်က ထိုးဖောက်လွတ်မြောက်ဂါတ်တေ ရခိုင်သားတိအနိန်နန့် မလွတ်မြောက်ဘဲကျန်ဟိနိန်သိမ့်ရေ ရခိုင်သားချေတိအပါအဝင် လွတ်မြောက်မှုဟိနိန်ကေလေ့ လူမျိုးမတူ ဘာသာမတူ အယူမတူ ကွဲပြားနိန်ရေ လူမျိုးတိလက်အောက်မှာ မိုးလင်းမှသည် နိန်ဝင်သည်ထိ မရပ်မနားကျွန်ပြုခံနိန်ရရေ ရခိုင်မျိုးဆက်သစ်တိကို တပိုင်တနိူင်ကူညီဆောင်ရွက်လားဖို့ အချိန်တိရောက်နိန်ပါဗျာလ်ကား။
ရခိုင်ပြည်မှာ ရခိုင်မျိုးသစ်ဆယ်ကျော်သက်အဆင့်ရာဟိနန်သိမ့်ကေလေ့ မိဘနှစ်ပါးက သူရို့တိတွက်ဇာတစ်ခုလည်းမလုပ်ပီးနိူင်လို့ ပျက်စိနိန်ဂါတ်ရရေ ရခိုင်မျိုးဆက်သစ်ချေတိက အများကြီးပါရာ။ တကယ်တန်း individual rights and human rights ရာဟိနိန်ဂါတ်ဖို့ဆိုကေ သွတ်လွတ်ဖျတ်တေ အရွယ်နန့်အတူ အမျိုးဘာသာ သာသနာတွက် ရခိုင်လူမျိုးတစ်ယောက်အနိန့်သက်ဆိုင်ရေ လူမှုးရေအသိုင်းအဝိုင်းတိမှာ ငြိမ်းငြိမ်းချမ်းချမ်းနန့် နိန်ထိုင်ပြီးကေ လူမျိုးတစ်မျိုးရသင့်ရထိုင်တေ အခွင့်ရေးကို ဆုပ်ကိုင်ထားလို့ ရခိုင်ပြည်အနာဂါတ်၏ စစ်မှန်ရေမျိုးဆက်သစ်နန့် ခေါင်းဆောင်များ မုချဖြစ်လာဖို့တွက် ပညာသင်ယူချိန်သိရာဟိနိန်သိပါရေ။
အမှန်တကယ်ပြောရဖို့ဆိုကေ လူသားတိုင်မှာ ဒုက္ခဆိုစွာကိုယ်စီဟိနိန်ကေလေ့ အနာဂါတ်မျော်မှန်းချက်ဘဝအလင်းရောင်တွက် ပညာသင်ယူနိန်ချိန်မှာ ဒုက္ခကိုကျော်ဖြတ်ပြီး အားတက်ခွန်စစ်ကြိုးစားနိန်ရဖို့အချိန်တိပါရာ။
ကိုတော်ချေရို့ ရခိုင်ပြည်ရခိုင်တမျိုးသားလုံးကို အလင်းရောင်ပီးနိူင်ရေ ခေါင်းဆောင်ကောင်းများဖြစ်လာဖို့တွက် ဆယ်ကျော်သက်မျိုးဆက်သစ်ချေလက်ထဲမှာရာ ရခိုင်ပြည်ရခိုင်လူမျိုး ရခိုင်စာပီးတိကို အနှစ်သာရာတိကို အလှဆင်ပီးနိုင်ဖို့စွာပါရာ။
ဒေပိုင် ရခိုင်လူမျိုးချေတိကိုလည်း မိဘတိဘက်က ပညာရေးတလုံးတဝတည်းမပီးနိူင်လို့ ဖြစ်ချင်ရာဖြစ် စိုင်းချင်ပိုင်စိုင် ဘဝကို ဒူတိုက်တိုက် ကားကိုက်ကိုက် ဖြတ်သန်းဖို့တွက် ကိုးလလွယ် ဆယ်လဖွားခရေ ဇာမိဘတိကလည်း သဘောမတူပါ။
ယင်းအတွက်နန့် အနာဂါတ်မှာ တိုင်ပြည်နန့် လူမျိုးကို အလင်းရောင်ပီးနိူင်ရေ ခေါင်းဆောင်ကောင်းချေတိဖြစ်လာဖိုိ့တွက် ရခိုင်ိမျိုးဆယ်ကျော်သက်မျိုးဆက်သစ်ချေတိ တိုးတက်လားရေးကို လူမှုရေး ဘာသာရေး ပညာရေးနယ်ပယ်ချေကို စွမ်းစွန်းတမန်ရောင်ဟိလာကတ်အောင် လူမျိုးတမျိုး၏ အနှစ်သာရတိကို ပိုင်ဆိုင်ခံစားတတ်လာအောင် လုပ်ဆောင်နိူင်ကတ်တေ ရဟန်း ရှင်လူအပေါင်းရို့က သွန်သွင်ဆုံးမ သြဝါဒချေတိပီးပြီးကေ ပညာရေးနယ်မြေကိုရောင်အောင် ရခိုင်မျိုးဆက်ချေတိ နိန်ရာတကာမှာ ထွန်းကားလာရေးတွက် လုပ်ဆောင်နိူင်ရေ ရခိုင်ပညာရှင် ရခိုင်အဖွဲ့စည်းချေတိဘက်က လုပ်ဆောင်မှုနန့် ရခိုင်မျိုးဆက်သစ်ချေတိ ထွန်းကားပါစီ။။။။.
16.1.10 |
Posted in
ပင်မစာမျက်နှာ,
ဆောင်းပါး
|
Read More »
